محبه الزوج لزوجته ليست في الاحتفالات والمبالغات

1. ممكن تكون كبيره لكن حسب المناسبه وبدون توقع الزوج

هلا فيكم فراشات حبابيبي فديتكم
جيت وكتب لكم انا وخطي هالمنسدح عن شويه ملاحظات صرت اشوفها بها المنتدى وباغلب المنتديات اللي تشكل شريحه كبيره مننا كنساء
وهي المبالغه في الاحتفال وفي هدايا الزوج
بصراحه ودي تنتاقش بها الموضوع
انا اتكلم عن البساطه والاشياء ذات التخطيط المسبق ببساطه الهديه والمكان والزينه
لاحظت ابداع البنات ماشاء الله تبارك الله
وكل هذا تجين للوحده وماكملت السنتين الثلاث الاربع
يعني توها باول مشوار حياتها الزوجيه وكل الدنيا حفلات وليالي رومنسيه وتكون استفذت كل الافكار والهدايا وتبي شيئ جديد والخ
انا حبيت افيدكم بوجهة نظري
يؤديها من يؤيد ويرفضها من يرفض وكل وحده طبعا رح يكون ردها يعبر عنها وعن حياتها وعن زوجها ومجتمعها ومستواه المادي
انا لاحظت الكثير من البنات تكثر لزوجها ليالي رومنسيه ودلع على الاخير وبعدا ماتجيب ولدها الاول بحكم انشغالها بالامومه يبدا زوجها بفقدان الدلع على الاخير وتبدا الحياه بالفتور والتهرب
من الزوج والقلق من الزوجه ثم المشاكل والخ
انا ما اقول لاتحتفلون لا احتفلوا وانبسطوا لكن بحدود المعقول
يعني بين فتترات وفترات وتكون حفله بسيطه قليله التكاليف ناعمه

ممكن تكون كبيره لكن حسب المناسبه وبدون توقع الزوج

بس المهم انكم تعودونهم على عادات تخليهم يدمنون عليكم ويدورون رضاكم ومحبتكم
مارح تملكين قلب زوجك بحفله ولا بهديه ولا بشمعه ولا بعشاء رومنسي ولابليله بفندق ولا بجاتوه او عزيمه مطعم يمكن تملكين بعد الحفله بعض الرضا عن نفسك وعنه لكن صدقيني مارح تكون الا مجرد ايام وترجعون على ماكنتم عليه ومارح تنالين كل مطالبكم من هالزوج اللي تعود منك الدلع والاخذ الكثير والعطاء القليل
اللي ابي اقوله لكم
حلو توصلين لقلب زوجك وعقله بافكار كثيره
حلو من انك توصلين انتي وزوجك لرضى ربك
هناك الكثيير من العادات والحركات اللي بتقربكم لبعض وتخليه ينهووس فييك وتصيرين كل احلام زوجك وطموحه وتكونيين كل قلبه وحبه
حتى لو ماسويتي حفله حتى لو كنتي عنه مشغوله يجي بيده يساعدك ويوقف جنبك
وتخليه غصب عنه مايقدر يخونك
حبيباتي
الحفلات حلوه والهدايا احلى لكن مو شرط تكون كل مرره كامله
وعلى اتم وجهه
كل مره حركه وبعد كل فتره هديه مرره تكون هديه ومره تكون مقلب هديه
مره هديه تناسب ذوقك ومرره هديه تكون لميوله وحسب ذووقه
الاهم من هذا
اكسبي زوجك بعاادات معيينه
مثلا
رائحه مخدتك عطري مخدتك من عطرك المفضل عنده وكذالك اللحاف من جهتك (ضروري تخصصي عطر خاص لكم )
ودعي زوجك كل يوم لعمله واستقبليه وكانه كل عالمك
قبل النوم اقري اذكار النوم وحصنيه معااك
اقروا قران قبل النوم مع بعض
حثيه على الصدقه وانقدي عليه التقصير باموره الدينيه
حثيه على الصلاه في المسجد وعظمي له اجرها
حثيه على بر والديه والسؤال عنهم حتى لو ماكنتي تحبينهم (وهذي اكبر اسرار محبه الزوج لزوجته وبااب اغلقته الكثيرات)
كوني بحضنه مع جو هادي بعيد عن الازعاج اوصلي لقلبه وحسي فيه
لاتلومينه او تزعلي منه اذا صارحك استمعي فقط فهذا كل مطلبه ودعي النقااش للاياام
لاتكوني لوامه او نقاده ومايعجبك شيئ
اكثري من كلمه شكرا جزاك الله خيير (هذي الكلمه من اهم كلمات الحب عند الرجل )
ادعي ربك في كل صلاه انه يحفظه لك ويتمم عليكم سعادتكم في الدارين وان يثبته على الحق
دائما كوني معاه حسي بمعاناته وحسييه بمعاناتك ورغباتك واحلامك
واستمعي لرغباته واحلامه وتعاونوا على تحقيقها والوصول لها
اغلب المتزوجات تقول زوجي مايعرف ايش احب وايش اكره
الرجل يفهم بالتصريح والمراه بالتلميح
خاطبي زوجك بلغه الحب اللي يفهمها مو اللي تفهمينها
اتمنى ما اكون اطلت عليكم
ووصلتكم الفائده اللي ارجوها