مصدومه من زوج صديقتي

1. اهلين فراشات

اهلين فراشات

اليوم صديقتي كلمتني مره متضايقة وانا بيني وبينكم حزنت عليها بس بنفس الوقت اقولها عادي ولا تفهمين الموضوع غلط بس قلت بستشيركم لاني حسيته مو طبيعي بس حبيت اهون عليها
القصة : صديقتي هذي متزوجه من سنتين وعندها اخت اكبر منها ووحده اصغر منها توها مو متزوجه تدرس في الجامعة المهم زوجها عمرها ما اشتكت منه يعني عادي احسها تحبه وهو نفس الشي ودايم يوديها ويسفرها ومو مقصر معها عاد هي قبل امس كانت تقولي انها يوم الخميس عازمه اخت زوجها واختها الصغيره بيطلعون يمشونها قبل رمضان واول طلعه يسونها لهم وكانت مره متحمسه المهم امس راحو ومشوهم هي وزوجها وما بقى مكان ما ودوهم له تقول ان زوجي طول الطريق بس يسولف مع اختي الصغيره هي مو صغيره 22 سنه وتقول اي شي نطلبه انا واخته يقول لين فلانه تلبه اللي هي اختها الصغيره تقول خذينا الموضوع بمزح وكذا بس بدى زوجها يتمادى يعني مصخها بكل شي وتقول رحنا مطعم وقمت انا للحمام وشوي اخت زوجها جت معها وبقت اختها على الطاولة وشوي نجي الا اختي توها قايمه تقولي تستهبلون مخليني لحالي معه وشكلها معصبه المهم تقول انا ماش حاسه بأختي ان فيه شي وتقول سألتها بعدين تقول انه يسألني وش تحبين وليش اذا سافرنا ما تجين معنا وعندك رقم ثاني
طبعا اختها كانت متضايقه وتقول انا تضايقت من زوجي مره وقلت عادي وكذا ما تبي تخرب الطلعه وتقول حتى اخته قامت تحس انه طاير بأختي الصغيره ويقول تقول وشوي يسأل اخته يقول مين احلى زوجتيى والا اختها الصغيره شوي اخته عصبت عليه تقول حتى اخته متفاجئه منه وهي تقول عمرها ما شافت زوجها كذا واختها الصغيره منحرجه منه مره المهم الطامه الكبرى تقول عادي عدت اليوم لين وصلوهم للبيت ورحنا لبيتنا تقول امنا عندي كمرا لاختي الصغيره يوم اسافر قبل اسبوعين مع اهلي ومصوره فيها وجبتها معي بوري زوجي صوري وكنت اقولها انا بفرجك عشان الكميرا فيها صور اختي تقول هذا الكلام من اسبوعين المهم ونست ترجع الكمرا لاختها وكانت حاطتها في درج في غرفتها تقول امس يوم نمت انا وزوجي وقمت قبل الفجر ولقيت زوجي مو بالغرفه تقول واطلع الا القاه جالس في المجلس ومعه الكميرا وقاعد يتفرج على صورة اختي تقول هو انصدم وعلى طول سكرها وهي تقول خذيت الكميرا ودخلت الغرفه اتغصب النوم ابي انسى الموقف
عاد يوم قامت دقت علي تبكي تقلي وش اقوله تقول مصدومه منه وش ذي الحركه تقول اول مره اشوفه كذا حتى عمري ما شكيت فيه انه راعي خرابيط ومرره منهاره ومصدومه تقول فيني صيحه موقفه في حلقي رحمتها مرره تقول عاد للحين ما قعدة معه تقول وش اقوله وكيف اتصرف معه تقول احس كرهته كره احس ودي اجيب السكينه واذبحه
بنات وش رايكم وكيف تتصرف معاه بصراحه قليل ادب وحرام عليه زوجته قمة في الاخلاق والاهتمام ومتعلمه وحلوه ومرتبه وكل شي فيها زين الله لا يوفق كل زوج ينزل دمعة زوجته بخيانته ولا مو اي خيانه حاط عينه على اختها حسبي الله ونعم الوكيل