مشواري في الدايت ونزول وزني من 75 ل 53

السلام عليكم ورحمة الله وبركاته
كيفكم ياحلوات .. شو اخباركم
انا حبيت اكتبلكم مشواري في الدايت ونزول وزني من 75 ل 53 <<الحمدلله
بناء على طلب بعض البنات الله يسعدهم
ويارب احد يستفيد مني ويدعيلي
مع انو في ناس ماشاء الله حققو انجاز اكثر مني
المهم
انا بدأت في رمضان تقريبا قبل سنتين كان وزني 75
كان نظامي
ع الرريق كوب مويا دافي وليمون
وكنت اكل اكل صحي يعني سلطات وكل شي قليل الدسم ( اجبان - البان - قشطه لبنه ) مع خبز اسمر
والخضار مطبوخه بدون زيت او بشوية زيت زيتون والدجاج مشوي او مطبوخ بزيت زيتون ومااكل رز
والسحور زبادي مع فص ثوم
واشرب 3 اكواب ( شاي اخضر + زنجبيل + ميرميه+ اكليل الجبل )
والحمدلله نزل وزني خلال شهرين 17 كيلو وصل 58 وفضل ثابت على كدا تقريبا سنتين
كنت في هذه الفتره اكل اللي ابغاه بس بكميات قليله واشرب شاي اخضر مع زنجبيل
بعدين اهملت شويا وزاد وزني وصل 63 يعني زاد تقريبا 5 كيلو
وقتها قلت حرام اضيع تعبي وارجع اسمن من جديد هذا الكلام كان في شهر 4 في دي السنه
وبدأت اعمل دايت ودلتني على هذا المنتدى صديقتي ( خطاك ضيع غلاك ) <<< فديتها
وبدأت معاكم
والحمدلله نزلت 10 كيلو من وزني
وكان اول شهرين نظامي مخبص شويا يعني جربت كل شي
دايت 5 ايام التمر ولبن و 3ايام بطاطس مسلوقه
بس كنت الاحظ وزني يزيد في اليوم المفتوح وماينزل بسرعه
الين فكرت واتبعت نظام التخفيف واخر اسبوعين في رمضان نظام النقاط ونزل وزني الحمدلله
وهذا ررابط موضوعي
http://alfrasha.maktoob.com/alfrasha19/thread1392218/
وحاليا لازم اثبت وزني ان شاء الله
هذا الاسبوع ( مخبصه بس بعقل ) مع شرب شاي اخضر بالزنجبيل ههه لانو بداية العيد
بس وزني مازاد الحمدلله
ومن السبت الجاي ان شاء الله
راح اتبع نظام التثبيت ( 3ايام دايت و4 ايام مفتوح (مفتوح بس بعقل ) )
او تخفيف بس زيادة كمية الوجبات شويا
وطبعا في كل الاحوال شرب الشاي الاخضر مع رياضه يوم ايوا ويوم لأ
أحب اشكر كل وحده ساعدتني ووقفت معايا ودعتلي سواء من قريب اومن بعيد
وكمان البنات اللي كانو يجو يشجعوني بين كل فتره وفتره
<<وبث خلصت
( ياررب كل وحده توصل للي تبغاه بصحه وعافيه ,,ويارب تتحقق كل احلامكم )