مشكلتي مع الجوال

مساكم ورد يافراشات شخباركم ان شاء الله تمام
كنت متردده كثير من ا ني انزل الموضوع لاني مااحب اتكلم بخصوصياتي مع زوجي
المشكله يمكن بسيطه بس انا حساسه بزياده انا يابنات متزوجه وعندي اطفال والحمد لله مبسوطه وعندي بيت ملك وزوجي يحبني وانا بعد وهو طيب بالمره وماعمره رفض لي طلب الا انه مستحيل يسمح لي امسك جواله او حتى اقرب منه لدرجه اذا حطه بالشاحن يقعد ينتظره لمن يشحن او يفصله وياخذه لو ماشحن ومره يابنات كان فيه جهاز قديم له مرمي بالدرج لقاه ولدي الصغير وجابه وقال ماما افتحيه قلت طيب خلني اول شيء اشحنه عشان افتحه وزوجي كان فيه قال لا جيبيه قلت هذا قديم خل الولد يلعب فيه قال لا انا افتحه له
تخيلو يابنات لو ماعندي شكوك صرت اشك من تصرفاته وهاذي هي مشكلتي ويوم صارحته بالموضوع قال هذا طبعي مااحب احد ياخذ جوالي وزعلت منه
ابيكم يابنات تردوا علي هل انتم مثلي او لا ووش رايكم
انتظر ردودكم بكل صراحه