مدآرس النابغآت الأهليه للبنات برياض ومعلوآآآت عنها

الله يخليه لكم

موفقة انتي ولد اخوك ومشكورة

آمين يارب و يكبر ويصير طيار>>>>> حلم عمته قبله بس ماتحقق
مشكورين حبيباتي ع المرور

أتوقع انك صاحب المدرسة أو أحد يقربله.. وطالبها تسوي له دعاية .. انا رحت للمدرسة عشان اسجل ولدي ..
المدرسة خايسه بمعنى الكلمة .. وساخه فيها ماشفتها في أحد .. وفصول ضيقه .. حتى العاملات شفتهم وحده سريلانكية والثانية فلبينيه حتى اللبس مالبستهم نظيف العاملات لابسين خلاقينهم وبزرانهم عندهم .. المفترض بمدرسة يصير لبس العاملات موحد ونظيف غير الفصول اللي جلست اطل طل فيها تجيب التكه .. ولا ومدرسة الروضة مصريه لسانها طويل ولدي خاف منها من شافها عاد وشلون اذا قعدت معه .. وجارتي تقول اني سجلت بنتي وسحبتها العام وسألتها ليش .. قالت جيت مره بدري أباخذ بنتي عشان فيه موعد بالمستشفى ويوم دخلت فجأه وألاقي المصرية تجر بنتي بإيدها بقوه وتصارخ عليها .. ليه خلصو السعوديات والمتخصصات برياض الأطفال عشان توظفون مصرية ولا أرخص لكم من السعودية .. صراحه كل الكلام اللي قلتيه مع احترامي الشديد لك مو صحيح .. وتقولين الطلاب أبناء دكاتره ومهندسين .. والله مت من الضحك كلها وحده طالبة بالابتدائي أمها دكتورة أسنان وسحبت بنتها هالسنه لأني كنت ناوية أسجل بنتي وشفت هالحرمه وقالت لي ما أنصحك وأبسحب بنتي السنه الجاية .. أما الباقين بالعكس انا شفت أمهات جايين يسجلون قراوه والله حتى كلمتين على بعض ماتعرف تركب .. الله المستعان ..
وانا ما أقصد في كلامي تشويه أو أي شي ثاني .. بس أنك تحطين موضوع خاص تمدحين فيه المدرسه .. ياشيخه أتقي الله .. ولا تجرين أنتي واللي وراك وراء المادة أهم شي المصداقية مو بس خرط فاضي .. والكلام اللي قلتيه خالي من الصحه .. والله على ما أقول شهيد .. والله ياجماعة الخير إذا تبون مدارس صح وتدرس صح وعلى مستوى .. عندكم الأرقم صراحه ما شاء الله لا يعلى عليه ولا وفيها تحفيظ قرآن فعلاً مدرسة على مستوى أنا طلعت من النابغات وجري على طول للأرقم سجلت ولدي وبنتي هناك والله قمة في الروعه .. تدريس ونظام ونظافه ورقي في التعامل فرق صراحة عن النابغات .. النابغات بدائية جداً .. وعندك رياض نجد غنية عن التعريف .. والأحياء اللي هناك مليانه مدراس أحسن وأرقى مستوى منها .. وعلى فكرة يا أختي الغالية صاحب المدرسة مسوي خصومات لأنه العام الدراسي بدأ ومافيه إقبال من الأهالي فهل أي مدرسة رخيصة نجري وراها أهم شي مستواها وبعد كذا المادة ..

شكل صاحب المدارس يقرب لك أو المدرسة لك .. الصراحه أقول كل الكلام اللي قلتيه خالي من الصحه .. انا رحت ابسجل ولدي بالمدرسة قمة بالقرف وفصول تجيب التكه ما ارتحت ابد ابد لها .. وبعدين جارتي تقول رحت ابسجل بنتي وألقى مدرسة الروضة تجر بنت بإيدها بقوه وتصارخ عليها يعني حتى المعاملة الله أكبر شينه .. وبعدين ياصاحب المدرسة مالقيت توظف إلا مصرية يعني خلصوا السعوديات المتخصصات برياض الأطفال ولا أرخص لك .. وأنت كاتبه الأولاد أبناء دكاتره ومهندسين ليه مدارس المملكة على غفلة .. كلها بنت وحده بالابتدائي أمها دكتورة أسنان قابلتها وقالت إنها بتسحب بنتها وأن المدرسة مو ذاك الزود ولا باقي الأهالي أنا شفت كم أم صراحه قراوه والله أسمعها وهي تسأل مسؤولة التسجيل كلمتين على بعض ماتعرف تركبها .. ياشيخة إتقي الله في المعلومات اللي تقولينها .. أهم شي المصداقية .. وأهم شي عندكم المدخول المادي .. وتقولين مسوين خصومات .. ماسووها إلا ببداية العام الدارسي يوم شافو مافيه إقبال من الأهالي .. أنا والله طلعت منهم ورحت جري لمدارس الأرقم اللي بالقدس صراحه روعه وفرق عن هذي وبعد عندهم تحفيظ قرآن ومواصلات ورحلات رقي وحسن تعامل ناس مريحين بمعنى الكلمة سجلت ولدي وبنتي عندهم .. وأهم شي مستوى التدريس ومستوى النظافة بالمدرسة وآخر شي الفلوس لأنه تقريبا المدارس رسومها زي بعض واللي تبي بعد مدرسة رائعة عندكم رياض نجد غنية عن التعريف .. وفيه مدارس الأجيال ومدارس الفلاح كلها زينه بس زي هالمدرسة ماكيد شفت وساخه غير طبيعية حتى شفت العاملات كلهم ثنتين وبخلاقينهم وبزارينهم معهم والله ابد ابد مو مرتبين .. المفترض اقل شي تلبسونهم ملابس موحده وماتكون مشغولة بعيالها .. ياعزيزتي لا تبحثين عن المدخول المادي وتغضين البصر عن الأشياء الأهم منها .. وياليت أي أحد يكتب موضوع يكون متأكد من الكلام اللي يقوله ومايكذب على الناس ..

بسم الله أم شدوني وش بلاك علي
والله لاصاحب المدرسه يقرب لي ولاشي
وبعدين أنا ماشفت المصريه اللي تقولين عنها والعاملات نظيفات ولبسهم موحد انا شايفتهم بعيوني
أقسم بلله العظيم أن كل كلمه قلتها صدق كل المدرسات سعوديات ولا تظلمين الناس الظلم ظلمات يوم القيامه
انا شايفه الفصول لا فيها تكه ولا هم يحزنون
والمدرسه ملايانه طلاب ولاهم بحاجه اني اسوي لهم دعايه هم يقدرون يسون لنفسهم
وعيب الأسلوب اللي تهجمتي عليه فيه والله شكلك أنتي حاقده عليهم رد وآحد يكفي ماله داعي رديين همجيين
يمكن أنك مقدمه وضيفه او كنتي مدرسه حاقده