مسك الطهارة ادخلوا عشان تستفيدوا

السلام عليكم ورحمة الله وبركاته
كيفكم يا فراشات
اليوم حبيت افيدكم بخصوص مسك الطهارة
هذا الموضوع اللي شغل الكثير
وكثير ماهم عارفين ايش هوّ مسك الطهارة الأصلي
القصة ومافيها
اني رحت لمحل عبدالصمد القرشي وطلبت مسك الطهارة
راح جاب لي نوعين أبيض وأسود
قلت ايش الفرق بينهم
قال الاسود معطر ويحتاج تخفيف والابيض أخف منه ومكتوب عليه مسك الجسم
وكلهم اسعارهم رخيصة الربع التولة ب 35
هنا قلت في نفسي كيف يقولوا الاسود هو مسك الطهارة وهذا يقول معطر؟؟؟
بعدين قاله زوجي اعطيني احسن انواع المسك اللي عندك
قاله احسن نوع مسك الغزال
هو مسك خالص ومافيه أي اضافات وسعره غالي
ربع التولة سعرها ب 300 ريال
وهنا عرفت انه مسك الغزال هو المسك الأصلي وهو مسك الطهارة المقصود
الخلاصة من هذه السالفة كلها
المسك الأسود ( اللي سعره رخيص ) والمنتشر بكثرة
هذا مسك معطر (( وريحته قوية ))
وليس مسك الطهارة فابتعدوا عنه لأنه يسبب التهابات
وهذه صورته (( سبق واشتريته من العربية للعود وقالي انه مسك الطهارة حسبي الله عليه ))
وسمعت انه هذا المسك هو اللي يستخدم عند علاج السحر والمس
المسك الأبيض
هذا مسك لتعطير الجسم وريحته حلوة
ولا يستخدم للطهارة (( أي لا يستخدم للمنطقة الحساسة ))
مسك الغزال
هذا هو مسك الطهارة وسعره غالي التولة ب 1200 ريال
وهذه صورته (( لاحظوا لونه فاتح شوي )) وريحته هادئة
إن شاء الله تستفيدوا من الموضوع
وما ابغى منكم الا الدعاء لي ولزوجي ولأولادي
ربي يخلينا لبعض ويهدينا ويوفقنا في حياتنا
ملاحظة\
راح انزل الموضوع في منتدى ثاني عشان تكون الفائدة أكبر
وقلت لكم عشان ماتقولوا الموضوع منقول
وسلامتكم
اختكم
الغالية