معاناتي

السلام عليكم ورحمة الله وبركاته ..كيفكم يافرشات...انا فرشه عضويتى من زمان بس قليل ماشارك
بس هالمره فريت فى هالقسم وشفت ردودكم الى تثلج الصدر قلت مافيه اي شي لو افضفض للفراشات واخذ برايهم......ادرى انى ثرثاره
انا راح اقولكم مشكلتى ...انا متزوجه لى تقريبا 10سنوات ..تزوجت وانا بثالث كليه وانتقلت للمدينه الى اهل زوجى فيها..طبعا زوجى سكنى عندهم وشغله بمنطقه ثانيه المهم ياحبايب قلبي انه اول ماتزوجت كانت حياتى تمام بس الى كان مكدر حياتى انه زوجي بعيد عنى وفوق كذا تاخرت بالانجاب لمدة سنه ونصف
وبحكم انه بعيد عنى مدرى اذا جاء عندى تكون فيه مشاكل بيني وبينه يمكن عشان كلن عايش لحاله انا كملت الكليه واندمجت مع صديقاتى واصبحن جزء كبير من حياتى بس لمن يجي احس انه تكثر المشاكل واذا شافنى اكلم وحده منهن يتضايق ويبداء يسالنى....شاء الله وحملت بعد علاج وجبت تؤام ...بس برضه المشاكل موجوده....ومافيه تفاهم بيننا ...ولمن خلصت الكليه اخذنى عنده وكانت حياتنا تمام بس تعرفون لازم المشاكل يعنى تعاند اتضايق منه يزعلنى ويجرحنى بكلماته بس الشهاده لله كان مايخلينى يراضينى ..ومرت على سنه سبحان الله يابنات كنت مرتاحه نفسيا والهدؤ يرفرف علينا ...وكنت مره مهته بنفسي وهات خلطات وهات حركات بالي خبري خبركم..المهم سنه روعه حتى هو يذكرها الى الان وشاء الله انه ننتقل لمدينة الرياض طبعا كنا فى الجبيل ..وتغيرت نفسيتى وعجزت اتقبل الوضع الى انا فيه واحن للايام الى كنت فيها بالجبيل ..
ورجعت المشاكل طبعا مو مشاكل يعنى توصل للشيطان الرجيم بس انا ثرت عصبيه حتى على عيالي
طبعا الحين معى 3اولاد وبنت ....والله يابنات احس بداخلي حزن ضيقه زوجى يتوددلى اصده كرهت العلاقه ؟؟؟
حتى لى سنه الدوره متلخبطه جننتنى النفسيه حطام ..السهر تعبنى ....مرره حياتى تغيرت للاسواء
انا بينى وبين نفسي اندم واقول ليش اصده ولمن يداوم اقول ابتكشخ واستناه واحاول اتقربله هو ماعليه كلام رومنسي يسمعنى يدلعنى مايزعلى على متحملنى بس انا احس بنفور منه ...
انا عرضت مشكلتى وان شاء القى لها حل ..والى ماعندها حل ابي منها دعوه لى بالتوفيق والستر والهدايه وصلاح زوجى واطفالى والوظيفه ..ولكم مثلها
اسفه ظولت عليكم ولكم منى كل الشكر والتقدير