محتاجة لافكاركم بنات وادري بكم اهل الفزعة

السلام عليكم
اخباركم ان شاء الله بخير
بنات انا كان عندي مستودع صغير شايل كل حوستي المكانس اليدوية والمساحات والمكنسة الكهربائية وسرير ولدي وهو صغير ومشايته وقعادته وشنط السفر بس الحين اهل زوجي اخذو المستودع وجلست حايسه الحين
انا بيتي فوق حمولتي وهم اخذوا المستودع عشان اخو زوجي يوم جاء يتزوج وانا اللي الحين صرت حايسة كل شي صاير في وجهي
المكانس والمساحات والشنط والسرير كل شي حايس في بيت مع العلم ماعندي غرفة زايده
بيتي عبارة عن صالة استقبل فيها الضيوف وغرفة نوم وغرفة معيشة وهي اللي نجلس فيها دايم وغرفة لولدي وهو ضحية هالحوسة كلها لان كل شي حطيته عنده ماعدا المكانس في المطبخ فياليت اللي عندها افكار لا تبخل بها ابي انظم هالحوسة بشكل ما يضايقني كل ماشوفها
مثلا السرير هو خشب وعبارة عن حواجزاكيد عرفتوه اللي ينام فيه الطفل وهو مولود ويكفي لحد 4 او 3 سنوات انا فكرت اني ازينه واحط فيه خداديات ومفارش ويصير كنه كرسي جانبي وش رايكم
والشنط وش اسوي فيها لوعت كبدي ولا اقدر ادخلها تحت السرير لانه ضيق من تحت مايخل ولا احبها فوق الدولاب شكلها يقرفني
ادري طولت عليكم بس محتاجة مساعدتكم وادري ماراح تبخلون بها