مشكلتي البسيطه مع زوجي بس دايم تبكيني

ماشاء الله تبارك الله الله يسخره لك...
بس حبيبيتي ليش تستبقين الاحداث لكل حاادث حديث اذا ان شاء الله ولدتي
بالسلامه بالطفل الاول وجاء الثااني قولي هالحكي ماتوقع بيرفض اذا شااف الوضع
لكن تحكاينه بموضووع ماتدرين وش يصير عليه ربي يحينا حياة طيبه
وسعي صدرك يالغلا وانسي هالموضوع وعيشي حياتك اذا جاء وقته اففتحيه..

حبوبه الله يسعد قلبك ويجعلك ماء عين زوجك ودم قلبه ودفء حياته ,, ويسخركم لبعض ,,
يالغاليه لا تخربين على نفسك بيدك ,, عيشي حياتك الحين واستانسي لا تفكرين في بكره لانك بتتعبين وصدقيني مع كثر الزن على زوجك بيتضايق ووينقلب الموضوع على راسك ,,
لا تسبقين الأحداث انتظري لوقتها اريح لك واحسن لك
وصدقيني والله دخول الخادمات للبيت اكبر شر بالذات للي توها في بداية حياتها << صح اني بنوته صغنونه وما تزوجت لكن الواحد يسمع ويشوف وما نقول غير الله المستعان ,,
اهم شي يالغاليه انتي لا تنكدين على نفسك ولا تتضايقين ومثل ما قلت لك خلي هالموضوع لوقته وحالياً توكلي على الله وخلي تفكيرك كله في البيبي وابوه الله يحفظهم لكِ ويحفظك لهم يارب ,,
السموحه منك لو ضايقك كلامي ,,
تقبلي مروري
>> لاحرمني الله منكم <<

مشاء الله تبارك الرحمن
بس يا قلبي شوي شوي كلهم بالغالب كذا يقولون بالبدايه بس يوم يشوف تعبك وإنشغالك عنه بيجيب ولا يهمك دامه طيب مثلما تقولين وما يقصر عليك بس هو ألحين شايل هم إن خصوصيتكم بوجود الشغاله ممكن تتعكر ما درى إن العيال بيلغون جزءءء كبير من هالخصوصيه
ويمكن لا شاف حالتك بالولاده وتعبك يجيب لك خاصة إذا بتولدين بعيد عن أهلك
الله يفرج لك همك وتولدين بالسلامه ويحنن قلبه عليك
ومثل ما قالت الوفاء لا تسبقين الأحداث لكل حادث حديث

لاتخلي الشيطان يدخل بينكم تو الناس على هالكلام وربي يوفقك ان شالله بحياتك وتشوفين كل خير يارب ويسخره لك ان شالله بس انتي حساسه زي ماقلتي ولازم تقوين نفسك وشخصيتك لاتبينين له انك تتضايقين من اي شي خليك قد المسؤليه عشان تكبرين بعينه ويلبي رغباتك باذن الله موفقه

والله البنات اللي قبلي ماقصرو كلامهم سليم
اسمعي يالغلا لاتسبقين الاحداث وخليك عادي عنده ولا تهمك الخدامه قدامه
بكذا بتكبرين بعينه هو بيجيبها لك من غير ماتحنين عليه وبعض الرجال ترا يعاند اذا قرقتي على راسه
لكن اذا شفتي وقتها ومحتاجتها هو من حاله بيجيبها لك لاتستعجلين على رزقك يالغلا
لاتبكين ولا شي يالغلا وربي يسخره لك ويوفقك ويسهل ولادتك وتقرين عين زوجك ياحي ياقيوم

الله يسخر لك زوجك
وييسر عليك الولادة

اولا تسبقين الاحداث وتشغلين زوجك من الحين
الشغالات مامنهم الا المشاكل
اذا بغيتي جيبيلك بالساعه ولاتعكرين مزج زوجك
الله يسهل ولادتك وتقومين بالسلامه

هذا اللي يقولون
بتجهز الدواء قبل الفلعة
الصبر حبيبتي
انا نفسك ونفس الرد من زوجي
بس عادي اذا جاء وقته يصير خير

وعليكم السلام ورحمة الله وبركاته
الله يسخر زوجك لك
ويسهل عليك الولاده
ولاتسبقين الأحداث