الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
تعبـــــانه
السلام عليكم يا أحلى بنوتات
أنا أول مره أشارك بهالمنتدى اللي فيه عقول ناضجه
وأنا والله كثير أقرى المواضيع اللي بالمنتدى ولا كن أول مره أشارك وأكتب موضوع
واللي شجعني أكتب هالموضوع لاني أشوف مشاكل غيري اللي يعرضونها بالمنتدى وتجيهم حلول عقلانيه .. وتحسين براحه من بعض نصايح العضوات ..
والله مدري وشلون أبدى .. بس بكتب مشكلتي وأتمنى ألقى نصيحه أخت أو أم لابنتها لاني وربي بحاجتها هالنصيحه ..
أنا لي سنه متزوجه .. ومبسوطه مع زوجي .. طبعا أنا ظروفي قبل الزواج شوي صعبه .. أمي عايشه برى المدينه اللي أنا فيها .. وأبوي متوفي .. كنت عايشه عند أم أبوي والحين تزوجت وصارت علاقتي بأمي شوي أقوى من أول
بس خلاص أنا تعودت أكتم مشاكلي واللي أحس فيه بنفسي وأحل كل أموري بنفسي ومؤمنه أيمان كبير أنه ربي معاي
أنا حملت بعد سنه من زواجي .. والحمد لله .. مبسوطه مره من هالشي بس اللي مضيق صدري أني .. أشك بزوجي كثير
يا بنات أنا صدق حبيته .. يمكن لضروفي دور .. لانه عوضني وصرت أشوفه كل شي بحياتي غار عليه من الهوا الطاير.. وأنا مدري هو أبليس والا صدق .. بس أللي أشوفه أنه لا طلعت أنا وياه لمكان عام مطعم والا سوق يناظر في البنات .. ولا شافني أشوفه يسوي نفسه ما يشوف كم مره أصيده وتصير مشكله ويقولي أنه مو لمها أنه كان ملتفت لشي ثاني .. بس وربي واضحه وطبيعي أصلن انه ينكر
متوقعه هالشي مستحيل بيعترف .. ماشيه حياتي أنا وياه وعادي ذاالمشكله ما أثرت علينا مره .. بس كل طلعه .. تقريبا نتهاوش .. ويجي يحلف لي ويحاول يهديني .. واليوم اللي بعده أنا أنسي لانه حلف لي
المشكله أني أغار عليه غيره مو طبيعيه .. وربي انا تعبت مع نفسي .. ما تتوقعون وش كثر عايشه بضيقه من ذاالموضوع ودايما اتعوذ من ابليس وادعى ربي يشفيني من ذالمرض
يمكن لاني أحبه وأشوفه كل شي .. ما أبيه يشوف غيري .. مدري وش الشعور اللي يجيني لاشفته يناظر في غيري
المهم ..كل مره أعدي له ذالمشكله .. لين قبل يومين .. وداني عند عمتي .. ورجع هو للبيت مع أنه قايل لي انه مواعد خويه وبيطلع معاه
المهم يوم جت الساعه 11 جا واخذني من بيت عمتي ورحنا بيتنا وحنا مبسوطين ..يوم دخلت بيتي حسيت أنه في شي متغير علي .. سألته قلت أنت راجع البيت .. قالي أيه أنه خويي اللي مواعده قال بيتأخر وقلت وين أروح أرجع للبيت لين يجي ونطلع !!!!
مدري أنا صدقت وقلت أحتمال صدق يعني تصير .. مع اني مو مره مرتاححه لكلامه بس كان منطقي وسكتت وش أقول .. يوم جلسنا وأفتح الاب توب حقي وأفتح المحفوظات عشان بفتح موقع أنا كنت فاتحته .. ولقيت مواقع أنا ما دخلتها .. لقيت موقع اليوتوب .. انا ما دخلت اليوتوب .. وادخل ع المقاطع اللي داخلها في اليوتوب طلعت مقاطع .. جنسيه .. مقاطع كلها جنسيه وسخه .. انا انا بلمت .. وربي أنصدمت أنا ألحين أغار عليه من العبايه لا يشوفها يجلس .. يشوف هالمناظر .. وبعدين ليه يناظر .. وربي لو أنا مقصره معاه كان ما أنصدمت بس لمين أتعب نفسي عشان أرضيه وأرضى رغبته .. وهو بنفسه يشكرني ع هالشي ومعترف انه ما عمري قصرت معاه .. أنا يوم شفت هالمقاطع .. وربي حسيت أنه قلبي وقف .. أخر شي كنت أتوقعه أنه يكون من هالعينه اللي يحب يشوف هالوساخه .. المشكله أني كنت اقرى مواضيع بنات بالمنتدى عندهم نفس المشكله مع رجالهم واقوله سالفتهم .. واقوله الحمد لله والشكر الرجال ليه يسوي كذا وش يستفيد يعني لو عزابي ما قلنا شي لاكن عندك بالحلال وقدامك .. متع عيونك بالحلال .. وهو كان ينقد ويقول أنه يستحقر اللي يناظرون هالمقاطع
الحين صار هو منهم .. انا مقتنعه أنه اللي يرضى بالحرام ويسمح للشيطان يغلبه .. فانه بيسمح للشيطان يغلبه بكل .. حرام وأتوقع منه اي حرام ..مدري هذي قناعاتي .. وهو أكثر واحد يفهمني ويدري برايي
يوم شفت المقاطع .. انهبلت .. اخنقتني العبره .. حسيت أني مو قادره أتكلم فيه شي بصدري .. أبي أصرخ
هو كان جالس عند التلفزيون عندي بس مو لم الجهاز ما يشوفني متحمس مع التلفزيون
انا ع طول قفلت المواقع اللي هو داخلها .. ورحت وتوضيت وصليت .. والله العظيم أني سويتها لا أرادي .. مدري ما حسيت بنفسي الا واانا أمسك جلال الصلاه وأكبر .. وصليت وهو جا وشافني واستغرب يحسبني توني أصلي العشا .. ورجع للتلفزيون انا خلصت صلاه .. سبحان الله وهبني .. راحه .. وحكمه قدرت أني أمسك أعصابي لين أوجههه
رحت مسكت الاب توب وجلست جمبه .. وفتحت النت .. وجلست أسولف معه
قلت له ..
أنت يوم جيت للبيت وش جلست تسوي
قال ..
جلست ع التلفزيون .. وبعدين طلعت
قلت ..يعني ما دخلت نت
قال هااه
هوهنا حس أني داريه
قال ..
بس دخلت ع الاسهم وطلعت ليه .. أنتي زعلانه ليه رجعت البيت ..!
قلت ..
لا ما زعلت .. بس ما دخلت هالمواقع أنت .. وفتحت له المحفوظات ولفيت عليه الجهاز ..
هو أنلفع ما يدري وش يقول .. قال أيه داخل قلت وتعترف .. قال أيه وش فيها .. هو لاني واجتهته ما يمديه ينكر
انا ما قاومت ورميت الجهاز عليه ورحت لغرفه النوم وجلست أبكي وأبكي .. حسيت أنه ما يستاهل الحب الي معطيته .. وانا اللي ما أفكر اللي كيف أرضيه وهو يسوي كذا .. حسيت نفسي تافهه وغبيه كيف اسوي كل هذا وهو يسوي كذا من وراي
وربي حسيت أني بنهبل من الغبنه .. لو أني مقصره معه كان لمت نفسي شوي وهانت علي شوي .. بس كل اللي أسويه عشانه ويسوي فيني كذا .. وهو هو صاير كل تفكيري .. كيف أرضيه .. وكل ما أجتمعت أنا وياه بالبيت .. كل سواليفنا ضحك واستهبال .. عمري ما شكيت له عمري ما نكدت عليه .. عمري ما ضايقته بموضوع هو مره يحب جلسه البيت .. لانه ينبسط معي
انا قلت له ..
أني راح أكون له الزوجه بس .. لا تطلب مني غير هالشي وكله مو عشانك عشان ربي حقوق كزوجه .. اما مشاعر .. كلام .. نفسيه .. مالك شغل فيهم ..
هو أنهبل قال ..
والله أنه يبغالي موقف زي كذا عشان يعقلني .. تكفين أنا أسف
وانا أصصيح بأعلي صوتي من القهر .. ليه يمثل علي
وجلس يترجاني أني اسامحه وحاولت أطرده برى الغرفه ورفض
وجلست أبكي وأقول له يارب أنه اللي ببطني مو بنت .. عشان ما تحمل ذنبك ..
أنت ما تخاف من ربك ما تدري انه عندك محارم ما تخاف مره تدخل هالمواقع وتشوف أحد محارمك فيها .. هالشي مو كلام مني .. هذا ربي اللي قايله
اذا ما تخاف من ربك خاف ع محارمك .. وجلست أسبه واقوله عن الحقاره والوساخه اللي فيه وأأنه طاح من عيني ..
هو مره تاثر .. جلسنا الى بكرى وحنا ع هالحاله .. وانا ما غير ابكي شوي واسكت شوي اللي معور قلبي .. حسيت فجاه أنه مالي أحد بالدنيا .. هو اللي كنت أعتبره كل شي .. صار كذاب
ويسوي نفسه المثالي قدامي وهو من وراي الله أعلم !!
لمين أروح ودي أتكلم لاحد ودي أشكي لأحد بس مين مدري
وربي أحس أني بنفجر .. وهو ما غير يحاول يراضيني .. وما عنده الا كلمه أسف .. لانه ما يقدر يقول غيرها
المهم أنه يوم صار من بكرى .. الساعه 12 الظهر .. هو طلع يجيب أخته من المدرسه وانا قمت من النوم .. ورحت وانسدحت عند التلفزيون .. يوم جا ولا كانه فيه أحد زيه زي الجدار .. ما الفت له
وهو ما غير يناظر فيني ويناديني ولا أرد عليه
وهنا أنا مدري وش أسوي المشكله شكلي مبين عليه .. ما غير أصيح من امس وما نمت الا 3 ساعات .. وقمت وصحت يعني شكلي .. اللي ما يعرف بيعرف !!!
قلت يا ربيه وش أسوي .. جا قالي تبين تروحين قلت لا بس بسوي سطله خذها معك وودني عند عمتي .. قال لا أمي ملزمه وقايله لجدتي وعماتي أنك تبين تجين !!!
أنا هنا أستحيت عشان خالتي ما ودي أفشلها .. قلت له مو عشانك عشان خالتي بروح
قمت وتحممت واكلت كروسان .. يقالي بهدي نفسي شوي عشان شكلي ما يبين .. قمت ولهيت نفسي وطبخت سلطه وحلا .. ورحت لهم .. كانو الكل مجتمعين .. وانا والله شكل بس جالسه معاهم .. ومو لهم بالسوالف .. كله لاني شلت بقلبي فاحس أني مخنوقه يمكن لو أتكلم لاحد تهون علي شوي ..
المهم عدت هالعزيمه ع خير ودق علي وقالي يله قلت يلا وجيت وقلت لهم يله مع السلامه وطلعت وهو كان بالسياره وركبت معاه ومشى ولاحظت انه يمشي بطريق مو طريق بيتنا وانا ساكته قالي تبين قهوه .. قلت مو مشتهيه ودني البيت بس .. وطبعا كان الاسلوب أكس
سكت هو .. لين وصل .. الفيصليه .. لقيته حاجز غرفه .. ركبنا الاصنصير حاول يمسك أيدي .. وانا ادف ايديه ووامسك بشنطتيو سكت لين وصلنا الغرفه ودخلنا .. ورحت وجلست بالكنب .. وجا هو لمي .. وقالي .. والله أنا أسف وأدري اللي سويته غلط بس حلف لي ما يتكر .. وانا يبغالي موقف زي كذا عشان وقفني عند حدي
أنتي اطلبي اللي تبين والله لا أسويه .. وش اللي يرضيك وانا موافق .. قلت له المشكله وش يضمن لي انك ما راح تكررها
قالي .. ما فيه شي يضمن لك .. بس خلي بيناا حلف انا بحلف لك .. بالقران وبحلف لك أنه ربي لا يوفقني أن كررتها والا شفت مناظر حرام ..
وجلس يدعى على نفسه انه اذا كررها تصيرله هالدعاوي ..
وهو يدعى على نفسه خنقته العبره وجلس يبكي .. انا هنا ضعفت .. وما قدرت أتحمل دموعه حسيت أنه صادق
جيت قربت له وقلت خلاص سامحتك .. وبعتبر اللي شفته حلم .. بس الله يخليك لا يتحقق هالحلم .. قال وربي ما راح يتحقق .. حلفت لك لو لاحظتي والا شكيتي أزعلي علي ووقتها لا ترضين علي أبد
جلس يبكي ع رجلي زي الطفل .. حسيته صادق .. ما كان قدامي الا اسامحه .. سامحته .. وجا قدم لي هديه ..
انا هنا خلاص حسيت أني نسيت كل شي
نسيت اللي صار .. وحسيته صادق ومتحسف ع اللي صار ..
انا الحين محتاره .. هل تتوقعون أنه صادق معي وما راح يكررها .. والا بس يبغى يسكتني ..
مدري كيف أتعامل معاه .. اخاف تعب معاه زي أول وأرجع أنصدم فيه !!
لا اللي قاهرني مسوي المثالي عندي لا جا شي بالتلفزيون يغيره ويقول أني ما أحب ذاالحركات ..ولا يسمع اغاني .. ومحافظ ع صلاته .. مدري أنا بديت أحس أنه أمره غريب
هو صدقاته .. قليله ودايما يعتذر من المناسبات والعزايم .. مدري وش عنده .. لا عزموه أخوانه مع خوياهم .. يعتذر يقول بيطلع مع خويه .. !!!
مدري أحسه يحاول يبعد عن اللي حوالينه .. أخوانه .. وأبوه وقرايبه ..
الله يخليكم يا بنات أعتبروني أخت تشكي لاختها. ويريحوني ..
كيف اتعامل معاه .. !!!
أبي أسمع نصايحكم .. لانه ما عندي أحد ينصحني ..
18-10-2022 - 06:41 pm
السلام عليكم يا أحلى بنوتات
أنا أول مره أشارك بهالمنتدى اللي فيه عقول ناضجه
وأنا والله كثير أقرى المواضيع اللي بالمنتدى ولا كن أول مره أشارك وأكتب موضوع
واللي شجعني أكتب هالموضوع لاني أشوف مشاكل غيري اللي يعرضونها بالمنتدى وتجيهم حلول عقلانيه .. وتحسين براحه من بعض نصايح العضوات ..
والله مدري وشلون أبدى .. بس بكتب مشكلتي وأتمنى ألقى نصيحه أخت أو أم لابنتها لاني وربي بحاجتها هالنصيحه ..
أنا لي سنه متزوجه .. ومبسوطه مع زوجي .. طبعا أنا ظروفي قبل الزواج شوي صعبه .. أمي عايشه برى المدينه اللي أنا فيها .. وأبوي متوفي .. كنت عايشه عند أم أبوي والحين تزوجت وصارت علاقتي بأمي شوي أقوى من أول
بس خلاص أنا تعودت أكتم مشاكلي واللي أحس فيه بنفسي وأحل كل أموري بنفسي ومؤمنه أيمان كبير أنه ربي معاي
أنا حملت بعد سنه من زواجي .. والحمد لله .. مبسوطه مره من هالشي بس اللي مضيق صدري أني .. أشك بزوجي كثير
يا بنات أنا صدق حبيته .. يمكن لضروفي دور .. لانه عوضني وصرت أشوفه كل شي بحياتي غار عليه من الهوا الطاير.. وأنا مدري هو أبليس والا صدق .. بس أللي أشوفه أنه لا طلعت أنا وياه لمكان عام مطعم والا سوق يناظر في البنات .. ولا شافني أشوفه يسوي نفسه ما يشوف كم مره أصيده وتصير مشكله ويقولي أنه مو لمها أنه كان ملتفت لشي ثاني .. بس وربي واضحه وطبيعي أصلن انه ينكر
متوقعه هالشي مستحيل بيعترف .. ماشيه حياتي أنا وياه وعادي ذاالمشكله ما أثرت علينا مره .. بس كل طلعه .. تقريبا نتهاوش .. ويجي يحلف لي ويحاول يهديني .. واليوم اللي بعده أنا أنسي لانه حلف لي
المشكله أني أغار عليه غيره مو طبيعيه .. وربي انا تعبت مع نفسي .. ما تتوقعون وش كثر عايشه بضيقه من ذاالموضوع ودايما اتعوذ من ابليس وادعى ربي يشفيني من ذالمرض
يمكن لاني أحبه وأشوفه كل شي .. ما أبيه يشوف غيري .. مدري وش الشعور اللي يجيني لاشفته يناظر في غيري
المهم ..كل مره أعدي له ذالمشكله .. لين قبل يومين .. وداني عند عمتي .. ورجع هو للبيت مع أنه قايل لي انه مواعد خويه وبيطلع معاه
المهم يوم جت الساعه 11 جا واخذني من بيت عمتي ورحنا بيتنا وحنا مبسوطين ..يوم دخلت بيتي حسيت أنه في شي متغير علي .. سألته قلت أنت راجع البيت .. قالي أيه أنه خويي اللي مواعده قال بيتأخر وقلت وين أروح أرجع للبيت لين يجي ونطلع !!!!
مدري أنا صدقت وقلت أحتمال صدق يعني تصير .. مع اني مو مره مرتاححه لكلامه بس كان منطقي وسكتت وش أقول .. يوم جلسنا وأفتح الاب توب حقي وأفتح المحفوظات عشان بفتح موقع أنا كنت فاتحته .. ولقيت مواقع أنا ما دخلتها .. لقيت موقع اليوتوب .. انا ما دخلت اليوتوب .. وادخل ع المقاطع اللي داخلها في اليوتوب طلعت مقاطع .. جنسيه .. مقاطع كلها جنسيه وسخه .. انا انا بلمت .. وربي أنصدمت أنا ألحين أغار عليه من العبايه لا يشوفها يجلس .. يشوف هالمناظر .. وبعدين ليه يناظر .. وربي لو أنا مقصره معاه كان ما أنصدمت بس لمين أتعب نفسي عشان أرضيه وأرضى رغبته .. وهو بنفسه يشكرني ع هالشي ومعترف انه ما عمري قصرت معاه .. أنا يوم شفت هالمقاطع .. وربي حسيت أنه قلبي وقف .. أخر شي كنت أتوقعه أنه يكون من هالعينه اللي يحب يشوف هالوساخه .. المشكله أني كنت اقرى مواضيع بنات بالمنتدى عندهم نفس المشكله مع رجالهم واقوله سالفتهم .. واقوله الحمد لله والشكر الرجال ليه يسوي كذا وش يستفيد يعني لو عزابي ما قلنا شي لاكن عندك بالحلال وقدامك .. متع عيونك بالحلال .. وهو كان ينقد ويقول أنه يستحقر اللي يناظرون هالمقاطع
الحين صار هو منهم .. انا مقتنعه أنه اللي يرضى بالحرام ويسمح للشيطان يغلبه .. فانه بيسمح للشيطان يغلبه بكل .. حرام وأتوقع منه اي حرام ..مدري هذي قناعاتي .. وهو أكثر واحد يفهمني ويدري برايي
يوم شفت المقاطع .. انهبلت .. اخنقتني العبره .. حسيت أني مو قادره أتكلم فيه شي بصدري .. أبي أصرخ
هو كان جالس عند التلفزيون عندي بس مو لم الجهاز ما يشوفني متحمس مع التلفزيون
انا ع طول قفلت المواقع اللي هو داخلها .. ورحت وتوضيت وصليت .. والله العظيم أني سويتها لا أرادي .. مدري ما حسيت بنفسي الا واانا أمسك جلال الصلاه وأكبر .. وصليت وهو جا وشافني واستغرب يحسبني توني أصلي العشا .. ورجع للتلفزيون انا خلصت صلاه .. سبحان الله وهبني .. راحه .. وحكمه قدرت أني أمسك أعصابي لين أوجههه
رحت مسكت الاب توب وجلست جمبه .. وفتحت النت .. وجلست أسولف معه
قلت له ..
أنت يوم جيت للبيت وش جلست تسوي
قال ..
جلست ع التلفزيون .. وبعدين طلعت
قلت ..يعني ما دخلت نت
قال هااه
هوهنا حس أني داريه
قال ..
بس دخلت ع الاسهم وطلعت ليه .. أنتي زعلانه ليه رجعت البيت ..!
قلت ..
لا ما زعلت .. بس ما دخلت هالمواقع أنت .. وفتحت له المحفوظات ولفيت عليه الجهاز ..
هو أنلفع ما يدري وش يقول .. قال أيه داخل قلت وتعترف .. قال أيه وش فيها .. هو لاني واجتهته ما يمديه ينكر
انا ما قاومت ورميت الجهاز عليه ورحت لغرفه النوم وجلست أبكي وأبكي .. حسيت أنه ما يستاهل الحب الي معطيته .. وانا اللي ما أفكر اللي كيف أرضيه وهو يسوي كذا .. حسيت نفسي تافهه وغبيه كيف اسوي كل هذا وهو يسوي كذا من وراي
وربي حسيت أني بنهبل من الغبنه .. لو أني مقصره معه كان لمت نفسي شوي وهانت علي شوي .. بس كل اللي أسويه عشانه ويسوي فيني كذا .. وهو هو صاير كل تفكيري .. كيف أرضيه .. وكل ما أجتمعت أنا وياه بالبيت .. كل سواليفنا ضحك واستهبال .. عمري ما شكيت له عمري ما نكدت عليه .. عمري ما ضايقته بموضوع هو مره يحب جلسه البيت .. لانه ينبسط معي
انا قلت له ..
أني راح أكون له الزوجه بس .. لا تطلب مني غير هالشي وكله مو عشانك عشان ربي حقوق كزوجه .. اما مشاعر .. كلام .. نفسيه .. مالك شغل فيهم ..
هو أنهبل قال ..
والله أنه يبغالي موقف زي كذا عشان يعقلني .. تكفين أنا أسف
وانا أصصيح بأعلي صوتي من القهر .. ليه يمثل علي
وجلس يترجاني أني اسامحه وحاولت أطرده برى الغرفه ورفض
وجلست أبكي وأقول له يارب أنه اللي ببطني مو بنت .. عشان ما تحمل ذنبك ..
أنت ما تخاف من ربك ما تدري انه عندك محارم ما تخاف مره تدخل هالمواقع وتشوف أحد محارمك فيها .. هالشي مو كلام مني .. هذا ربي اللي قايله
اذا ما تخاف من ربك خاف ع محارمك .. وجلست أسبه واقوله عن الحقاره والوساخه اللي فيه وأأنه طاح من عيني ..
هو مره تاثر .. جلسنا الى بكرى وحنا ع هالحاله .. وانا ما غير ابكي شوي واسكت شوي اللي معور قلبي .. حسيت فجاه أنه مالي أحد بالدنيا .. هو اللي كنت أعتبره كل شي .. صار كذاب
ويسوي نفسه المثالي قدامي وهو من وراي الله أعلم !!
لمين أروح ودي أتكلم لاحد ودي أشكي لأحد بس مين مدري
وربي أحس أني بنفجر .. وهو ما غير يحاول يراضيني .. وما عنده الا كلمه أسف .. لانه ما يقدر يقول غيرها
المهم أنه يوم صار من بكرى .. الساعه 12 الظهر .. هو طلع يجيب أخته من المدرسه وانا قمت من النوم .. ورحت وانسدحت عند التلفزيون .. يوم جا ولا كانه فيه أحد زيه زي الجدار .. ما الفت له
وهو ما غير يناظر فيني ويناديني ولا أرد عليه
ما دريت الا دقت أمه .. !!!!!!
رديت طبعا لاني أستغربت مكالمتها بس قلت بشوف وش تبي ..!!!
صارت تبي تعزمني علي العشا لانه جايه جدته مسويه عمليه وحاطين لها عشا طبعا .. انا مره أحب خالتي أعتبرها أمي لانها مره حنونه علي .. ما قدرت أعتذر لانها لزمت قالت أكيد تبي تجين أنشاء الله .. قلت أكيد أنشاء الله !!!!وهنا أنا مدري وش أسوي المشكله شكلي مبين عليه .. ما غير أصيح من امس وما نمت الا 3 ساعات .. وقمت وصحت يعني شكلي .. اللي ما يعرف بيعرف !!!
قلت يا ربيه وش أسوي .. جا قالي تبين تروحين قلت لا بس بسوي سطله خذها معك وودني عند عمتي .. قال لا أمي ملزمه وقايله لجدتي وعماتي أنك تبين تجين !!!
أنا هنا أستحيت عشان خالتي ما ودي أفشلها .. قلت له مو عشانك عشان خالتي بروح
قمت وتحممت واكلت كروسان .. يقالي بهدي نفسي شوي عشان شكلي ما يبين .. قمت ولهيت نفسي وطبخت سلطه وحلا .. ورحت لهم .. كانو الكل مجتمعين .. وانا والله شكل بس جالسه معاهم .. ومو لهم بالسوالف .. كله لاني شلت بقلبي فاحس أني مخنوقه يمكن لو أتكلم لاحد تهون علي شوي ..
المهم عدت هالعزيمه ع خير ودق علي وقالي يله قلت يلا وجيت وقلت لهم يله مع السلامه وطلعت وهو كان بالسياره وركبت معاه ومشى ولاحظت انه يمشي بطريق مو طريق بيتنا وانا ساكته قالي تبين قهوه .. قلت مو مشتهيه ودني البيت بس .. وطبعا كان الاسلوب أكس
سكت هو .. لين وصل .. الفيصليه .. لقيته حاجز غرفه .. ركبنا الاصنصير حاول يمسك أيدي .. وانا ادف ايديه ووامسك بشنطتيو سكت لين وصلنا الغرفه ودخلنا .. ورحت وجلست بالكنب .. وجا هو لمي .. وقالي .. والله أنا أسف وأدري اللي سويته غلط بس حلف لي ما يتكر .. وانا يبغالي موقف زي كذا عشان وقفني عند حدي
أنتي اطلبي اللي تبين والله لا أسويه .. وش اللي يرضيك وانا موافق .. قلت له المشكله وش يضمن لي انك ما راح تكررها
قالي .. ما فيه شي يضمن لك .. بس خلي بيناا حلف انا بحلف لك .. بالقران وبحلف لك أنه ربي لا يوفقني أن كررتها والا شفت مناظر حرام ..
وجلس يدعى على نفسه انه اذا كررها تصيرله هالدعاوي ..
وهو يدعى على نفسه خنقته العبره وجلس يبكي .. انا هنا ضعفت .. وما قدرت أتحمل دموعه حسيت أنه صادق
جيت قربت له وقلت خلاص سامحتك .. وبعتبر اللي شفته حلم .. بس الله يخليك لا يتحقق هالحلم .. قال وربي ما راح يتحقق .. حلفت لك لو لاحظتي والا شكيتي أزعلي علي ووقتها لا ترضين علي أبد
جلس يبكي ع رجلي زي الطفل .. حسيته صادق .. ما كان قدامي الا اسامحه .. سامحته .. وجا قدم لي هديه ..
انا هنا خلاص حسيت أني نسيت كل شي
نسيت اللي صار .. وحسيته صادق ومتحسف ع اللي صار ..
انا الحين محتاره .. هل تتوقعون أنه صادق معي وما راح يكررها .. والا بس يبغى يسكتني ..
مدري كيف أتعامل معاه .. اخاف تعب معاه زي أول وأرجع أنصدم فيه !!
لا اللي قاهرني مسوي المثالي عندي لا جا شي بالتلفزيون يغيره ويقول أني ما أحب ذاالحركات ..ولا يسمع اغاني .. ومحافظ ع صلاته .. مدري أنا بديت أحس أنه أمره غريب
هو صدقاته .. قليله ودايما يعتذر من المناسبات والعزايم .. مدري وش عنده .. لا عزموه أخوانه مع خوياهم .. يعتذر يقول بيطلع مع خويه .. !!!
مدري أحسه يحاول يبعد عن اللي حوالينه .. أخوانه .. وأبوه وقرايبه ..
الله يخليكم يا بنات أعتبروني أخت تشكي لاختها. ويريحوني ..
كيف اتعامل معاه .. !!!
أبي أسمع نصايحكم .. لانه ما عندي أحد ينصحني ..
التعليقات (9)
ياقلبي خلاص سامحيه اهو غلط واعترف بالغلط واحمدي ربك انه ما كان يكلم بنات على النت بس شاف مقاطع واعتبريها نزوه ربك يغفر ويسامح لا تكونين عليه قاسيه ولاعاد تفاتحينه ابد بها الموضوع خلي يحس انك واثقه فيك وربي يسعدك ويوفقك مع زوجك ويسخره لك
حبيت اضيف ياقلبي خليك معه مثل قبل وانسى الا صار وادعي دايم ان ربي يهديه ويصلحه والله مالك الا الدعاء ويمكن المقاطع احد من زملائه دزها له لا تخلين موضوع مثل هذا يخرب عليك
دامه حلف صدقيه
بس لا تنسي
حسسيه الحين انك واثقه فيه يعني لا تحاولي تبحثين وراه
جلسي مره معه وصراحيه ليه يبتعد عن ابوه واخوانه
دايما قبل لا يطلع استودعيه بدعاء الاستيداع
الله يريح بالك وبالتوفيق وان شاء الله تقومي بالسلامه
بس لا تنسي
حسسيه الحين انك واثقه فيه يعني لا تحاولي تبحثين وراه
جلسي مره معه وصراحيه ليه يبتعد عن ابوه واخوانه
دايما قبل لا يطلع استودعيه بدعاء الاستيداع
الله يريح بالك وبالتوفيق وان شاء الله تقومي بالسلامه
حجر السعادة→