مشكلة صديقتي اتمنى تلقون لها حل كسرت خاطري بس تبكي

مرحبا بنات الله يسعدكم يارب ابي نصايح حلول لها
لاني كلمتني ع الواتس اب ومره تعبانه نفسيتها
تقول لها فترة كل اسبوع تتخانق هي وزوجها ع اتفه الاسباب((بتكلم ع لسانها))
امس تقول رحت لااهلي وجلسنا نتقهوى وقالت لي امي نبي نروح محل نشتري كم غرض
خلي زوجك يودينا واخوكي يرجعنا
رحت وقلت له قال عادي
وكان عندي موعد اسنان
ورحنا حطينا اهلي في المحل
ورحت انا وهو لموعدي
وطلعنا من الموعد
وكان مرووق ونسولف
ووقفنا عند الة صرف ونزل يسحب فلوس
وفي هالوقت دقت اختي وقالت خلصتي موعدك
قلتي اي من زماان بس جالسين نلف بالسيارة
قالت ترانا خلصنا وبرد قلت حنا اصلن قريبين منكم
بنمركم الحين ناخذكم
رجع من الصراف
وجلس يسولف شوي
وبعدين قلت له ترا اهلي خلصو يالله نروح ناخذهم
هب فيني قال وين اخوكي
مو هو اللي بيرجعهم
قلت عادي حنا قريبين لهم وهم خلصو
قال انا مو سواق عند اهلك اخوكي موجود
قلت من قال انك سواق ليه تكبر الامور
قال ماكبرت شي انتي تتصرفي من راسك
هم قال ودنا واخوكي يرجعنا صح
قلت صح
قال يعني انتي الغلطانه
قلت ليه تكبر الموضوع
انا اللي قلت لهم نمركم الحين
عصب زيادة وقال وليه تتصرفين من راسك انا اخر اهتمام عندك
ماتاخذين لي اي اعتبار كان يوم ركبت السيارة اخذتي رأئي مو تتصرفي من راسك
وكل هالكلام انا احاول اهدي وهو معصب قهههرني
قال كل ماصار الواحد مستانس جيتي رفعتي ضغطه
وقلت خلاص انا غلطانه اني خليتك توديهم لمكان
وسكت ودقيت ع اختي وقلت ماراح نمركم دقو ع اخوي
ووقتها خنقتني العبرة بقوة والدمعه بعيوني
ورجع لهم عند المحل
وركبو وقهرني زيادة ليه كل هالخناق وطولت اللسان اذا بيرجع ياخذهم
وورجعنا للبيت اهلي انا نزلت وسكرت باب السيارة بقوة
بدون ماحس من قهري
وامي حست قالت ليه معصبين
قلت مافي شي قال سكرتي الباب بقوة ليه
مارديت عليها
وتقول من امس المغرب الى اليوم مااتصل ولا ارسل
ومقهورة ماودها ترسل له زي كل مرة زعل
وهو بيحي الجمعه ياخذهم للبيت عشان البنت تدرس
وش رايكم ابي نصايحكم