مشكلة بنت خالتي قبل العيد

1. السلام عليكم حبيباتي و كل عام و انتم بخير


2. صديقتي وبنت خالتي صارت معها مشكلة قبل العيد ب3 ايام

السلام عليكم حبيباتي و كل عام و انتم بخير

صديقتي وبنت خالتي صارت معها مشكلة قبل العيد ب3 ايام

متزوجة من تلات سنوات معها بنت 5 اشهر وبداية المشكلة انو زوجها كان مخاصمها تقريبا اسبوع و قبل العيد بثلاث او 4 ايام جاء يحضنها طبعا مشتاق لها و بدو(......) هي زعلانة وما عطتو وجه لانها كانت بدها يتناقشو في الموضوع بالاول بعدين يتصالحو و جهزت كاستين شاي و خدتهم لعندو و فتحت معاه الموضوع يعني ليش يصير مشاكل بينا و نت دايما تغلط علي و ما بنوصل لحلول وكلام من دا وكانو يتناقشو وهو علا صوته وعصب طلبت منه يهدا حتي يكملو النقاش و يوصلو لحل فعصب بزيادة و هي كمان عصبت و حست انه مافي نتيجة للنقاش ضربت كاسات الشاي بايدها و تكسرت الكلاسات باارض (اول مرة تعمل هيك هي نفسها مش مصدقة) مسكها من ايدها و ضربها كف على وجهها و قالها ياحيوانة(اكرمكم الله ) هنا هي انهارت لانو اول مرة يمد يده عليها و اول مرة يسبها كانت بدها تكلم ابوها يجي ياخدها بس ماكان عندها رصيد حكتلو ياخدها بيت اهلها وهي منهارة وهو رفض وحس بالندم واعتزر لها وسكر باب الشقة و خبا المفتاح وسكر جواله برقم سري حتي لاتتصل علي احد منه كل هاد الحكي كان الساعة 11 بالليل هي تبكي لوجه الصبح وضل هو عند رجولها يبكي و يعتزر و يطلب السماح حكت له مالنا عيشة مع بعض هاي النهاية لحياتنا و انا بطريق وانت بطريق ضلت محبوسة في غرفتها تلات ايام لا اكل و لا شرب و هو يجيب لها اكل و ماتاكل و يشربها ماي بايده وهي كرهته خلاص يوم عرفة راح شرالهم غراض العيد وشرالها اواعي الها وكنب جديد وطلب رضاها حكالها اعطيني فرصة ثانية وهي حكت له بس منشان خاطر بنتي راح ضل معك لاني ما بدي اياها تعيش باسرة مفككة ويوم العيد راحو لاهله يجلسون معهم في العيد و اضطرت انها تحكي معه قدام الناس وكمان ثاني يوم اجو عندها علي الغدا و كمان اضطرت تحكي معاه قدام الناس منشان ما يحسون بشي هو حس خلاص انها رضت عنه و صار عادي و تالت يوم بيت اهلها ورابع يوم بيت اخوها و خامس يوم كان عندي وهو اليوم اللي حكت لي فيه اللي صار و دموعها علي خدها وشافها زوجها تبكي عندي و حكالي انه ندمان وانه ماتوقع انها ممكن تتصرف هيك و حسيت به مثأثر.
هلا مشكلتها هيا حاسة انو ما تادب كفاية لانها كانت ناوية تخاصمه علي الاقل شهر حتي يحس بحجم غلطته بس ظروف العيد اجبرتها انها تحكي معاه و تمثل انه عادي مافي بينهم مشكلة بس هي من جواتها متأثرة بقوة ومو مصدقة انو مد ايده عليها. هلا هو مدلعها لانه حاسس باللي عمله وطلباتها اوامر ويوم عزمت اهله طبخ لها الخروف بالمطعم وجابه جاهز مع انه ما كان يعمل كدا قبل كان هي تطبخ و مايحب اكل برة و طلبت منه تنام عندي ووافق مع انه ماكان يوافق قبل ، وكمان شرالها كنب كان رافض من زمان يشتريه
هلا انا طالبة رأي الفراشات في الموضوع اذا في شي يمكن نعمله بعد اللي صار حتي تخليه يندم اكثر لانها تقول انها تساهلت معها وتقول ياليت مارحت وياه لبيت اهله و لا عزمتهم و ياريت لو ضليت ببيتي طول فترة العيد عشان اهلي و اهله يسألوه و ينحرج معهم وياريت كلمت اهلي ( هي ما كلمتهم منشان لا يكرهوه)
شورو علينا ربي يسخر لكم ازواجكم و يسعدكم و يعافيكم و لا يبتليكم ان شاء الله من العايدين