مخطوبه ومدوشه ساعدوني

السلام عليكم ورحمة الله وبركاته
كيف حالكم فراشاتي ان شاءلله كلكم بخير يارب
فراشاتي انا جديده عالمنتدى ومخطوبه باركولي وعقبال كل البنات ينخطبو ويفرحو قريب يارب
طبعا لو الفلف منتديات العالم مافي زي منتدى الفراشه >>>> خلصي
المهم انا في حوسه وحيرانه اهلي بدهم يعملو ملكه ليا وانا مابدي لاني ماابغا اكلف عليهم كتير لانو زواج اخويا بالاجازه وملكة اخويا التاني قريب وماابغا اضغط عليهم>>>> لااله الا الله انا واخواني ورا بعض شكلنا بليله وحده بنتزوج خ
ففكرت وقلت مادام انهم مصرين عالملكه فقلت لهم نعملها عائليه في قاعه صغيره بس ماعندي خلفيه عالقاعات انا ودي اعملها في البيت واخلص بس بيتنا مايكفي وتاني شي حيكون تعب على امي
المهم يابنات الي تعرف قاعات حلوه ونظيفه وخدمتها ممتازه وتكفي 100 نفر رتدلنا وبكم اسعارها اهم شي ..والي عندها خلفيه بقاعات الدار البيضا الصغيره تقلنا بكم وكيف نظامها
والله يجزيكم كل خير وعقبال مانخدمكم والله يفرح كل بنت بزوج صالح يسعدها يارب
هالله هالله بالردود