مساعده عاجله

حياك الله
انا الى اعرفه عندك اسواق العثيم مول+العليا مول+ خريص بلازا طريق خريص
وان شاء الله يعجبونك
اختك:مهاmha

خالة مجودي
ياخساره حطمتوني

مشكوره يامها الله يبلغك رمضان انشالله

السلام عليكم يالغاليه
والله يحيك في الرياض بين اهلك وناسك
شوفي عندك العثيم مول وعندك غرناطه وعندك العليا مول وكذا سوق في الرياض اذا رحتي لهم بيعجبونك ان شاءالله

الله يسلمك والله انك عسل ومشكوره

هلابك
بتنورين الرياض
لازم تروحين لحياة مول يجن
هو جنب صحارى بس على طريق الملك عبدالعزيز
ولازم تروحين لغرناطة برضو حلوو
ومري صحارى بعد حلوو
وروحي لرويال سنتر موب شين بس خليه اخر شي يعني اذا عندك وقت
واذا تبين أقمشة لاتتعدين عليا مول .. أحلى أقمشة الرياض عندهم
أو الاندلس أقمشتهم حلوه
شارع العليا العام فيه محلات كثير بس على نفس الشارع موجودين
روحي المملكة
والفيصلية
واذا تبين سهرات روحي عمائر السيريكون
أو مملكة المرأة
الصراحة الاسواق مايخلص الكلام عنها
موفقة يارب

هلا فيك خالة مجودي احلى الاسواق عندك الفيصليه وعندك حياة مول واذا انت مستعده تمشين كثير روحي غرناطه

بصراحة البنات ما قصرو اللة يعطيهم الف عافية