مشكلتي مع زوجي و مستقبلي

السلام عليكم ورحمة الله وبركاته
امانة انه ترددت كثيرا قبل كتابتي للموضووع
واجمعت قواي وكتبته فأرجو منكم ان تردون علي وكأنكم
بمكاني و اكون شاكره لكم على ذلك .
انه مشكلتي معقدة صراحه كثير انه عمري 19 سنه و تزوجت
كان عمري 15 سنه وكنت ادرس بالمتوسطه من رجل ليس من ديرتي
يعني تغربت ورحت عشت بديرته بعد الزواج وهو متزوج وعنده 6 اطفال
انه صراحه حبيته و عشقته بكل جوارحي و كل ما فيني لذلك رضيت بكل
هذه الامور ولم افكر ابدا بالعواقب وهو يكبرني ب 18 سنه المهم اللحين
بعد ما تزوجته بخمس اشهر طلق زوجته الاولى لانها خانته على ما سمعت
منه والله اعلم انه لا اظلمها بذلك المهم انه كنت اكمل دراستي بديرتي و بعد ما
خلصت واخذت شهادتي رحت ديرته و نقلت دراستي هناك ليلي مع النساء المتزوجات
مشكلتي حصلت مشاكل كثيره مع اهلي فزوجي قاطعني عن اهلي لا اروح لهم
و لا يجون لي و لا اكلمهم حتى بالتلفون هذا الكلام قبل سنتين وحاليا ما يخليني
اروح لهم بس هم يجون لي كل سنه مره او شي اكمل لكم اللحين انا عايشه
معاه بشقه ومعانه 4 من بناته و 2 صبيان عايشين عند اهله بنته الكبيره 15 سنه
ومشاكلي مو طبيعيه معاهم كل هواش و صراخ و شقوول انه صراحه تعبت حتى
خادمه ما عندي و حالتنا مو ذاك الزود يعني انه ما تهمني الفلوس ابد
المهم عندي الحب و الاستقرار مع زوجي انه انجبت ولد عمره 3 سنوات اللحين
وقبل اسبوع فكرتاني اتطلق لاني وايد تعبت ورحت وكنت بسافر بس باخر لحظه غيرت رايي
زوجي تغير مو هو اللي اعرفه اول كان وايد يحبني و يدلعني بس للحين تغير كل شي
صار عصبي وكل يزفني على اقل الاسباب و ماادري يعني لما يتغير عليج شخص
تحسين بهالشيء صراحه حتى كلمة اكرهج يقولها لي وهو معصب وانه بغربه وما عندي اي احد
لا اهل و لا صديقات و لا عزوة و سند هو كل ما املك بهالدنيا ويعاملني بقسوة شسوي وين اروح لمنو
انه عاداتي و تقاليدي ما تسمح لي اني اكلم احد على زوجي واخونه وانه احبه وايد وما اعتقد اني
بيوم اسوي هالشي حتى لو تطلقت راح ابقى احبه مادري شنو الحل اشتقت حق اهلي وايد امي
خذ لها سنه ونص مو شايفتني جاتني قبل شهر و عياله فشلوني جدام امي و راحوا اشتكو عند ابوهم
وقالوا ان امي زفتهم و كل هذا جذب مو صج وتهو تهاوش معاي على هالسالفه طيب انه وكل تضحياتي
وين تروح بالهواء بس جذي و قلبي و الحنان المفقود بقلبي منو بيعوضني عنه انه صرت احس انه
خلاص احنا مالنا عيشه ويا بعض و كل شي اخترب و ما اقدر اتحمل اكثر من جذي اول كنت ساكنه بيت
اهله مع امه واخوانه داشين وطالعين علينا و كله يتحجون علي ومره اخوه طردني من البيت وانه ما سويت اي شي بس علشان عياله وفعلا عقب هالكلام ما رضيت اقعد و لا دقيقه و طلعنا بشقه من ذيك السالفه
وغير الاهانات من عياله و لسانهم الطويل وانه وحده تعبت وابي ارتاح فياليت احد منكم يقول لي و ش الحل
و المشوورة خير احسن من اتخذ قرار و يكون خاطىء و ادمر مستقبلي بايدي
وزوجي دايما يقول لي المرأه مالها غير بيت زوجها حتى لو شنو صار ما تطلع منها
لو يتزوج عليها بعد تقعد انه ابي اعرف صح هالكلام و لا غلط انه مشيت عليه وايد
وما طلعت اسرار بيتي و لا فكرت بطلاق يوم واحد بس من شهر تقريبا صرت بس ما
اتحمل لازم كل واحد يلزم حدوده و يحترم نفسه و انه اعتذر على االاطاله بس
حبيت اقول لكم انه اللي قلته ما يجي نقطه بحر غير الامور اللي ما قلتها علشان
ما تعبكم وانتوا تقروون و مشكورين على حسن الاستماع
اختكم المحبه لله