سوال واتمنى الكل يجاوب عليه

أناقشه بالمعقول ..
يعني أكون وسط مو مرا مكمكمه بالبس ولا مررا بايعتها
بس ياقلبي هو بالنهايه أكيد يبغى مصلحتك

والله ياقمر اكيد احنا نحب لبس عريان و عبايه على الكتف مطرزه و نحب البناطيل بس يا اختى خير
الامور الوسط يعنى العريان يتستر بشى معقول البناطيل ينلبس عليها البلايز الطويله العابيه اعتقد
ان على الكتف مو حرام الا اذا كانت مطرزه و ضيقه و مخصره اهم شى انها تكون ساده وماهى من الساتان
الى يلمع و واسعه وقبل كل شى لازم نماشى الامور الاسلاميه و احكامها ومن ترك شى لله عوضه بخير منه
والله يوفقك لكل ما يحبه و يرضه

شوفي حبيبة قلبي لو انا كنت عند اهلي البس هاللبس وبعد الزواج يقولي زوجي انا مابيك تلبسين اللبس اللي كنتي تلبسينه عند اهلك وربي لقوله كلامك ع راسي وابشر اللي تبيه يصير المفروض تستانسين لان هذا اذا دل دل على غيرته لك ياقلبي واسمعي مني يادنيتي وربي ادري انه يمكن صعب او ماتقدرين تتخيلين انه احد يفرض رايه عليك بس هذا زوجك ياقلبي تعرفين شمعنا زوجك حبيبتي اسمعي مني اذا قالك هالشي زوجك لاتضايقين ولاشيء لان زوجك يبي مصلحتك انتي شايفه بنات هالايام وانا مااعم لا بعض بناتنا الله يهديهن العبايه ضيقه ومخصره وتمشي بالسوق ولاكانها لابسه شيء وعيون الشباب عليها زوجك اذا قال كذا فهو خايف عليك انتي زوجته وحياته ودنيته وام عياله الله يخليكم حق بعض احمدي ربك ياقلبي غيره يخلي مرته على كيفها تلبس جينز وعبايه مخصره كانها خويته عسى الله يهدينا وياهم امين اتمنى تتقبلين كلامي بصدر رحب واعتبريني مثل اختك حنا هنا بالمنتدى نشكي حق بعض ليش لان مثل الخوات

اذا بتخسرين زوجك علشان لبس
اقولك ماعندك سالفه
اسمعي كلامه احسن

اذا كلامه معتمد على احكام شرعيه مثل انه العبايه ع الكتف حرام او انه ما وده اني البس قصير بزياده او عريان و خالع قدام الناس فأنا احترم كلامه و انفذه ... أما اذا كان لبسي ما وصل حد الخلاعه و عباياتي ما هي ملفته (يعني ع الراس بس بحركه بسيطه ع الكم) اناقشه بهدوء و منطقيه و سلامتكم ..
كل عام و انت و الجميع بخير ..

شوفي ياقلبي أنا قبل أتزوج ألبس بناطيل تنانير قصار كت سيور عادي مرره بس عند بنات اكيد , بعد زواجي جيت عند أهل زوجي ماكانوا يلبسون هالأشياء يعني مثلا تنوره قصيره مستحيل وإذا لبسوا بنطلون فأكيد فوقه بلوزه طويله وشاف لبسي ماكان يعلق إلا مره شريت تنوره قصيره وقالي ماراح تلبسينها ترى قلت إلا بلبسها أجل شاريتها أصور جنبها قالي ماراح تلبسينها خواتي مايلبسون كذا قلت وش دخل خواتك أنا غير وهم غير لاتقارني فأحد أنا شخصيتي مستقله تماما أفهم>>وع فكره هو يقول القصد مو آنو خواتي مايلبسون كذا بس أنا خايف من العين لما يشوفونك بلبس فاتن وضيق ومفتوح أخاف يصير لك شي
سكت وهو مو عاجبه الوضع بعد فتره صارو خواته يلبسون يوم شافوني طبعا حتى زوجة أخوه كانت ماتخطي عن التنوره الطويله والحين بناطيل وبرموده !!!
ع انو مو فخر آن حنا نلبس هالشي لانه أكيد غير جائز,فأنا لو بتركه بتركه لأن حرام .. الله يهدينا جميعا
وترى مو شرط تطبقين اللي قلته لأن أكيد شخصية زوجك تختلف عن شخصية زوجي وأنتي شوفي عاد..

مو سالفة اناقشه او لا
سالفة انه قبل الزواج وبفترة الخطبه لازم هو يعرف هالاشياء
اذا موافق اوكي مو موافق يروح يدور غيري

ناقشيه بكل هدوء
وان شاء الله يوافق
الرجال يحبوا كل شي ع كيفهم

والله انا صرت البس عبايه على الراس وما اطلع بلبس قصير
اتفقت معاه على اني البس بناطيل بس قصير لا الا فالبيت خارج البيت له
لان الرجال مايرتاح اذا زوجته كانت تلفت الانتباه
انا فالعيد هذا لبست عبايه على الكتف بس واسعه ومافيهاا تطريز وكله برضاه
تنازلي عن شي عشان يتنازل عن اللي تبينه
الحياة الزوجيه يبغالهاا كثير من التضحيات بس لا تصيرين تافه وتجرين ورى هذه الاشياء
اذا اليوم رفض بكره بيرضى عندك انا من يوم ما اخذته وانا عبايه على الراس
اخر شي هو قال لي اشتري عبايه على كيفك بس مو ملفته
كل الرجال فبداية الزواج يفرضون رايهم واذا عاندتي تمسك برايه واذا طاوعتيه ...
يمل ويخليك تسوين اللي تبينه