مشكلة زوجي وامه

1. ام زوجي انساانه غريبه جدا رضاها غايه لاتدرك


2. احنا الحين مسافرين وزوجي كل يوم يدق عليها اكثر من مره وماترد عليه

السلام عليكم ورحمة الله وبركاته/
بدخل بالموضوع على طول

ام زوجي انساانه غريبه جدا رضاها غايه لاتدرك

والله يافرااشات ان اولادها ماقد شفت زيهم بارين فيها لابعد حد مطيعين لها مايرفضون لها طلب وفوق كذا مو عاجبها دايم تدور المشاكل عشان تزعل منهم
تزعل اذا عرفت ان اولادها يطلعون مع زوجاتهم تقول ليش ماقلتوا لي والمشكله لو قلنا لها ماتروح بس كذا مشكلتها ماتبغى اولادها ينبسطون مع زوجاتهم تتضايق اذا سافروا او تمشوا او راحوا السوق وبناتها غير تبغاهم ينبسطون وتتمنى سعادتهم وتشوفهم غير اما بنات الناس لا
اللي قاهرني يابنات ان او لادها طيبين معاها لابعد حد والله يسسون معاها اشياء نادرا في هذا لزمن احد يسويها مع امه ومو عاجبها دايم تتشكى منهم وتقول ان شاء الله اولادهم يسوون فيهم زي مايسوون فيني انا يوم عرفت قلت امين الله يجعل اولادي يسوون فيني زيهم احلى دعووه دعتها ههه
اذا اولادها سافروا مع زوجاتهم ماعاد ترد عليهم اذا دقوا تحب تقلقهم عليها بدون سبب والمشكله ان عيالها ماقد سافروا الا يحاولون فيها تسافر معاهم وترفض طيب ابغى افهم وش تبغى بالضبط كل شي متوفر لها ومو عاجبها قاسيه لابعد حد

احنا الحين مسافرين وزوجي كل يوم يدق عليها اكثر من مره وماترد عليه

امس كان مره معصب ووصلانه معاه سالته قام يقولي خلاص انا مليت انا بنفجر شكلي بسوي شي مو طيب قلت وش فيه خير ان شاء الله قام يقولي انا تعبت من امي ماادري وش تبغى طفشتني احس بدات اكرهها انا هنا انصدمت مو مصدقه انها وصلت اولادها لهاذي المرحله اولادها اللي يموتون فيها واهم شي عندهم رضاها بدت تكرهم فيها قمت قلت له اصبر وش تسوي خلاص انت عارف انك مو مقصرمعاها وربي مو ظالم عارف كل شي خلاص اصبر وطنش دامك ماشي صح
قال مااقدر احس بقهر مو طبيعي ليش تسوي معانا كذا ليش هي قاسيه كذا تبغانا نموت عشان ترتاح قلت له والله انها تحبكم اكيد بس هي طبعها كذا وش نسوي مع انه طبع غريب وماله اي مبرر
قلت مالي الا الله ثم انتم تلاقون حل لزوجي واخوانه مع امهم وحتى احنا زوجات اولادها مانسلم منها بس من بعيد لبعيد تدقنا بالكلام وماتحب احد يمدحنا ابدا ينقلب وجهها لو احد مدحنا قدامها مع اننا ولله الحمد ومو مدح لانفسنا طيبين معاها ونحترمها مع انها ترفع الضغط
سبحان الله اولادها وزوجات اولادها زي العسل معاها ومو عاجبها غيرها تتمنى ولد واحد يبر فيها ومالقيت
لكن وش نقول غير الظلم ظلمات يوم القيامه وان الله يصبر اولادها على ظلمها ويهديها ويحنن قلبها عليهم
ياليت القى حل مناسب لهاذي الام عشان تريح اولادها
اسفه كلامي ملخبط شوي ومو مرتب بس ماعندي وقت وماكتبت الا لاني تعبت من كثر التفكير ومالقيت حل معاها لاتقولون يكلمونها عيالها ويفهمونها لانها على طول تزعل وتقول انتم ماتحبوني