مشكله ورايكم فيها مهم يامتزوجات

السلام عليكم
كيفكم فراشات
عندي موضوع مهم وابي رايكم فيه بكل وضوح
وبقول كل شي بالتفصيل
انا لي قريبه ليا وعندها مشكله لاوالله مصيبه وكانت تقولي كل شي عنها
اهي عمرها 22 سنه متزوجه لها سنه و6شهور ومن تزوجت ومن ثاني شهر زواجها
اكتشفت انو زوجها يكلم بالجوال المهم درت البنت واهي مصدومه شلون ثاني شهر وانا عروس كذا يسوي سكتت البنت فتره
وماصبرت واجهته بالموضوع وهزئته وقالت يالله على بيت اهلي المهم الرجال
كان يبرر هالشي انو وحده مرسوله عليه وتبي تخرب بيته ..قعدت عند اهلها
يومين اوثلاثه بحجة انها مشتاقه لهم وماقالت شي لهم .. كلمها زوجها ورضاها
وخلاص ماراح يعودها .. رجعت البنت ومشت الايام ومرة خمسه شهور بعدها طاحت له
في زله رسايل وغيره قالت بسوي خطه اعرف كل شي فيها اخذت البنت رقم جديد ودقت عليه منه وغيرت صوتها وكانت تحاول يكون
اللي بينهم بالمسجاات وتلزقت فيه وانها حابه تتعرف ومن هالكلام الرجال ماصدق على الله ومشى معه لين جا وقت المقابله وقالتله انا
هي موجوده برا المنطقه اللي ساكن فيها وانها حابه تقابله كيف؟ قال خلاص ماعندي مانع اجيك يوم وارجع يوم حسبي الله ونعم الوكيل
قال هالكلام انجنت وصل فيه هالشي انو مو مكالمات بس .. مسكته وهزئته وقالت انها اخذت الرقم من موبايلك ودقت عليه وصارت بنت ونها عرفت كل اللي
بينك وبينها والحين خلاص مابي منك الا ورقتي وشبي في واحد خاين .. بكت البنت وزعلت لبيت اهلها وقعدت عندهم
فتره طويه ودرت امها باللي صار .. واهو يحاول يرجعها واصرت على الطلاق واهو رافض وانه
خلاص عرف انه غلطان وظالمها وانه ماعرف قدرها لين فقدها وتعذر وترجاها البنت صدقت وانها ماتبي تخسر بيتها وقالت بعطيه فرصه
طبعا امها ماكان ودها انه ترجع خايفه على حياة بنتها وكانت تقولها انتي ماقصرتي وانتي مو قاصرك شي وتوك بعز شبابك وكذا يسوي
فيك لاكبرتي ولهيتي بالعيال والمسؤليه وش بسوي .. قالت خلاص اعطيه فرصه .. والحمدالله انها فترة زواجها احتاطت تاخذ مانع..
المهم رجعت البنت بشروط وبرظاوه .. وكانت امها كل بين فتره تنطل كلام يجرح يعني الله يعينك عليه هذا بجننك هذا مو صاحي هذا
مريض وهذا وهذا.....طبعا امها كانت نيتها انها تتركه خايفه على بنتها بس ولو البنت ماترضى ودها ان كل شي يزين وماتذكر شي
البنت ياعمري تلاقيها من وين
ومشت الايام وكانت تحاول تراقبه وينعاد نفس الشي وتلقى موبايل بسيارته قالت وش هذا
انت تلعب علي اذا ماتبيني وقلبك مع غيري اتركني في حالي وفكني انا ماصبرت معك الا على انك بتتعدل وتنضبط ولا انا موملزومه فيك
انت لو تحب بجد ماخنتني ودور غيري وقام يتعذر انه جوال واحد من قرايبه قالت انت اصلا ليش تجلس مع ناس كذا وسخه بعدين تاثر عليك
قال هذا قريبي صعبه اني اتركه وبعدين اهو مو متزوج خله ياخذ راحته وماصدقته وقالت تبي تتطلق وخلاص انت حلفتلي وعطيتك
فرصه وماتغير شي وقام ينكر ان الجوال مو له ودق على قريبه قدامها وقال ان الجوال حقه وانه ناسيه فالسياره معه طبعا اهي
شاكه بالمره بس ايش تسوي يعني لو حجته بيقول انا كلمت الرجال قدامك ليش تروحين وترجعين ..واعتذر وخلاص ماراح اركب احد معي ..
ومرت الايام والشهور وكانت ماتحس بالامان ماوثقت فيه تحس انو دايما يلعب عليها وانها غبيه كلمه توديها وتجيبها بس كان طيب
معها ويحاول يدلعها وحبوب وهذا اللي يشفعله ..مع العلم ان البنت الحمدالله ماقصرت معه بالكلام والاسلوب والرومانسيه تحاول مايحتاج
للاشيا العاطفيه عشان مايروح يدوره عند غيرها والحمدالله البنت انا اعرفها اخلاق وطيبه وغير الجمال وجسم يعني مافيها عيب
واذا كان زوجها مار بازمه ماديه او شي تتفهم وتعذره مو من نوع البنات اللي تبي كل شي يجيها قنوعه وعاقله وتقدر بس تبي حياتها تتعدل
.. المهم مشت الايام والحين تبكي وتقولي انا حاسه وراه شي حاسه انو مو طبيعي حاسه انه باقي على حركاته مادري ايش اسوي انا مليت
ابي حل يريحني وجالسه تفكر بالطلاق وانا معها من هالناحيه لانو خلاص وصلت طريق مسدود حاولت تكمل حياتها على امل انه يتعدل ويكون
كلامه صح بس مافي فايد الرجال مريض بهالشي وتبي تمسك عليه دليل عشان تطلق .. وانا الصراحه معاها بهالاختيار
انتو شرابكم والله يابنات ماكتبت سالفتها الا لاني حازنه عليها وقلت مالي الا بنات المنتدى الغاليات
وابي رايكم بكل صدق ومابي تجريح الله يعافيكم لاني مو صاحبة المشكله
انتظركم ......