مذكرات سيلينا للوصول للوزن المثالي

بسم الله الرحمن الرحيم
طبعا الكل عارف الحين صيف ومحد يدخل إلا قليل فقررت أسوي موضوع خاص فيني يعني أكتب فيه يومياتي لحد ماتبدأ الدراسة وبإذن الله أسوي قروب
طبعا أنا والحمدلله وزني مضبوط وكويس بس اللي مخربني الخصر والفخوذ
هذا اللي أنا أبي أشتغل عليها بالصيف وان شاء الله ترووح
بياناتي:
الاسم : سيلينا قوميز
الطول : 162
الوزن : 60
الوزن السابق : 65
الرياضات المتبعه :
1/ إذا كنت فاضية أطلع أنا وأبوي الممشى ولازم أكمل 4 كيلو
2/ أو المشي في البيت ساعه كاملة
3/ أو أجلس جلسة القرفصاء وأحاول أمشي برجولي ساعه كاملة >>> يقولون تمسح الفخوذ والأرداف مسح بس تتعب مرا
4/ أو أطلع الدرج و أنزل 12 دقيقه
5/ أو ألعب على الأوربت تراك نص ساعه
6/ أقوم وأجلس على كرسي لمدة 12 دقيقة
طريقتي :
1/ أكلي يكون خفيف ( يعني أخفف بس ما أسوي دايت )
2/ رياضة يوميه مهما كانت الظروف
3/ ماتعدي 30 دقيقة إلا ولازم أتحرك على الأقل أقوم وأجلس أو أدور في الغرفة
4/ إذا جعت أكون مجهزة سلطة في الثلاجة أطلعها وآكل عشان مايكون عندي عذر آكل أي شيء في الثلاجة
5/ قبل ماأروح المطعم أشرب ماي كثير وحتى لماتكون فيه عزايم عشان ما آكل كثير
6/ دائما أذكر نفسي بالوزن المثالي إذا شفت اغراءات الأكل وأتذكر هذي الصورة
لأن تقريبا جسمي زي جسمها
وأتمنى إنكم تشجعوني و تساندوني
توكلت على الله ~