محل لقيته بالصدفه للمقاسات الكبيره

السلام عليكم ورحمة الله وبركاته
مسائكم وصباحكم الخير خواتي
دوم الوحده تستفيد من المنتدى نصايح صديقات اكثر من الخوات وناس تنصح الله يجزاهم الخير
حبيت اليوم افيد بنات الأحساء ومن زارها من هم مثل حلاتي من الدبدوبات فديتنا
أو من اللي صدرها كبير عموما وتحتاج مقاس D للستيانات لقيت محل لقطه وبالصدفه
والله مهو محلي ولا اعرف صاحبه المهم انه حل مشكلة اختي العروس الدبدوبه مثلي لقت ستيانات مقاسات حلوه وموديلات وألوان خمت لها مجموعه وجات طايره من الفرح <<بسج هذره قولي الزبده
طيب طيب
المهم اسم المحل هو لحظه اطالع الورقه ((سبشل نايت ))
موقعه : شارع الماجد عمارة الجنادريه مقابل عطور أجمل
ومسوين خصم 50 % مدري للحين ساري العرض ولا لا
المحل مو كبير لكن عندهم مشدات الصدر ومشدات كامله مكتوب بالورقه 14 تشكيله من المشدات
لكن انا ما شفتهم كلهم بس شفت نوعين مدري ثلاث
عندهم بعد بجامات وقمصان عاديه للبيت القطنيات و بيبي دولات المهم المحل محندق على قولتهم
بس المهم الستيانات فيه مقاسات وتشكيله حلوه والأهم مقاس D للصدر اللي نادر ألاقي شي حلو وزين
روحي طبي وتخيري و وسعي صدرج يختي واخيرا لقيت محل يراعي الصدر مو محيط الجسم يختلف مقاس الصدر عن محيط الصدر
عارفه انكم تسون شذيه لكن طبع الهذره شسوي احبكم
حبيباتي اللي تستفيد واللي ما تستفيد دعوه بظهر الغيب لي بالشفاء وتيسير الأمور لأختكم بظهر الغيب