مطلقة مقتولة

وين ردودكم

الله لا يوفق كل انسان ينظر لمطلقة بنظرات حقيرة

الى يطالعها بها النظرة هو اكيد حقير

شوفي ياقلبي
المطلقة بالذات ماراح تسلم من كلام الناس
خصوصا الناس اللي مايخافون الله
يعني اذا لبست وكشخت قالوا تدور العرس وتحسب نفسها ماتطلقت ومدري ايش
واحيانا يقولون كلام بوجهها بس عشان يجرحون مشاعرها
مع انها في اضعف حالاتها النفسية وفي امس الحاجة للي يرفع معنويتها لو بكلمة حلوة او مجاملة
واذا صارت عادية ولبسها عادي وبدون مكياج قالوا ياحرام
للحينها حزينة على فلان وتبيه ماتشوفينها وش مسويه بحالها
يعني في كل الأحوال الكلام الشين جاي جاي
لكن انتي خلك مبسوطه بحياتك وكلي واشربي واطلعي وانبسطي وعيشي حياتك
ولايهمك الناس وكلامهم لأنهم ماراح يشبعون من الحش والتجريح ونقل الكلام
هذا رأيي

على فكرة
الرجال إذا عرف ان طليقته تتعذب وعايشه ولا كأنها عايشه لأنها متعلقه فيه وتحبه
او على الأقل حزينه على وضعها واللي صار لها
يكابر ويصير عنده شعور انه يحتقرها ويكرهها اكثر
بس ان عرف انها تضايقت وزعلت كم يوم وبعدين اخذت نفس ورمت كل همومها ورى ظهرها
ورضت بقضاء الله وقدره وبالقسمة والنصيب وعاشت حياتها احسن من اول
ولا كأنه كان بحياتها شخص تحبه وتركها وارخصها
بيموت من القهر ويمكن يندم انه تركها وطلقها
اقل شي لو عرف انها مبسوطة لو ظاهريا
بيصير هو المهموم والمقهور من وضعها بعد ماتركها
وغالبا هذا الواقع

من راقب الناس يا قلبي مات هما
محد بيسكت والكلام بيطلع على المطلقه وعلى غيرها
نصيحتي لكل مطلقه مالك شغل باحد عيشي لنفسك وبس واللي مو عاجبك قولي له في عينه
صحيح انك تطلقتي لكن لا تعتبرينها نهاية الدنيا اعتبريها كبوة جواد ولكل جواد كبوه
ارمي الماضي ورا ظهرك لاتقولين ما اقدر ومجروحه و مقهوره اهتمي بشكلك الظاهري ولاتهملين نفسك لانه محد بيخسر غيرك بيشحب وجهك وبتنحفين وحالتك بتصير حاله
وفوق كذا ما بيسكتون عنك الناس
اكشخي والبسي وعيشي حياتك روحي وتعالي ومالك في كلام الناس واللي يقول لك تبي العرس قولي لهم ايه عندكم مشكله معي .... احسن من قولتهم مسيكينه ما نست فلان
لاتفكرين بالناس محد درى عنك ولا فكر فيك عيشي لنفسك وبس و الدنيا تخلص وكلام الحريم ما يخلص
صدقيني اهتمامك بنفسك بيساعدك تتحسن نفسيتك وشوي شوي بتصيرين توب ومحد قدك
وخلي حكمتك بالحياة طلاقي انطلاقي للحياة

الله يعوضناخير
انامنطلقة اتثاثرلكلامهم شوي
بس احاول ابين اني قوية ومازالت
اعجبتني الحكمة الله يعوضناابرك لي عودة فيني النووم

والله أنا أشوف أن مو كل الناس كذا أنا حولي مطلقات كثير من قريباتي وماشاء الله عايشين حياتهم طبيعي بل أحسن من عيشتهم مع أزواجهم اللي كانت جحيم بجحيم ..
والمرأة لاتصنف حسب وجود الرجل في حياتها يعني اذا متزوجة أوكي واذا مطلقة أو أرملة لا..
المرأة لازم تكون أقوى من كذا وتقدر تواجه المجتمع بثقة والأهم من هذا كله أنها ماتعامل نفسها على انها مطلقة أو غيره بل تعامل نفسها على أنها انسانة وانسانة لاتقدر بثمن كمان ..
بحكيلكم قصة أمي لما تطلقت من طليقها اللي قبل الوالد الله يرحمه ويغفر له ..تدرون وش قالت؟؟قالت هالكلمة بس "بدال الحمار حمار" ..والله ياأخواتي وانها مافكرت بالموضوع وجلست فترة بسيطة بس وخطبها الوالد الله يرحمه وهو بعمره ماتزوج قبلها ..
فيااخواتي انبسطوا وعيشوا حياتكم والله يعوضنا خير يارب
تحياتي

ربي يسعدكم طبعت كلامكم وارسلته اليوم بالفاكس لها هي ما عندها نت
جزاكم الله خير