معاناتي يوم زواجي

مرحبا راح ابدأ معاكم السالفه على طول
هذا الله يسلمكم وبعد ماتحدد موعد زواجي
اكتشفت انه راح يكون معاي عروس ثانيه بنفس اليوم
الا وهي زوجة ولدعم زوجي
طبعا انا دارت الدنيا فيني
لاتقولون انانيه بس هذه ليلة عمري احب اكون فيها لوحدي
وماحب تعليقات الحريم ,,,فستانها احلى مسكتها مدري كيف
يعني المقارنه اللي تصير بين ثنتين
حاولت اقنع زوجي بس قال مو بيده
الامر كله بيد ابوه وعمه
طبعا اهلي طلبوا قاعه قريبه ومعروفه عشان المعازيم اللي من جهتنا مايتوهون في القاعه
ومع ذلك حجزوا قاعه في اخر الدنيا
احنا ساكنين بشمال جده
والقاعه جديده ومو معروفه بجنوب جده يعني مره بعيده
مرت الايام وانا اجهز لزواجي
واحاول اختار كل شي مميز
واخيرا
شرف يوم الزواج
صحيت الصباح وانا متضايقه ويمكن قلقانه اكثر وهذه شعور كل عروس
افطرت وتجهزت
وبعد الظهر رحت رحت للكوافيره
وجننتها عشان المكياج والتسريحه
ماحب العفاشه والدفاشه
بالمكياج والتسريحه احب طلتي تكون ناعمه
والحمدلله طلعت مثل مابغيت واحلى
يوم جيت خارجه من المشغل وعند كونتر الاستقبال
من كثر ما الحريم يناظرون فيني انا ارتبكت وطحت بينهم
واغمى علي لحقتني امي رشوني بالمويه
اخترب شوي مكياجي
ورجعت عدلته الكوافيره الله يجزاها خير تعبتها معاي
من اول وجديد
الموهم خلصت وخرجت وتجهت للقاعه
قبل مااخرج كلمت المصوره وقالتلي
ربع ساعه وانا في القاعه
والله يابنات وصلت القاعه ولبست وجلست انتظرها وادق عليها تأخرت
وانا خلاص اعصابي توترت
اكثر بالله انلام؟؟؟؟؟؟؟؟؟
الموهم بعد تأخر طويل شرفت الموصوره ويوم جات تشبك اجهزتها اكتشفت انها ناسيه شي مره مهم معرف الفلاشات او ايش الموهم كلمت السواق على اساس يروح يجيبها وانا مثل ماقتلكم القاعه بعيده
ورب البيت عصبت عليها وانقهرت لدرجة اني خلاص ببكي
الموهم راح وجابها وتأخير على تأخير يادوب اخذت لي كم صوره الا العروسه ذيك انزفت خلاص والحين وقت زفتي
نزلت تحت بصاله في القاعه عشان التصوير المباشر والكيكه وكذا
لأني مابغى العريس يدخل عند الحريم مو عاداتنا
الموهم بدأ التصيور واثناء التقطيع ومع تصويرها حق الفيديو البايخ على الشاشة اللي عند الحريم كل شوي تنقطع الصوره ونرجع نعيد الحركه
يعني ام القلق
الله لا يوريكم كيف
وانا اقول في نفسي خلاص يابنت اتحملي ذي ليلة عمرك
خرجت للزفه
وتعبت مره في انتقاء اغاني الزفه وكلفتني كثير
يوم وصلت على الكوشه المفروض تشتغل اغنيه عشان ارمي عليها الورد لصاحباتي والبنات
اول ماوصلت الكوشة الطقاقه الله يسامحها بدت تغني والشريط شغال
وراحت المشرفه وفقلت الشريط
تخيلوا كل تعبي طار في الهوا جلست
والله يابنات توني وصلت الكوشه حتى لسه باقي لافه ظهري للناس مالفيت جهتهم
ووقفت مكاني وماتحركت
من القهر
وربي جلست على الكوشه مكشره غصب عني وابتسامتي يادوب تطلع
وبعدها قمت على طول ورجعت للجناح
والاقي المصوره في وجهي تقول ماخلصنا تصوير الوقت متأخر
وهذا طبعا بسبب تأخيرها وانا بموت من التعب بطيح من طولي
والحمدلله خلصت تصوير ورحت للفندق
وانتهت ليلة زواجي
انا كتبتها هنا لكم عشان افش غلي اللي من يوم زواجي
بس الحمدلله حياتي الزوجية سعيده ومستقره
وسلامتكم