مجروحه يابنات قلبي ينزف

1. اكمل

السلام عليكم يااخواتي
انا مشكلتي تعور القلب انا متزوجه لي ثلاث سنوات وشوي عندي ولدين الله يحفظهم
انا من بدايه زواجي وانا بمشاكل انواع واشكال زوجي شكاك وظالم والسبب اني اول زواجي قلتله ومو عمد لاحظوا هو اللي بداء بالسالفه قلت معجبه باهالفنان من ناحيه اللبس والاغاني
انا ولله الحمد والمنه تبت من جميع الاغاني وعقبال المسلسلات المهم وقتها كان عمري17 سنه يعني احسب عادي زي كل البنات الي بسني بس هو استغلها وصار يظلمني ويقول انتي تحبين كل الرجال لاحظوا حطها حب وعشق واني مو للبس لا لشي ثاني واعوذبالله وبدايه حملي يطلبني للجنس وارفض لاني اتوحم قال لو فلان ماتقولين لا والله والله هذا كلامه لي
وحملت وكمان ظلمني عند اهله وقال مو حامل مني انا بس ابكي وماكان بايدي اسوي شي غير اقول حسبي الله ونعم الوكيل مرت سنه وولدت ونقلنا من المكان اللي كنا عايشين فيه ورحنا قريب من اهله واخته استغلت كلام زوجي وصارت تحرشه بانه يطلقني حسبي الله عليها يارب
ومرت كمان سنه وكن الوضع بداء يتعدل الحمدلله وصار مايطرلي هذا الشي وصار يحبني وخفت المشاكل شوي وحملت بولدي الثاني والوضع يتحسن الحمدلله
وولدت ورحت لاهلي وكان يدق يبكي يقول اشتقتلك والله العظيم اني اذا قفل اجلس مو مصدقه لان اذا معاه عادي واذاغبت مشكله
بس اللي خلفته هالسنين الناس صارت تسألني كيف فلان معاك واخواته استغلوا كلامه زمان صار مالي اي قدر وهاذي اخته اللي قلت لكم قالها فلانه لعد تمسي لها طرف وزعلت عليه جعلها ماترضى

اكمل

ماانكر بين الحين والاخر احسه يشك يوديني مكان ومايروح مثلا المشغل مره وداني وقال بروح دوامي قلت اوكي وطاع الاخ ماراح دوامه وجلس يصارخ يقول اخرته قلت ليه مارحت قال رحت بس استئذنت اخذك مع اني دقيت قلت خلصت احسبه في الدوام قال عند الباب
امس يابنات وراني الفيس بوك حقه ويحسب اني مااعرف قلت ورني الاصدقاء حصلت عنده ثلاث بنات وجلست ابكي واصرخ واقول انت ظالمني على ولا شي وفي الاخير احصل معاك علاقه مع بنات قلتله انا مالي علاقه الا فيك واخواني وانت تظلم وتظلم وفي الاخير تطلع كذا
دايم مسوي مفتي عند راسي وهو عنده بلاوي
عطاء العالم فكره عني وهو ظالم وجرحني كثير
اللي صار قفلت ع روحي غرفه وجلست ابكي وهو يدق ويعتذر وطلعت وحلفلي انه ماله علاقه فيهم وانه ماعمره كلمهم<< هو ماله بالسوالف وانا انصدمت بقوه
بنات اطلبكم الدعاء لي ان الله ينصرني ويبين الحق ويأخذ حقي من كل شماته يارب
وقولولي وش اسوي انا للحين مااكلمه ويوم نمت حطيت ولدي بيننا لان مجبوره انام بغرفتي ولدي ماينام الا على سريره
واللي بتقول اتركيه انا احبه وماتركته وقت الضيق والحمدلله ربي جالس يفرجها بس امس خربها وخربتها بالكلام