مراره القسوه ونشوه الفرحه مجموعه التقوى

السلام عليكم ورحمه الله وبركاته
مبروك عليكم شهر الرحمه حبايبي
اسال الله ان يرزقنا صيامه وقيامه وان يعتق رقابنا من النار
انا اليوم جايبه لكم قصه واقعيه وانا عشت احداثها لحظه بلحظه
وعانيت معاناه ابطالها والقسوه الي مروا فيها وعشت معاهم نشوه فرحهم من بعد ضيق
اتركم مع الروايه القصيره
هاذي اول كتابه لي والقصه واقعيه مع تغيير في الاسماء
خلونا نتعرف على الشخصيات
احمد : الاب وهو ضابط وكان متزوج ثنتين قبل سلمى منيره طلقها بعد تسعه اشهر من زواجهم وساره جاله منها عبدالرحمن واحلام وميعاد وطلقها وهي حامل في ميعاد
سلمى : زوجه احمد وهي عقيم وعليها طلعات تخلي الي حولها يتجنبوها
احلام : البنت الكبيره لاحمد تدرس ثالث ثانوي وذكيه وهاديه ودايم تقول كلام بطيب نيه يوديها في ستين داهيه وما تتوب
عبدالرحمن:الولد الوحيد لاحمد ومع ذالك ابوه مبهذله يدرس اولى ثانوي يحب خواته بجنون ويتمنى يخلص الثانوي بسرعه عشان يدخل المعهد المهني
ميعاد: هاذي شيطانه البيت تدرس ثاني متوسط تموت في مناقر عمتها ريم
ريم: هاذي اخت احمد من ابوه ابوها متوفي وهي عمرها سنه ونصف وما تعرف شكله الا في الصور
وامها عايشه في منطقه ثانيه تبعد عن الرياض الف كيلو متزوجه امها وعندها عيال ريم تدرس اولى ثانوي نفس عبود """""""" وفي شخصيات نتعرف عليهم من خلال القصه
&&&&&&&&&&&&&&&&&
ميعاد: ريمو..... ريموه
ريم : هم
ميعاد : ريموه وجع قومي (وهي تسحب الغطاء من ريم )
ريم بقهر:خير وش عند...... قطيعه
ميعاد : تقطع وجهك الخايس
ريم: اوهو علينا وش تبين مصحيتني من نومي وجع
ميعاد:قومي اخوك يبغاك
ريم: احلفي بس مو ابوك
ميعاد : مالك شغل
احلام : ههه والله انكم تضحكون الحين توك صاحيه من النوم ورايقه مناقر
ريم : قولي لاختك ماتهني احد بشي
ميعاد : احسن ههه طيب قومي ولا بقول تقول ما ني جايه
ريم : وجع تسوينها ...... يالله اخذ لي دش سريع وبجي
ميعاد : يالليل مطولك ههه
احلام : اي والله يالليل مطولك ههه
ريم: ذلونا عاد ... وجع
قامت ريم تسبحت ولمت شعرها بربطه لبست تنوره سوداء وبلوزه سوداء وتعطرت وراحت
ريم: السلام عليكم
الجميع: وعليكم السلام والرحمه
ريم : تجلس بكسل وتحظن الخداديه بصدرها
خير وشفيه مصحيني فيه شي
احمد: لا وانا اخوك ما فيه شي بس وش ذا النوم كله خلاص قومي
ريم : الله عليكم تقهرون ياخي خلوني انام تعبانه وحطت المخده جنبها لانها حست انها تضايقها
احمد: لحظه لحظه وشفيك ..........حنا بكره طالعين نتمشى نبي طلعه للبر قبل رمضان
ريم : ايه الحين انت سيد الرجال ياخوي
احمد : واذا ما طلعتكم وش اصير
ريم:ههه بعد سيد الرجال بس الاول احلى
احمد: على بالي ماني سيد الرجال الا اذا طلعتكم
ريم: افا انت دايم سيد الرجال حتى في عصريه رمضان ................ههه
كلهم قعدوا يضحكون من هبال ريم
احمد : وش معنى عصريه رمضان اخترتيها
ريم : ام مدري طلعت عفويه ههه
احلام : ولا عشان ابويه دايم يعصب عصريه رمضان
احمد : وش دراك وانتي اول سنه بتصومين معنا ان شاء الله
احلام: ههه افا انا قلت لها عن كل شي ههه
احمد: وين وانا ما اشوفكم تقعدون مع بعض اصلا هي دايم راقده
احلام :لا لاتخاف علينا حنا في المدرسه طول الوقت مع بعض خصوصا انها انها ما تعرف احد لسى ومانفترق الا اوقات الحصص واختك ما تقصر اوقات تطلع لي بنص الحصه اذا كنا فاضين
ريم مقهوره من احلام نشرت غسيلها : الله واكبر عليك هي مره واحده ذلينا فيها بعدين المدرسات مايغيبون الا بطلعه الروح ندعي الف مره ولا يغيبون مسويات نشيطات
احمد بعصبيه : وانتي ليش تدعين انهم يغيبون اجل ليش انتي رايحه المدراسه هاه
ريم :اروح العب واتعرف على البنات وادرس عادي مو لازم دراسه وبس
احمد : انتي الكلام معك ضايع
كلهم ههه
ريم خلاص خلص الاجتماع بروح اكمل نومتي
احمد : انتبهي لصلاتك ياريم لاتضيعيها في النوم
ريم : لا توصي حريص تبون شي بروح انام
عبود : سلمي لي على الي تحلمين فيه
ريم : عناد فيك بحلم في شياطين ههه
طلعت ريم راحت تنام
اليوم الثاني
ريم : ياي ماني مصدقه اني بطلع البر خ
احلام وميعاد هاذي اول طلعه من يوم جيتي خليك تنبسطين شوي
ريم : اخ مشتاقه لامي
ميعاد : ان شالله تشوفيها ودام انك مشتاقه روحي كلميها عشان ننبسط مايكون قلبي هناك ههه
قامت ريم كلمت امها وبعد ما سكرت : الحمدلله احس اني ارتحت شوي
ميعاد : طيب اعطيني هديه
ريم تبين كف ولا اسحبك بشعرك ههه
ميعاد :لا مشكوره مابي منك شي
احمد :خلاص يالله انا انتضركم في السياره
طلعوا البر وانبسطوا خصوصا ريم وميعاد راحويتسابقون واحمد يشجع
اما عبود جالس يتفرج عليهم المهبل
احلام وسلمى جالسين يسولفون
سلمى : احلام ابشرك عبير اختي انخطبت
احلام : والله مبروك الله يوفقها تستاهل عبير
سلمى: شافها النظره الشرعيه وطار عقله فيها
احلام :تستاهل عبير كل خير بس احس قلبي يوجعني عليها
سلمى بأستغراب : ليش
احلام بصدق نيه وطيبتها المعتاده : اخاف تطلع عقيم بعد
سلمى بقهر : وش قصدك يا احلاموه في بعد ذي قصدك اني عقيم وما انفع في شي واذا طلعت عقيم مو عيب ولا حرام هاذا امر الله
احلام منصددمه :عمهلا تزعلين انا والله ما قصدت شي من الي تقولينه خلاص اسفه وحقك عليه
سلمى لا والله انتي متعمده تقولين كذا عشان تحسسيني اني ناقصه بس انا اعرف اوريك شغلك
احمد جاء من الصوت العالي : خير خير وشفيكم في البيت وش زينكم وفي البر تهاوشون الشرهه على الي يطلعكم يالله بسرعه اطلعوا السياره
سلمى : انا ماغلطت شوف بنتك وش قالت
احمد : خلاص يالله البيت هناك نتفاهم
راحو يلون اغراضهم وركبوا السياره
ريم واحلام ما يدرون وش السالفه بس مايقدرون يفتحون فمهم لان احمد معصب
ومقهورين لسى ما طيحوا الي براسهم
&&&&&&&&&&&&
اتمنى تعجبكم الروايه وانتضر تفاعلكم حبايبي