محبوسه في غرفه

السلام عليكم
الله يجزاكم الجنه خواتي ساعدوني اول شي انه جديده في المنتدى بس من الهم الي فيني على طول جيت اكتب هني ما رحت قسم الترحيب ادري ان قلبكم كبير وما بتقصروا معاي
بصراحه مو عارفه من وين ابتدي انه الحين اكتب وانتفض خايفه وحزينه بدش في الموضوع
انه قصتي ملخبطه تزوجت وعمري 14 سنه تزوجت بدوله ثانيه عن بلادي يعني بغربه والي خلاني اتزوج
من بدري هو ان امي الله يرحمها طلقها ابوي وعمري سنتين وتزوج ثانيه الله يسامحها غربلتني وايد كانت تخليني اشتغل في البيت اطبخ واغسل و واذا كنت ارفض طبعا تسويلي مشكله مع ابوي وانضرب كبرت ووصلت الاعدادي يعني سن مراهقه طفشت وطلعت من المدرسه واول ما تقدملي زوجي وافقت على طول كله عشان اهرب من الجو الي كنت فيه ما دريت اني بدش بسجن اكبر تهي تهي
بنات انه الحين صارلي 6 سنوات متزوجه وصار عندي ثلاث اولاد الله يخليهم اعاني من معاملة زوجي لي هو طيب بس جاف في معاملته معاي من تزوجته ما يحضني ولا يبوسني ولا اسمع منه كلام حب اذا يبي شي يقضيه اخر الليل ويقوم = انه فاقده الحنان وايد بنات انه ادلعه وعلى طول اقوله كلام حلو مثل حبيبي وغيرها ويا ما لمحتله اني محتاجه منه هالشي بس ما في فايده دايما يتعذرلي بانه متضايق من الشغل او غيره وماله نفس 00 ومشكلتي الثانيه وهي اكبر مصيبه ساكنه معاه في بيت اهله وعندي غرفه وحده بس انا واولادي فيها اهله دايمه ينتقدوني باني مو متعلمه واني ما اشتغل وما عندي فلوس اصرف على نفسي وزوجي ما يبون ولدهم يصرف علي غير جذي دايم يطالعوني بتكشيره وعيالي ما يحبونهم ما ياخذونهم وحماتي دايما تقولي انا ما احب عيالج ما اشتهيهم ودايما مشاكل صرت ما احب اجلس معاهم انعزلت عنهم بغرفتي طول يومي 24 ساعه وانا وعيالي محبوسيين بالغرفه ما اقدر انزل لا اكل معهم ولا حتى ما اقدر اطبخ ولا شي اكلنا كله من المطعم وعيالي ما يقدرون يلعبون بالبيت ع طول يهاوشوهم اجلس وروح حق امك انه كاسرين خاطري عيالي مو قادره اسوي لهم شي قلت حق زوجي نطلع بروحنا بس كله يقولي الماده ما تساعده مره قالي ببني شقه فوق وفرحت بعدين قالي لا ما راح ابني بنطلع وللحين ما شفت شي الحين ايقولي بعد العيد ما عدت اصدق شي كله تعشيم انه وايد متضايقه كل يوم ابكي ومحد حاس فيني انا بغربه وحيده وما اعرف احد هني للاسف اخوي موجود بس ما يسال عني ولعاتبته وشكيتله يقولي هذي اختيارج وانتي تتحمليه خليته على راحته والحين مليت محتاجه الناس والعشره محتاجه اضحك واسولف واخذ واعطي محتاجه اعيش حالي حال باقي الناس والله بنات متضايقه وايد مقابله اربع اطوف كل يومي ما عندي شي اسويه
وايد طولت عليكم بس ما عندي احد افضفضله غيركم والله اكتب ودموعي على خدي ادعولي بنات الله يفرج همي الله يفرج همومكم