محتاجة لردودكم استشاره

احلى دنيا2006

28-09-2022 - 01:15 am

يا حبيباتي وغالياتي الفراشات انا محتاجه لاحد يقولي ايش اسوي زواجي بعد عشره ايام تقريبا ومشكلتي انه بنفس الليله الملكه والزواج مع بعض وانا محتارة في الفستان مادري البس فستان ابيض او لا لان اهله بيسوون حفله زواج في المدينه اللي ساكنين فيها وانا مو عارفه ايش الافضل أأجل الفستان الابيض الى الحفله الثانيه لاني ماراح اسوي حفله بس عشاء بسيط بس اللي افكر فيه انه اول ليله بالعرس حلاتها الفستان الابيض وكمان حتى يحس العريس بالليله الاولى في زواجه اللي ماراح ينساها للابد
تكفون ابي شوركم ياعسولات وادعولي ترى هالزواج ماتم الا بعد ظروف صعبه جدا جدا ومعاناه
ومشكورات

التعليقات (9)

احلى دنيا2006

28-09-2022 - 04:34 am

افا عليكم ماهقيتها منكم ولا وحده ردت علي 21 وحدة مروا على الموضوع ولا رديتوا لو بكلمه ترى ازعل ردو ولو مجامله للموضوع

بنوته ذوق

28-09-2022 - 05:35 am

عزيزتي انا اشوف انه بالفعل حلات الفستان الابيض اول ليله
والله يوفقك يارب ويسعدكم ويجمع بينكما في خير

إحساس ألماس

28-09-2022 - 06:36 am

أولا .. ألف ألف مبروك والله يتمم لكم على خير ويهنيك و يجعلكم خير على بعض يارب ....
كل تأخيره وفيها خيره - اقول لك عن تجربه - يارب لك الحمد كله خير ...
نصيحتي .. ألبسي فستان نعوم في يوم الملكة والزواج وحاولي يكون لونه فاتح مثلا سكري وذهبي و سوي تسريحه ناعمه ومكياج ناعم ، حسي انك عروس وحسسي زوجك انك عروس ....
وفي يوم الحفله الي في المدينه .. والله مأدري يعني إذا راح تكون في قاعه وطقوسها كأنها زواج مافي احلى من الفستان الأبيض وإذا كان بس عشاء في البيت اي فستان متكلف نوعا ما يؤدي الغرض .....
وهذا مجرد رأي ، و بالتوفيق

damah2

28-09-2022 - 07:37 am

من راي انه اول ليلة تلبسين الابيض وتروحي المشغل وتسوي تسريحة ومكياج
والحفلة اللي بعدين تلبسين فيها فستان فخم لون اخر ونفس الشئ تروحي المشغل

مياسه*

28-09-2022 - 08:38 am

والله ياقلبي حلات الفستان اول ليله
لأنه هذي الليله اللي ماراح تنسى ان شاء الله ...

^ جوري ^

28-09-2022 - 09:39 am

آنا بعد آشوف الفستان الابيض بيكون لك آحلى
والله يوفقك ان شاء الله

maro_b1

28-09-2022 - 10:40 am

حبيبتي ألبسي الفستان الابيض باول يوم زواج لأنه بعد كده مش هتفرحي بيه زي اليوم ده وتعتبر الحفله التانيه تعارف بس بباقي أهل العريس ابقي البسي فيها فستان شيك ومطرز يكفي والف مبروك

*ليدي*

28-09-2022 - 11:41 am

الف مبروك..وبالتوفيق..
رايي تلبسين الابيض اليوم الاول تخيلي زوجك يجي بدون بشت..
والثاني فستان حلو وفخم..
واذا كان مافيه احد بيشوفك اليوم الاول غير اهلك البسي الابيض كل اليومين..
ومبروك مقدما..

الامبراطورة دلوعة

28-09-2022 - 12:42 pm

رأي البسي فستان الابيض في المدينة

الإعداد لليلة الزفاف←
فتاة تحتاج إلى رأيكم→