محتاره تصرف زوجي غريب ولا كل الازواج يتصرفون كذا

1. عندي مشكله خواتي وابي نصيحتكم لي

السلام عليكم

عندي مشكله خواتي وابي نصيحتكم لي

انا متزوجه لي اربعه شهور وزوجي مو مقصر معاي بشي ويحبني واحبه ومرتاحه معاه بس قاهرني وحيرني حاجتين يسويها
1.. علاقتنا الخاصه تكون في ضلام وهذا الشي مضايقين يخلص شغله وينام من غير مقدمات ومن غير ما يهيئ لي الجو ومن غير ما يقول لي كلام حلو ويمدح لبسي انا البس واتعب حالي واغير من شكلي وهو مايطالع فيني وفوق هذا اذا قومت من سريري وبطلع من الغرفه ما اشوف واحيانا اطيح واصدم في التسريحه والله العظيم يوم العيد صدمت في التسريحه وركبتي صارت زرقه ومو قادره امشي زين وحتى السجود في الصلاه مو قادره وتعورني وشافها وقلت له وعالطول غير السالفه
2.. الحاجه الثانيه اذا جا يسبح يأخذ ملابسه معاه للحمام ( وانتو بكرامه ) وقبل اسبوعين غير وصار يطلب مني اجهز له ملابسه واخليها في غرفه النوم واذا طلع يقفل عليه الغرفه قفلتين ويتأكد اذا كان مغفل ويحرك الباب تفأجات ليش يسوي كذا وما فيه الا انا وهو في الشقه من شنو خايف مادري فكرت وقلت اذا جا يسبح مره ثانيه وببقى في الغرفه وبشوف وش يسوي جهزت له ملابسه وسويت نفسي اشتغل في الغرفه طلع من الحمام ( وانتو بكرمه ) شافني في الغرفه استغرب واحس وجهه تغير ابتسمت وقلت له نعيما وابتسم لي وخذ ملابسه وراح للحمام وغفل عليه ولبس ملابسه ..
محتاره ليش يسوي كذا تصرفه عادي لو لا ابي رايكم يالمتزوجات