معاناتي بأول يوم عيد

السلام عليكم ورحمة الله وبركاته
بصراحه مادري كيف ومن وين ابدأ
هذا ثالث عيد لي متزوجة
اول عيد كنت مسافره برا مع زوجي وعيدنا هناك
ثاني عيد كان مع اهلي
ثالث عيد هذا العيد
والله أعلم وش اللي صار فيه
يابنات اهل زوجي (( اقصد بأهل زوجي أهل أمه بس أما خالتي عسسل )) الله يهديهم او ياخذهم ناس مايخافون الله مايخلون احد بحاله ..
لازم يحسدون ويحقدون ويسسون مشاكل ..
وبعد مو بعيده عنهم يسحرون
حتى بنتهم اللي هي خالتي أم زوجي .. مسببين لها مشاكل لدرجة طلقوها من زوجها المسكينة ..
أنا أول ماتزوجت كنت اروح لهم واجلس عندهم لأن بطبعي اجتماعيه واحب الناس بس عقب ماسببوا لي مشكلة مع رجلي وصلنا لدرجة الطلاق !! عقبها حرمت اطب عليهم او اشوفهم ...
حتى زوجي منعني منهم .. والحين الحمدلله صار لي سنة عنهم
اليوم اللي هو يوم الجمعة .. أول يوم عيد ..
الناس كلهم من فرحة العيد يواصلون ويشترون حلويات ويكشخون ويروحون يزورون أهلهم ..
من سوء حظي أنا أهلي من غير شر مسافرين وإلا كان عيدت معهم ..
حتى رجلي وده اني اعيد مع اهلي عشان مشاكل اهله .. بس الشكوى لله أهلي مسافرين ومالقيت حجز ذهاب وعوده ..
اليوم الصباح مثل كل العالم والناس واصلنا ولبسنا وكشخنا وتقهوينا وافطرنا ..
وقال زوجي انا وأمي واخواني بنروح نعيد أهلي وأنتي اجلسي بالبيت شوي وبنجي ناخدك وبنروح عند خالتي .. قلت اوكي
راحوا وأنا مستانسه لحالي بالبيت تسبحت وكشخت وكل شي على مهلي ..
شوي الباب ينصبخ ويدخل اخو زوجي الصغير يبكي اقوله شفيك يقول طردونا !!
يوم دخلت خالتي وزوجي واخوانه
خالتي المسكينه تصيح وتدعي عليهم
اقولها شفيك تقول تخيلي رايحه أعايد أهلي وطردوني بدون سبب !!
وكلنا قمنا نصيح وبنتي كانت رايحه معهم ياقلبي هي جت تصيح معهم مفجووعه وفستانها كله شوكولاته متلطخ ..
يوم هدينا رحنا لخالة رجلي تعيدنا عندها هي وبناتها وتغدينا ورجعنا للبيت نمنا ..
يوم صحينا كنت بدق على امي وابوي اعايدهم واكتشفت ان شريحة جوالي محترقه .. بنتي الله يهديها كانت تلعب فيه وأنا مادريت عنها وانحرقت الشريحة والحين لازم اطلع بدل فاقد ..
بعدين رحنا تمشينا وشفنا الالعاب النارية ورحنا لمنتزه مع خالة زوجي وبناتها
وبنتي طول الطريق تصيح وهبلت فيني بالمنتزه بس تصيح لدرجة كل الناس يناظروني يحسبوني خاطفتها ..
قريت عليها وهدت شوي وركبنا عربة الخيل .. يوم ركبنا ومشينا مالت العربة وانقلبنا على جنب ..
نزلنا معصبين ورحنا ندور لنا شي ناكله ..
والله يابنات وقتها ودي اذذبح بنتي نفسيتي زفت وتكرمون علي الدورة وآكل غصب عشان ماادوخ بس
يوم شفت الوضع طوول قلت لخالتي امشي نرجع للبيت
رجعنا للبيت والحين انا قاعده اكتب لكم معاناتي بأول يوم عيد ..
والحمدلله على كل حال