مساعدة في اختيار مكياج العروس بسرعه

ماعندي خبره بهالمواضيع بس ان شاءالله البنات بيساعونك
وبالتوفيق ... مبروك مقدما

كريمات الاساس والبودره انا احسن شي جربته سان لوران وسمعت في المنتدى عن ديرماكول
والبيس قالت لي مره اخصاءية تجميل لاتعبين نفسك وتشترين بيس حطي اي كريم ترطيب بداله00 بس انا استخدم
من لوريال كريم يثبت المكياج ويشيل القشور
بعدين الشدوهات احسن شي شانيل وديور
المسكااره اللي تكثف وتطول في نفس الوقت فيه لانكوم
والاضاءه اللي تحت الحاجب 00 مااعرف نوع معين بس غالبا يجي مع اي علبه فيها مجموعة الوان
البلاشر انا جربت ديور مره حلوه الوانه وجربت شانيل حلو بعد
القلوسات انا جربت ماركه سماش بوكس تجي 3 الوان مع بعض مره حلوه
ان شاء الله استفدتي ودعواتك

هلا والله وغلا باساعدك باللي اعرفه كل شئ مجربته بنفسي او امي مجربته
اول شئ البيس قبل الاساس فيه كريم ابيض او وردي عند ايف سالوران علبته مربعه تحطينه بعد ما تغسلين وجهك يخلي الاساس متساوي على الوجه ويثبت فتره اطول.
الاساس فيه عند ديور اساس مخملي روعه على البشره باكتب لك كل اللي مكتوب مدري اي اسم بيفيدك
(fond de teint
longue tenue
fini mat naturel
long-lasting
natural matte makeup
oil-free/non gras)
طبعا الاويل فري للبشره الدهنيه
بعدين نجي للبودره المضغوطه جربت كلينك مش بطاله او من كلارنس حلوه بعد للبشره الحساسه
او السائبه كلاسيك اللي موجوده عند وول ورث او ماركس سبنسر بس
انا وامي الحين نستخدم ماركه فرنسيه نشتريها من عند خبيرة تجميل مو موجوده بالسوق اسمها ماريا جلاند ابحثي عنها بالنت لو لقيتيها
لانها جدا رائعه الاساس و البودره اهي غاليه و علبها صغيره يعني ما تكفي فترات طويله و بالذات انتي عروس فتستهلكين كثير عشان كذا انصحك بديور.
الكونسيلر من لانكوم يجي 3 درجات تحطيم منه عند الذقن وعلى جانبين الانف
او من كلارنس يجي طرف اخضر وطرف بيج حلو مره
نجي للعيون
اساس للعيون من سان لوران مثل القلم حلو يخفي سواد العيون مثل الكونسيلر
الشدو انا ما اعرف العلب الكبيره اللي فيها الوان كثيره الا حقت مكياجي اللي تجي دوائر و بعدين كل دائره فيها 3 الوان هذي حلوه وتثبت فتره مش بطاله
اما بتشترين الوان متفرقه خذي من نونبوا اللي عند مكياجي خذي من عندهم الاحمر روعه يسير على العيون
و خذي الابيض اللماع استخدميه مثل البودره المضيئه ترى مره حلو ينحط على عظم الخد
وعند شوسيدو و ديور وجفينشي فيه مجموعات حلوة
الحواجب لا تاخذين قلم خذي من عند شوسيدوا مثل البودرة معها فرشه تحددين فيها الحواجب تطلع طبيعيه اكثر من القلم واسهل في الاستخدام تتحكمين بالكميات اكثر من القلم
او اذا تبين ارخص خذي اللي عند بودي شوب نفس الشئ علبه يجي فيها درجتين (بني فاتح و بني غامق )او(بني غامق واسود)اختاري على حسب لون شعرك
كحل داخل العين من مكياجي او من ماركس سبنسراو ميك اب فور ايفر افضل ماركس سبنسر
الايلينر السائل طبعا لانكوم بدون منافس واذا مثلي ما تعرفين ترسمين الايلينر خذي الارت لاينر من لانكوم بعد ريشته اقسى فالتحكم بها اسهل
كحل ملون للعين تحطينه اسرع و اسهل ببيتك والا طلعه خفيفه والا تدمجينه بالشدو لازم تاخذين لك كم لون من عند مكياجي و بودي شوب
الماسكارا هلينا حلوه امي تستخدمها وكل خبراء التجميل ينصحون فيها بس انا تعجبني لوريال تكثف و تطول بشكل رهيب
نجي للحمره انا ما نفع معاي الا حمرة نونبوا للاورانج و ريد ايرث للوردي
طفشتي داريه بس قربنا نخلص
الشفايف الداهيه احلى شئ عندي
المحددات من مكياجي مره حلوه ومن البودي شوب ولا تشترين روج بدون المحدد معه علطول والا تتوهقين وتعجبني والارواج من مكياجي اللي لون علبتها فضي حلوه وفيها لمعه تجنن
وقلوسات برجوا خياليه تخلي الشفايف روعه و ريد ايرث حلوة ارواجه بعد و قلوسات بودي شوب ولب بلام من بودي شوب بعد حلو وطبعا الماركات العالميه معروف بتاخذين منها اكيد
(البني و البيج و الاحمر و الوردي)طبعا كل شئ له درجات
ذكرت البيج خذي من شوسيدو حلو مره
وبعد يمدحون نيفيا بس ترى ما جربته
اللمسه الاخيره للماكياج
البودره اللماعه من بودي شوب اللي تجي مثل القلم تحت البودره وفوقها الريشه تضغطين وتطلع البودره
و فيه شئ من كلارنس مثل الكريم امي تستخدمه بس انا احوس مكياجي لو احطه
يالله تعبت من الكتابه قولو الله يعطيك العافيه
اذا ذكرت شئ بعد كتبته (قولي خير وش باقي بعد )
بس ابي منك تدعين لي الله يفرج همي ويسير اموري ويسخر لي منهو اقوى مني يارب واي دعوه حلوه منك
(انا مخطوبه ادعيلي )
مبروك والله يوفقك ان شاء الله دنيا واخره
ويارب اكون افدتك

مرحبا
مشكورين الله يعطيكم العافيه
مشكوره يا حبوبه 2005
الله يوفقك ويفرج همك ويوسع عليك يارب
ويسعدك
يعطيك الف عافيه ما قصرتي كل شي شرحتيه بالتفصيل
الله يفرج همك يارب
ولاتبخلين علي اذا فيه اضافات ابي ....
تسلم اناملك

الله يجزاك خير اولا
والله يسلمك
واي شئ ترى انا بالخدمه
الله يسهل امرك

هلا والله اخت قلبي يحبك...والف مبروك مقدما.....
انا مثلك وحابه افيدك باللي ناويه عليه...
اول شي بالنسبه للاساس للسهرات خذي الاساس والبيس حتى الاضاءه والكومباكت باودر واللوس بعد من عند فور ايفر... وخذي لك من عندهم مثبت الروج ..وخذي اللمعه الديموند رهيبه...وعلبة الكونسيلر ((اذا وجهك ما فيه عيوب ماله داعي))...وعندهم علبة الحواجب خياليه انا استخدمها...
اما للبيت خذي لك من الرخيص..خذي اساس نيفيا الي مكتوب عليه MAT والباودر من ماكس فاكتور او أي باودر انتي ترتاحيله ....
الايشدوهات واضاءة تحت الحاجب.. في ماركه تجنن في لايف ستايل اسمها برستيج روعه انا استخدم شدوهاتهم... عندهم كل الالوان اللي تلمع والمطفيه جربيهم واسعارهم بعد حلوه ومش غاليه
وماكس تاتش تجي العلبه فيها 6 الوان حلوه بعد وسعرها بعد رخيص ..اما اذا تبين من الغالي طبعا ماك..واليتير
....((((نصيحه اذا تبين تثبتين اللون على الجفن خذي البيس اللي يثبت الايشدو من ماك ...واذا حابه توفرين امسحي جفنك بشوية فازلين بدل المويه..وبعدين خوذي من اللون بالاسفنجه بفرك خفيف ووزعي اللون على عينك...وشوفي النتيجه ..واللون رح يثبت ويكون واضح مش باهت...
هذا بالنسبه للعلب الصغيره اما الكبيره بصراحه ما عندي فكره عنها....
الماسكره والقلوسات اللي فيها قليتر وتثبت والبلاشرات شوفي DMGM تجنن بصراحه
اما القلوسات اللي بلا جليتر عندك نوبا روعه
اقلام التحديد ريميل ونيفيا احسن شي...
وابدا لا تنسين مثبت المكياج السبراي اللي ترشينه على وجهك بعد ما تخلصين مكياجك....
وموفقه...

الله يعطيكم العافية

حبيبتي انصحك بكريم الأساس شارمل بصراحه رائع جدا جدا جدا
والأضائه بودرة شارمل حطيها على الأنف وتحت العيون
والكحل خوذي من مكياجي كحل دآخل العين والمسكره خوذي مسكرة لانكم تجن
والشدو خوذي أسكادا
هذا اللي اعرفه بس ثقي انه عن أمانه وان اختك الواثقه اسم على مسمى ماكتب شي الا وانا مجربته
والله مكياجي كلن يسألني عنه
واحب اقولك حطي على الكريم بودرة نيبو اوياردلي اما بيج او وردي انا انصحك بالوردي بس انتي شوفي
اللي يناسبك ولك مني جزيل الشكر وان شاءالله اني افتك

حبيبتي شوفي هذا الرابط وان شاء الله يفيدك
http://www.alfrasha.com/showthread.php?t=95516