مخطوبه وعندي مشكله ذابحتني وقاهرتني ابي فزعتكم لي تساعدوني

upppppppp

حرام عليكم اشوف عددالزيارت كل مالها تزيد ولاحد فيكم تبرعلي بنصيحه
من جد حطو نفسكم مكاني بهالقصه وش بتسوون ؟؟؟

انا اول و حدة ادخل الموضوع
سالية قوليلة ليش ما تسولف معاي ؟ سالية عن اهتماماتة وهواياتة وذكرايتة الحلوة و مواقف محرجة او المضحكة وترى سالفة تسحب سالفة و تصير النص ساعة ساعة
اللة يوفقج انشالة

هلا بعروستنا
والله حالج من حالي يعني شأقول لج
أنا الحين متزوجة صار لي سنتين بس عن تجربة من الخطوبة انه انا كنت ابأ بالسالفة وأبي هو يرد على او يعطيني تعليقه ولا اسمع شي او يقول لا ادخلينا في هالمواضيع او ما عندي خبرة في هالشي واتفشل واسكت والادهى ان حواسه كل في التلفزيون وكانت فترة جامدة وزهقت بصراحة وقلت هاي الفترة اللى كل الناس تمدح فيها والله لا شفت حلاوة ولا شي
ومرت فترة الخطوبة ولا حسيت بحلاوتها بالعكس كنت متمللة وقلت يمكن في الزواج يتغير والله ولا شفت شي ودائما اقول له اقعد واياي وسولف يا يقول انه توه راجع من الشغل او بيطلع مع ربعه او انه تعبان بينام وخلاص تمر الايام وانا جدي وكل يقول لي اني وايد احب اسولف ما عدا والله ما اقعد واياه اسولف كلش لا عرفت طبعه والحين تعودت وكونت لي صديقات افرغ خلقي كل فيهم وارتاح اني اسولف واياهم ويتفاعلون واياي
( هو يقول لي البنات انه وايد يحبون يتكلمون يعني فهميه انت واو ما لج ان ان تسكتين احسن لك)
أدري ان احبطك ولكن هذه الحقيقة بس اذا تبين تتكلمين واياه واشد انتباه سولف له في شي يحبه مثل اذا يحب الاخبار او الرياضة او اي شي بتلاقين انه يتفاعل واياج واشوي اشوي تنفك العقدة

هلا لولوه يعطيك رب الف عافيه فرحتيني بمرووك
يسلمو عالنصيحه
هو يسولفلي كذا بس انا طماعه ابيه يقولي كلام حلو حالي حال البنات تخيلي مقد قالي حبيبتي تصبحين على خير
احس اني اسولف مع اخوي او عمي او خالي يعني ماأحس فيه كاخطيب او حبيب
فهمتوني؟؟؟؟؟مااقولكم اننا مانسولف نحنا نسولف بس سواليف عاديه يعني وش اقولكم
شفتي يوم تتكلمين مع اخوك او ابوك او امك او اختك زي كذا هذا قصدي في مشكلتي
ان شالله فهمتوني وتقدرون باذن الله ثم انتو تفيدوني

هلا سمر تعيشين حياتي وتسلمينلي عالمرور الكريم
لاتسدين الابواب بوجهي اهئ اهئ تصدقين احيانا اقول ياربي ليش انا بتزوجه بس يرجع ضميري يأنبنب ويقوللي حرام عليك واحتقر نفسي يوم افكر كذا
يالله حتى انا اسمع ان فترة الخطوبه احلى ايام العمر وفيها الكلام العسل من كثره ماتقدرين تلحقين عليه
ماشفت شي
عالعموم مشكوره ويعطيك العافيه عالمرور

ياحبيلك بس اجل وش اقول انا هبل فيني اربع شهور بس تدرين صرت لما اكلمه او اجلس معه بالرغم جلستنا ماتعدت اربع مرات خلال اربع اشهر ملكه لان من اول مره دريت انه تجر منه السوالف تجرجر
المهم صرت اول شي اسأله كيف وكيف وكيف زي ماقلتي وطبعا هو نفس الشي المهم اشتكيت لاخوي قال سولفي معه على انك خويه خ امحق نصيحه لكن وربي احلى شي سمعته لحد الان وبالفعل اسولف معه على اني واحد من اخوياه بتقولين خبله ذي وش سالفتها
اقولك اول سؤال سألته اياه قلت بسألك لانك من اهل الخبره اللحين ليش الشباب يهتمون بالجنوط حقت الكفرات وش تعني لهم خ امحق سؤال طبعا قال وش تبين في الجنوط قلت اشوف اخوي شاري سياره وطالب لها جنوط طلبيه جديه وجلست اسأله ماعطاني وجه قلت مافي غيرك راح يكون صادق معي ويعطني سر الجنوط جلس يضحك ويتحمد علي خ طبعا هو اكبر مني بكثير وكل يوم سالفه تخص الرجال ما اسولف في الحريم نهائي وطبعا اعرف اسوق كنت اسأله الفرق بين الاتوماتيك والعادي بس لاحظي شي
طبعا جلست اراقب اخواني وابوي وطريقة حوارهم للرجال مصطلحات فيها احترام وفيها تقدير للي يتكلم عكس الحريم احيانا
من هذي العبارات
لما يقول شي ماسمعته اقول ((سم)) ما اقول ايش او وشو اتكلم زي اخواني خ
لما يقطع حديثنا شي ارجع اقوله (( اسلم )) معناها كمل
حبيت اقاطعه اقوله(( ولا اقطع كلامك)) طبعا هو بيسكت اقول اللي عندي بعدها اقول(( اسلم)) يعني كمل
وهو عندي ما اقوله تفضل لما اصب له الشاهي او القهوه او اقدم شي له لا اقوله ((سم))
اذا بغيت منه شي يقربه لي اقوله (( ولا عليك امر )) او (( لاهنت )) واطلب منه اللي ابيه
اذا اعطانيه اقوله ((تسلم جعلي ما انحرم )) واذا قدم لي شي اقوله (( من يد ما اعدمها وجعلي ما ابكيها))
ولازلت على هذا المنوال لحد يومنا هذا ويقول هذا من الاشياء اللي ميزتك عندي (( قولو ماشاء الله ))
لاحظي على هذا كله ولا واحد منا سمع من الثاني كلام رومنسي وعاطفي لحد الزواج ومن الصباحيه وانا بديت اقول له عمري عيوني حياتي وغيره وغيره لكن قبل مسويه ثقل عليه خ
وكنا نطول بالسوالف حتى اهلي يقولون اخلصي ماخلصت سوالفكم صرنا نجلس بالساعات نسولف وكانت كل سوالفي عنه وعن هواياته كارجل وش يحب او مايحب ماكنت اتكلم عن نفسي الا اذا سألني عن نفسي اعطيه الحقيقه ما احاول اكذب لان مع الايام ممكن يكتشف كذبي
من الاشياء اللي سألني عنها (( هل اذا صحيتي من انوم تكونين معصبه او ممكن نلاقي الابتسامه على وجهك )) واعطيته حقيقت نفسي لاحظي سؤال ممكن مايخطر على البال بس هو مهمتم في هذا الموضوع
عساي افيدك ما اكون هذرت على الفاضي خ

حبيبتي بالعكس الكلام اللي يقال في فترة الخطوبه على ما اسمع انه يختفي من الرجال بعد الزواج من تجارب زميلاتي وقريباتي يقولون صح ايام حلوه بس اغلب اللي فيها انطوى مع الايام مثلا طلعات المطاعم اختفت الهدايا واشياء كثيره وبصراحه الحمد لله بالرغم ماعشت اللي عاشوه في فترة الملكه وكنت اتحسر على نفسي على كثر ما احمد ربي اللحين على النعمه اللي عندي يكفيني انه يخاف علي ومحترمني من احترامي لنفسي واحترامي له
وكثير وربي تتمنى زوجها يسولف معاها قبل او بعد الزواج
اهم شي كوني متأكده من غلاتك عنده ومكانتك في حياته
تصدقين كنت ازعل واتضايق لما كنت اطلب منه عبارات الغزل وخلافه ابي اعرف مدى حبه لي يرد ويقول الله لايبين غلاك كنت ازعل منها كثير لكن بالفعل عرفت غلاي وبين الله غلاتي عنده يكفيك انك لما تكوني تعبانه او لحظات ولاده تلاقين عيونه غرقانه دموع ونفسه يخفف عنك ويشيلك فوق كفوف الراحه اول مره مريت في موقف زي كذا ندمت على كل لحظه زعلته فيها لما كان يرد علي ويقول الله لايبين غلاتك (( كنت اقول هذا اذا لي غلاة عندك )) وكان يتضايق في نفسه بس ماعنده قدره يبين مشاعره كان كل شي يسويه رومنسي يكون بعد ما اقوله نفسي في كذا ويسويه لكن انا ابيه يسوي الشي بدون ما اطلب ويفاجئني لكن الحمد لله على كل حال لاني اذا شفت حال غيري ادري اني في نعمه تاخرت لحد ماعرفت قيمتها
اعرف اني جلست اهذر بس تحمليني

تسلمين ياقلبي عالمروور والهذره اللي زي العسل من جد فرحتيني بكلامك
خلاص بحاول انفذ اول الخطوات اللي قلتيها
وبالعكس اسعدتيني جدا بمرورك وافدتيني >>>البنيه ناويه تطبق
بس كل مابغيت انقهر اذكر ان فيه نوعيه من الرجال ماتحب الكلام تحب الفعل
تسلمين ياقلبي
واذا عندك نصايح زياده لاتبخلين علي تكفين؟؟؟
تحياتي ياقمر
دمتي بود