محاضره بعنوان جددي حياتك الزوجيه

1. مرحبا بنات صباح الخير .....

مرحبا بنات صباح الخير .....

انا من فترة كم يوم كنت اتفرج على جريدة الجزيره (عسى مايحذفون موضوعي عشان اسم الجريده..)المهم قريت عن دوره في مركز ابن باز للزواج عن دوره مجانيه مدتها يوم واحد عنوانها جددي حياتك الزوجيه واللي القتها الاستاذه ..\مها العومي ..في مركز الملك عبدالعزيز للمحاضرات. ...والله يابنات اني فرحت بالدوره هذي لعدة اسباب منها ابغى اعرف اكثر عن حياتي الزوجيه واتعمق اكثربس على قد ماكانت معلوماتها الاغلب اني مطبقتها بحياتي الزوجيه على قد ماكنت مبسوطه كثير بالدوره لاني تمنيت اني اتعرف على بنات بصراحه في مثل سني متزوجات بالفعل تعرفت على وحده واخذت رقمها وحسيت اني بمكان لاول مره اكون مرتاحه فيه ..المهم اكتشفت ان الرجل بصري والمرأه سمعيه يعني الزوج مايهتم للكلام كثر مايهمه الفعل اللي قدام عينه يعني ماتقولين له بسوي وبسوي لأمثلا يدخل البيت من برى بالليل وانتي منومه العيال وطبعا مشيكه على دروسهم واختباراتهم وصحتهم وامور البيت ومتفرغه له تماما مغيره مفرش الغرفه على غير عادتك ومعطره غرفته لاتقولين مايهتم صدقيني يهتم بس لانك تبينه يتكلم موقايل حلو بيدخل عادي وبيعلق شماغه وبيفصخ ثوبه وبيروح يجلس بالصاله ولا كنك مسويه شي لاتتجذرين منه عادي تروحين بدون ماتشاورينه تسوين عصير الموجود عندك لو فيمتو وتحطين عليه شريحة ليمون وتقدمينه له واذا مو متعشي تكونين مجهزه له عشا اللي يحبه انا زوجي مايعترف بالعشا الا اذا كان من الاكلات الشعبيه او مكرونه مبدعه فيها مو جبن وخرابيط لا المهم تحطين كل شي ولاتستنين منه كلمه عادي الوضع وتكونين لابسه له اللي يحبه سواء بجامه او قميص نوم انا تراني اكلم اللي متزوجه لها 8سنوات وفوق حتى الدكتوره نفسها قالت وسالت اللي لها سنه واقل متزوجه ليش جايه الدوره انا كنت اكلم اللي من 8سنوات وفوق مسويه له تغيير على غير العاده وحتى لو نام وخلاك عادي روحي وراه ونامي واتركيه جددي في طبعك بدون ماتقولين له بسوي تغيير بحياتي خليه يكتشفه لانه الدكتوره قالتها لو قلتي له بجدد بيحن عليك وين التجديد وكذا بتروح همتك للتجديد وصادقه وقمه محاضرتها الدكتوره استفدت كثير منها انا بيني وبينكم وامنى اني القى محاضرات للدكتوره مها العومي واحضرها لان اسلوبها كثير قريب مننا احنا المتزوجات وقالت كلام كثير مره بس الدوره مره ممتعه وانبسطت فيها كثير ماتتخيلون شكثر ولما سألوها البنات قالت لهم انا اغلب محاضراتي على جريدة الرياض او الجزيره ومن يومها وانا اتابع الجرايد توني جايه منها الاربعاء هذا وبس حبيت تشاركوني جزء من اللي صار بالدوره....وسلامتكم وعسى مايحذف موضوعي كالعاده ....rhythm