محتاجة لمطوع

السلام عليكم ورحمة الله وبركاته
بداية اعتذر اذا كان القسم اللي اخترت اطرح فيه موضوعي غلط
صراحه ما عرفت وين احطه
انا بصراحه اطلب مساعده من بنات الرياض
ابي تدلوني على مطوع يقرأ عليه انا وزوجي
يعني تكون قراءه خاصه مو مع مجموعه ادش انا وزوجي ويقرأ علينا
حياتنا الزوجيه تنحدر للدمار مشاكل مايمر اسبوع الا فيه مشكله
ولاسباب تافهه
ولكن تصل المشكله لمدى بعيد وتكبر بشكل يفاجأنا
وبعد ماتنحل ونهدأ نحاول نجد سبب لحدوث المشكله لانجد
كل هذا بدأ بعد احداث اجتماعيه حدثت وكان زوجي بالوجه والجميع يتحدث عنه ومنبهر به
ماديا وشخصيا
يعني الله العالم وان شاء الله يكون تفكيري خطأ جتنا عين
فودي نروح مطوع وكلام الله كله خير ان ما فينا شي ان شالله يكون خير لنا
وعادي يكون باي موقع بالرياض
الاهم يكون مضمون والضمان على الله وان الناس مستفيده منه باذن الله
واذا امكن يكون قريب من حي الروضه وطريق خريص اذافيه