مشاكل مع زوجي ما تصير الا في الاجازة

صارحيه وتناقشي معه
ويارب يدووم المحبة بينكم

والله مابعرف يمكن لانه يصير لوحده ..
فينشغل بااصحابه والوضع يتغير معاه شوي
ينام ويصحى ع طول للشباب
بس انتى كل يوم بالصباح ارسليي مسج صبحيه
وبالعصر ارسلي غزل
وبالليل رومنسيه
حسسييه انك معاه حتى لوانك بعيده

المشكلة ما يحب يتناقش معاي او يمكن انا ماعرفت
وترى اسلوبه غريب يعني بالاجازة مايحب يتصل او يسأل علي
وبعدين كيف ارسلله مسجات غزل وهو مايرد علي ؟أحسها صعبة شوية
والله يا بنات متحطمة

عادي ياحبيبتي ...... كلنا في الهوا سوا وعقلك لليروح بعيد
وزوجي نفس زوجك اذا وداني بيت اهلي وراح للشباب ينساني ولاحتى يفكر يدق اصلا يسال عن عياله
بس عادي انتي لاتنسينه من الرسائل المثيرة ....
واذا انه مسافر تحطين له اشياء في الشنطة يتذكرك فيها
اذا انه راعي كورة وراح يتفرج مع اصحابه ارسليلة اشياء عن المبارة وان الفريق الفلاني ياحرام خسر بطريقة حلوة
وهكذا .... حاولي توجدين مساحة مشتركة مع اهتماماته يتذكرك فيها
وترى انت عيشي حياتك لما تكوني في بيت اهلك وانبسطي ولاتفكرين كثير فيه او تحسسينه انه حتى لو راح انه محاصر.....
بس ياحبيبتي...........فيه عبارة حلوة احاول ادرب نفسي عليها
انبسط مع نفسي وانوثتي .... واثقة الصلة بالله ..... اراعي في زوجي حق الله .... وراح ارتاح.....

ماني فاهمة يعني انتي بالايجازة مانتي عنده

يااختي لازم تلقين مساحة للحوار مع زوجك شوفي اش اهتماماته ..... اغلب كلامه عن ايش وثقفي نفسك من ذي الناحية......وخلية يحس انك احسن منه ....وانك مرة مثقفه .....

الاجازات يا كاسندرا يعني بالصيفيات لان اهلي مو معي بنفس المدينة وعلشان كدا انا اسافر لهم
صدقوني يا بنات والله اني متعلقة فيه
بس احسها اهانة في كرامتي ومشاعري لمن اتصل ويقفل الجوال بوجهي او يحوله مقفل
يعني بالله عليكم لو انه مشغول ما وده يراعي مشاعري بعد هالتصرف اللي سواه؟
ولا انا غلطانة اني اشتقت له ؟
وبعدين لو انشغلت عنه راح يزعل اكثر واكثر
لانه من النوع الحساس والغيور جدا
يعني لازم يعرف كل خطواتي
صدقوني يا بنات حاولت اكون صريحة معاه وتكون بيننا شفافية واشتياق ورومانسية احس تمشي الامور عنده
بس كل شي يخرب بالاجازة

تبين الصراحة....ولا اختها .... يعني بالله كيف الاجازه عند اهلك كلها.....
يعني تبين تفهميني انك تاركة زوجك لاكثر من شهر ...... ياختي مايسير هذا الكلام
يكفي اسبوع عند اهلك .... وانبسطي مع زوجك في الاجازة زي اي اسرة في العالم
او تسافرون في الاجازة لاهلك مع زوجك تاخذون فندق اسبوع وتروحين لاهلك مع زوجك .....بدل الشحططة في الاجازة
يعني الرجال يشوف اصحابه اللي مع اهله ومسافرين ورايحين ومبسوطين وانتي رايحة بيت اهلك كل الاجازة وتاركة الرجال
اتمنى انك تعيدين التفكير في وضعك ..... ( الكئيب ) مع احترامي لك
احنا وقت اجازة وفلة وانت رايحة بيت اهلك تنبسطين طول الاجازة وتاركة الرجال .....مايسير
خلاص الحرمة من تتزوج مع رجالها.....
لاتزعلين منى ...... اعتبريني زي اختك بس والله لمصلحتك

الله يوفقك والله ما زعلت
بس المشكلة انا مارحت الا برضاه والحين صار يتجاهلني كالعادة لاني عند اهلي