مشكلة عويصة جدا أرجوا دخول بنات الرياض خاصة

مشكلتي ياجماعة الخير اني دبدوبة .. ووزني في الثمانينات .. ومالقيت شي في السوق مناسب لي وعلى
مقاسي ....
والله العظيم اتفشلت من زوجي كل يوم موديني السوق وأطلع متحطمة مرة مولاقية شي على مقاسي ( شكل
زوجي قاعد يقول بينة وبين نفسه الظاهر زوجتي أدبب وحدة في الحريم )..
أنا في الوقت الحالي ماألبس الا جلابيات وكأني عجوزة .. كل ماحد شافني قال لي البسي تايورات انتي لسى
صغيرة ماتناسبك الجلابيات ..
وآخر وحدة شغالتي توها تقول لي ماما انتي حلوة بس ليش ملابسك مو حلوة خ
والله اني متحطمة بسبب وزني وزاد تحطيمي الملابس ... ماأدري كل الدبدوبات ماشاء الله اللي أشوفهم قمة في
الأناقة والشياكة .. ماادري من وين يشترون ملابسهم ..
أرجوكم أي وحدة تعرف أماكن تبيع ملابس مقاسات كبيرة وحلوة تساعدني .. الله يجزاكم الجنة ..

ساعدوني ...

تكفوون ياأهل الخير ..

الله يعينك حاولي انك تسوي ريجيم لانه السمنه مرض مزمن ويحرج وخاصة اذا كنت صغيره
واذا تبين ملابس للسمان فتنوجد في محلات والس وايفانز وفيه كذا محل يهتمون بملابس السمان واتوقع تلاقينهم
في صحاري وبالتوفيق

عزيزتي...
في كل الاسواق فية محلات للمقاسات الكبيرة..
مثل
مكس
إكس إكس مكس
آن هارفي
ودرت وسويت لك بحث
وجبت لك هذاالموضوع الي بيفيدك...
تفضلي الرابط
http://alfrasha.maktoob.com/showthread.php?t=202000
تكفين لا تنسين تدعين لي..ومع تمنياتي لك بجسم رشيق

بنت الثمامة الله يسعد قلبك يارب .. أشكرك على مساعدتك ..
وصدقتي والله السمنة مشكلة بس ادعي لي ان الله ينحفني ..
أشكرك على مشاركتك الرائعة ..

روابي الرياض ...
الله يوفقك ويجعلك من أسعد خلقة في الدنيا والآخرة .. ويحقق لك كل أمنياتك اللهم آمين ..
أسعدتني مشاركتك جدا .. وأنا ان شاء الله راح أروح الأماكن اللي قلتولي عليها ..
ومره ثانية أشكرك على مساعدتك من أعماق قلبي ..

انا اعاني من نفس المشكله بس ملابسي من دبنز هامز ونيولك ونكست وستي بلازا كلها تبيع اشياء ومقاسات كبيره

وعليكم السلام ورحمة الله وبركآته
تفضلي حبي ،،
محلات مو ماركه ::
1. عندك اليافعي في طيبه .. محل كبير ،، وفيه مقاسات كبيرة مرة ..
وقطعهم حلوة ونظيفه .. وتكرف وهذا اهم شئ .. وكل شئ عندهم
من تنانير وبلايز وبديات وبناطيل ..
2. في محل بالعويس اسمه ابوخالد .. يبيع ترناقات وبدل للبيت وبجامات وقمصان
مقااسات كبيرة مرة ..
وهذ محلات ماركه لو عندك مناسبه او شغله ::
1. دبنهامز له فرووع في صحارى والمملكه ..
وعندهم مقاسات مرة كبيرة وكلها قطنيه روعه مرة مريحه ..
وهم بعد عندهم جينزات روعه وبرمودات تهبل ..
2. محل ايفاينز بس مو ذاك الزوود ..
4. محلات الريس لها فرع بصحارى ،، بوابه 2
وهو خاص بالملابس الداخليه ،، وملابس النوم وعنده مقاسات لين تقوولين بس ..
5. وهذا محل اذا عندك مناسبه رووحيله ،، وبتدعين لي ..
هو في صحارى الجديده.. اسالي عن محل ولسن اللي في صحارى .. وبتحصلينه جنبه
محل كبير وكل اللي فيه روعه .. حتى معاملتهم شئ ..
والله ماحفظت اسمه لان شوي صعب .. بس دايم اذا بتقضى لاختي لمناسبه ارووح له ..
شرح اكثر لمكانه >> اذا وصفوولك اولسن على الوصف بتدخلين في فتحه .. هو بيصير بوجهك محل في الاخر مرة كبير ..
والاهم ان قطعه خاصه فيه وماهي متكررة .. ويقدر يعدلها لك مثل البلووزة كم طويل يخليها كم قصير وكذا يعني ..
6. وعندك محل اولسن في صحارى جنب المحل اللي تو قلت لك عنه ..
عنده شغلات تجنن ورهيبه .. وخاصه البلايز فنان فيها ..
7. وعندك ايتام له فرووع كثيرة منها صحارى والعليا مول ..روحي للعليا وول احسن وارتب ..
في اخر المحل بتحصلين المقاسات الكيرة اسالي عن مكانها احسن يمكن غيرووه ..
عندهم بديات شئ وبناطيل وتناتير شئ ..
8. وفي محل داشن عنده تنانير مقاسات كبيرة ،، بس تنانير بتحصلين مقاسات كبيرة
ولا الباقي مقاسات صغيرة ..
9. عندك محل الفالح اذا تبين بدل رياضيه .. مقاسات بالهبل وهم بعد في دبنهامز بدل رياضيه مقاسات كبيرة ..
10. واذا تبين محل مايووهاات عندك السدحان ..
منقول