محتارة

السلام عليكم ورحمه الله
خواتي الغاليات ابي احكي وافضفض وابي شوركم لاعدمتكم ..
انا متزوجه صار لي سنه ونص ولله الحمد
مرتاحه الى حد ما مع زوجي وخاصه بعد مسلسل خيانات وانتهى ولله الحمد والمنه
وتوي احس براحة البال
طبعا الحياه مهما كانت حلوة ماتخلى
مشكلتي مع زوجي في الثقه .. ومو اللي في بالكم اني مو قادرة ارجع اثق فيه
بالعكس ثقتي فيه كل يوم تكبر ولله الحمد
المشكله هو مايثق فيني ولا يامني على اموره
يعني مايحب يعلمني شي واذا علمني بس عشان لايجيني الخبر وازعل عليه
وهالشي بدى من بداية زواجنا لاحظت اني اخر من يعلم في كل شي
وغالبا اذا اجتمعت مع اهله اعرف
واحيانا بعد الدنيا كلها ادري وعلى نياتي اقول تهقون زوجي درى ؟؟؟؟
يضحكون علي وعلى بالهم اكذب ويقولون ايه وسوى وقال وراح ؟؟؟؟؟؟؟؟؟؟؟؟؟؟؟؟
مره تكلمت انا واخته قالت انا نفسي اسال اخوي اقوله قد سمعت ان زوجتك طلعت شي من كلامك ؟؟ ماتتخيلون كيف اجرحتني وقتها ..
وصرت كثير افكر واتندم اني كنت احب احكي له كل شي ..
لاني بعيدة عن اهلي .. وهو مو من اقاربي .. وماعندي غيره
حتى اهلي من النوع اللي مايدقون ويسالون اذا ما اتصلت مايتصلون
الحين قررت اني ماعاد احكي له اي شي .. بالمره ..
خاصه اني قلت له سالفه وسال اخوه عنها ...<<<<<<<قهرني بذا الحركه
الحين صارت له سالفه مع اخته واقول اش فيك اش صاير قال مافي شي ..
كنت بقوله ماتبي تقول براحتك بس سكت وارسلت له بعيدن رساله اني اتوقع انه خسر صدقاتي بهالاسلوب .. لاني ما اعتبره زوج فقط .. زوج واخ اصديق وكل شي ..
ومن بعدها ماعاد يكلمني ولا ادري وش انا مسويه له بصراحه ؟؟؟؟
ومشكلتي الثانيه : دائما احس نفسي مقصرة ومهمله بيتي وبنتي ونفسي
حتى لما اشتغل .. ما ادري ليه
حاولت اسوي لي جدول ما استمريت عليه .. احس بملل منكل شي وبوحده
قريت موضوع وحده من الخوات انها ملت وماتحس باي انجاز بحياتها حسيت انها تتكلم عني ..
اليوم طول الوقت افكر واقول انا ابي اعيش لنفسي مابي ادور وين راح ليه تاخر ليه مايعلمني وش فيه زعلان ليه ما ..... و....... ..... مليت
كثير اجلس ادعي الله لايجعله اكبر همي .. لاني ما اشوف هالاهتمام متبادل ابدا ..
يحب يتعامل بالتطنيش حتى لو كان الغلطان
وانا مليت ان بكل حياتنا لازم تكون المبادرة مني ..بالسوالف .. بالرضاا ..
ابي اطالع حالي وبس ابي اهتم بجسمي وشكلي وبنتي ولبسي
عجزت القى وظيفه ابي اخذ دورة تجميل
احس ني مشتته مره ادعولي خواتي