مراحل الزواج

1. بسم الله الرحمن الرحيم


2. السلام عليكم ورحمة الله وبركاته


3. الساعه 6:30 صباحا : هي في سابع نومه .


4. الساعه 11 صباحا : هي برضو في سابع نومه .

بسم الله الرحمن الرحيم

السلام عليكم ورحمة الله وبركاته

هذه الرساله أرسلها لكل إخواني في الله حتى يفكرون مليون مره قبل ما يتزوجون , ورجاءً لا تقول أصابع يدك ما هو وحده , لأني برد عليك وبقول لك إلاّ وحده , الفرق بين المرأة في السنة الأولى من الزواج والسنه العاشره او ما فوق.
على سبيل المثال :
الساعه 6:30 صباحا : تودع زوجها وهو طالع للعمل وتقول له : بتوحشني يا حبيبي .
الساعه 11 صباحا : تتصل عليه في العمل وتقول له : حبيت اسمع صوتك بس يا عمري ..
الساعه 3 العصر : تستقبله وهي متشيكه وتبوسه وهو داخل للبيت وتقول له : الغدا جاهز يا حياتي ..تحب احطه لك الحين ؟ .
الساعه 5 العصر : تصحيه من النوم ببوسه وتقول له : اعمل لك شاي يا حبي ؟ .
الساعه 6 المغرب : تسبل عيونها وتقول بكل خجل : يا ريت يا حبيبي .. يعني لو ما عليك كلافه .. يعني إذا تقدر توديني شوي لبيت اهلي ..اذا كنت تقدر يا عمري . وقبل ما ينطق بكلمه : إذا ما تقدر خلاص مو لازم . وطبعا يضيع هو في نظره من عيونها ويوديها لاهلها ولو انهم ساكنين في الصين وهو ساكن في السعودية .
الساعه 8 بالليل : تتصل على الجوال وتقول : اشتقت لك يا عمري .. يا ريت تمرني ونروح للبيت . وطبعا هو عارف وش بيجيه في البيت فيطمر ويقول للشباب : آسف والله يا شباب راسي مصدع ولازم أمشي .
الساعه 10 بالليل : تجلس في حضنه وتقول : الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا ً متفقه مع امي عشان اطلع معك . وبعدها هات يا بوس لمده لا تقل عن ثلث ساعه .
الساعه 11 بالليل : الوصول الى هذه الصفحه غير مسموح ... ؟
بعد مرور عشر سنوات :-

الساعه 6:30 صباحا : هي في سابع نومه .

الساعه 11 صباحا : هي برضو في سابع نومه .

الساعه 3 العصر : تستقبله وهي نافخه خشتها وتقول : شف لي حل مع ولدك عليان هذا . حتى الان ما حل الواجب .. وسوير ( سارة ) الله ياخذ عمرها ان شاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم الاختبار صار بكره … وترى ليلوه ( ليلى ) تكرفست من الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها ….وابيك بسرعه تقدم على وحده ثانيه ….وما ابيها تصير حلوه ….. يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم . ما تدري ان اسرار بيتهم كلها عند الجيران من لسانها هاللي وش طوله .. و …و …..و
الساعة 5 العصر : هي تفك هوشه بين سويّر واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم .. جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ ..
الساعه 6 المغرب : هو جالس يشرب الشاهي وهي تقول : نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي وابي امر على المشغل ..وبعدين حطنا عند اختي في السماهيج من زمان ما شفناهم ………….. وفي هاللحظه فكر هو انه يشتغل ليموزين احسن له .. الساعه 8 بالليل : تتصل على الجوال : وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 . تعال الساعه 10 وإلاّ.....
الساعه 10 بالليل : جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول : الحين امك وش عندها اليوم ما ترد يوم اني سلمت ؟ هاه ؟ . والله ما ادري كان سالتيها . واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هيّن والله لاسوي عزيمه وما اناديها …اصلا هي ما زارتني في المستشفى يوم اني ولدت ..وانا فاهمه قصدها ..لكن هيّن ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس .. تسكت شوي بعدين تقول : وبعدين اختك نوره يوم انها تقول ان علي ولدي يشبهني ما يشبه ابوه وش قصدها …هاه . ( ملاحظه : علي هو اشين اخوانه)) انا فاهمه قصدها ..وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران خطبوه لبناتهم ….من زينك بس ما ادري وش لاقين فيك . . يسكت وما يرد , وتقول : وبعدين اخوك شاري لحرمته ساعه قيمتها الف ريال . يرد : طيب وش المشكله ؟ . وانا ليش ما تشتري لي ..والا انا ما استاهل ..ولو هي يعني احسن مني … تراك ما شفتها ..شينه وطبايعها شينه وحتى طبخ ما تعرف تطبخ .. . خلاص اشتري لك ساعه .. تعصب وتقول : ايه تسكتني بهالكلام ….والله لانت شاري ولا شي .. وش تبيني اقول يا بنت الحلال ؟ .. تقوم وهي تبكي : خلاص ما ابي منك شي ...
الساعه 11 بالليل : هي زعلانه وتصفع بالباب وتنام مع العيال وهو……يلعن اليوم الي تزوج فيه ..................
أنتو يارجال ويا نسوان شرايكم في هالحياه من هو المرتاح فيهم ؟