محل وجوه وعطوراته المغشوشه

السلام عليكم
طبعا الي دعاني للكتابه هو ان ماابي يتكرر الي صار لي لاحد
طبعا وجوه محل معروف ولكن للأسف ان عطوراته مثل المويه
وربي شاهد عن كل كلمه بقولها الان
رحت المحل انا وامي وجلسنا نحوس في العطورات نبي شي حلو
جا العم الكريم ومدح لنا عطر سان لوران الجديد البنفسجي هذا سعره 475 ريال
ورش العطر التست ع ورقه عنده والريحه مره جنان وقويه
اقتنعت فيه امي بعد وقلنا عطنا 2
ويوم استخدمته في البيت اقسم بالله أني ارشه من هنا بس دقيقتين ادور الريحه والله مالاقيها بس خلال دقيقتين لدرجة من كثر ماهو مثل المويه أضيع وين رشيتها
شكيت في روحي سألت امي ونفس الشي قلت انا لا يمكن انا غلطانه رشيتها في كم بلوزتي وع طول رحت لزوجي وقلت له شم الريحه الي في كم بلوزتي والله يابنات يقول لي هبله انتي مافي اي ريحه :(
هنا بصراحه عصبت وقلت له السالفه وبالموت رضى انا نروح نكلمهم انا عارفه انو مافي فايده بس قلت ابرد قلبي حراام 475 تروح ع علبة مويه
رحت انا وزوجي نناقش المسؤول تخيلوا نقول له انت بنفسك جرب ورش العطر الي بعتنا ع يدك وشوف بنفسك كيف انو مويه
تدرون وش ردة فعله؟ قال لا ويمسك التست عطر التجربه الي يستخدمه للزبائن ويقول انت جرب هذا مو الي عندك تخيلتوا ويقول انا ماعلي هي شمت ريحة التست ووافقت عليه
وش معناها؟ معناها انو التست هو الاصلي وان الي يبيعونه للزبائن مغشوش
وظلينا نقنع فيه انو يرش عطري الي باعني مو راضي مصر ع الي عنده بس
قمت قلت له إصرارك انو ماتفكر حتى تجرب عطري الي بعتني اياه وتبي تجرب بس التست يدل ع أنكم تغشون الزبائن بعطر التجربه الاصلي وتبيعونهم مغشوش
تدرون وش رد؟ اقسم بالله قال
إحنا مالنا ذنب إحنا نبيع وبس
يعني اعترف
والي خلاني اكتب هالموضوع انو فعلا تأكدت من الغش الموجود وأسعار العطورات هالايام مو رخيصه مرتفعه وماحبيت انو وحده مثلي تدفع حوالي 500 ريال ع علبة مويه
وياليت الي عندها خبره تفيدنا ع محلات العطور المضمونه وكيف نعرف العطر الاصلي من المغشوش واحنا في المحل