مساعدتكم يا فراشات في تغيير نفسي

1. 4ساعه في خلافات و نقاشات حاده و زعل وعصبيه وكل احد على اعصابه


2. المشكله في نظري راح الخصها لكم :


3. بس ابي من ينصحني واحتاج من ينصحني ؟؟؟؟

هاي يا فراشات شخباركم ؟
صراحه انا في شي متعبني واجد - كنت بحط الموضوع في افتح قلبك بس حسيته مناسب لهذا القسم اكثر ؟
المشكله مع خطيبي

4ساعه في خلافات و نقاشات حاده و زعل وعصبيه وكل احد على اعصابه

المشكله في نظري راح الخصها لكم :

انه انا ما اتحمل شي يقوله ودائما اعتبر انه يقصد شي فيه وازعل منه بسرعه وحساسه بشكل مو طبيعي معاه واتنرفز بسرعه واسوي شي من لا شيء وهو بعد ما يتحمل اني اسوي سوالف من اشياء بايخه واحس احيانا ما اقدر امسك اعصابي ولساني يعني اللي افكر فيه ويجي على بالي اقوله
و المشكله الي صارت انه هو الحين وصل لمرحله انه صار ما يتقبل اي اعتذار مني اذا انا غلطت ولا يعطي تبرير لي لأي زعله اسويها او اذا صارحته انه شي حاز في خاطري ف صار دائما يقولي انه انا دائما ازعله وقالبه حياته نكد في نكد ويجلس يقول انه خيبت املي فيه واني ما اعامله كويس .. الخ
والمشكله بعد انه في اشياء صغيره ما اقدر اسكت عنها وابي اقولها بس انا اسلوبي احيانا اعوذ بالله و تعبت وانا احاول اغير اسلوبي .. يعني اسلوبي هجومي وما اعرف اختار الوقت المناسب في اني اطرح المواضيع والاشياء اللي ابي اقولها !
يعني مثلا هو عنده موضوع خاص مع صديقه انا تنرفزت انه ليه مايقولي شي و جالس يحسسني انه يخبي علي اشياء ؟ .. و قالي انو هذا الموضوع خاص بصديقه مو له هو .. فما يقدر يخون الامانه ويقولي .. لأنه ماله علاقه فيه هو .. و جيت انا و تنرفزت وجلست اقوله انه اوكي انا المرات الجايه اذا في شي مالي علاقه فيه ويخص احد ثاني ماراح اقولك وراح اخبي عليك . ف النتيجه .. انه هو عصب مره .. وجلس يقولي انه انتي تبي تستفزيني وتسوين وحده بوحده وهذا مو اسلوب وانتي جالسه تدمري علاقتنا بهالتصرفات .......... الخ
وطبعا هو وصل لمرحله انه اصلا ما يسمع مني اي تبرير بحكم انه هو طفش مني من الحنه واختلاق المشاكل والحاجات هذي
ومن هنا تبدأ المشاكل بهذي المشاكل الصغيره والامور الصغيره و الي تكبر وتبقى بالخواطر ؟
وانا من جد مو عارفه اتصرف ابي اني اكون انسانه اكثر واقعيه واكون ناضجه اكثر من كذا واهد ححركات الطفوله عني و اني اعامله كني اعامل وحده من صديقاتي .. يعني انا اعترف اني اتحمل جزء من المسؤليه ..

بس ابي من ينصحني واحتاج من ينصحني ؟؟؟؟

ايش اسوي معاه و كيف على الاقل ارد ولو قليل من اني ابين له اني انسانه مسؤله عن تصرفاتي و حليوه معاه و كل شي و اني واهم شي اني اتجاهل الاشياء والامور البايخه و التافهه في العلاقه و ما اجلس ادقق على اقل شي او اجلس ازعل وانرفز على اقل شي و تنقلب السوالف علي ؟