معا نتحدي السمنه كفايه بقي حرام تعبنا

ايه يا جماعه مش قادرين نستحمل منكولش لشهر ولا اتنين وبعد كده نرتاح بقي اللبس ميبقاش مشكله ولا الحركه تتعبنا واي مجهود يفرتكنا بجد حرام انا جيبتلكوا وصفه سهله قوى النهارده واحده صحبتي قالتلي عليها وهي ان الاناناس يمنع امتصاص الدهون في الجسم وفعلا لقيت حبوب للاناناس معموله علشان التخسيس طب ليه ناخد حبوب وربنا ادانا الفاكهه نفسها طعمها حلو وكلنا بنحبها يا جماعه حناكل بتوازن مش لازم نحرم نفسنا ومش لازم يبقي في شراهه في اكلنا دا الرسول قال واذا اكلنا لا نشبع لكن احنا نبقي شبعانين وبطننا علي الاخر وناكل برده لازم نفكر ان في ناس مش لاقيين الاكل ده يللا نبتدي علشان نرتاح ونريح اللي حوليني والله ممكن اجوازنا يجوزو علينا ونرجع نندم واللي مش مجوزه يارب تتجوز وتبقي لبسا حلو عليها مش ضيق ومضايقها واساسا مش لقيه حاجه حلوه تلبسها يلا علشان نمشي علي تعاليم دينا يلا علشان صحتنا وطبعا علشان نبقي رشيقات الحلم الجميل انا نويت اعمل ريجيم متوازن انا مش دكتوره بس المشرفات علي اجمل منتدي حيقولوا اذا كان الرجيم دا صحي ولا لا انا حعمل الاتي الافطار: كوب لبن خالي الدسم و جبنه ربع رغيف وبعده كوب عصير اناناس طبعا طبيعي او قطعه اناناس الغذاء: اي شي سمك لحمه فراخ طبق سلطه كبير او طبق خضار بس بدل متحيطي 2ملعقه سمنه حطي واحده بس مش حنخسر كتير بالعكس حنوفر في السمنه وربع رغيف وبعد الاكل عصير الاناناس بعد الغذاء بساعه حناكل الفاكهه ونحاول منكولش الفاكهه اللي بطخن طبعا كلنا نعرفهم الموز والتين والعنب والمنجا ولو نفسك فيهم كلي واحده بس مش لازم نفتري العشاء: زبادي او كوب لبن او فاكهه بس يا جماعه دا الرجيم صعب والله اسهل بكتير من الي احنا بنعملوا وطبعا نصيحتي ليا وليكوا كل يوم رياضه وندعي ربنا كتير ونقول بسم الله الرحمن الرحيم عند كل اكله علشان الشيطان ميكولش معانا وربنا ينولنا اللي في بالنا يلا ندعي لبعضنا انا وزني دلوقتي 98 بعد اسبوع حقولوكوا بقيت كام يلا ننشجع بعض يلا نبتدي سوا يلا نقول بسم الله الرحمن الرحيم