باربي الحلوه
17-09-2022 - 07:27 am
السلام
والله يا بنات جايه اشكي لكم مشكلتي لاني مو قادره اقولها حق احد
زوجي حطمني
انا ما انكر انه انسان زين بكل المقاييس لكن من عرفته وانا عارفه المشاكل
زوجي ما يحبني من اول ما عرفني وما يشوف فيني اي جمال
رغم ان الكل الحمد لله يقولون اني مملوحه ومخططه
الا زوجي واهله والسبب ............. اني سمراء
انا مو سمره كثير سمره سمار وسط بس زوجي عنده ان البياض يعني كل الجمال مهما كانت الملامح
واهوا شايف نفسه علي ليش انه ابيض واهله كلهم بيض
والمشكله انه اهله كل ما شافوا وحده بيضه يمدحونها قدامي وقدامه بدون حيا
وفوق هذا كله اهوا كان املك على وحده سنه كامله والبنت هذي يقولون انها بيضاء
لكن صار بينهم خلاف وانفصلوا
واذا صار قاعد مع اهله يذكرونها يمه ويتكلمون عن بياضها وجمالها
احس من كلامه انه ندمان انه طلقها
عمره ما قالي كلام يتغزل فيني كل شي فيني حط فيه عيب
مهما اللبس واتكشخ واتعدل واسوي حركات واغرائات وا تنفع معاه
يعاملتي اني زوجه فقط مش عشيقه ولا حبيبه
حتى ايام الخطوبه كانت ممله وبايخه
تعب نفسيتي لدرجه اني ضعفت بشكل كبير بحيث كان وزني 52 وصار 47 خلال شهر من زواجي وياه
ولا حتا حسيت بطعم شهر عسل
شيروا علي يا بنات شسوي وياه ماني قادره اقول هذا الشي حق اي احد
حبيبتي بالإستغفار والدعاء كل شيء ممكن يتغير
الله معك