معجنات رائعة بطريقة جديدة

المقادير
دجاجة بوزن 1500 غ
المطيبات ( عيدان قرفة و حب هال و كبش قرنفل( مسمار ) وورق غار للسلق)
5 حبات كبيرة بصل مفروم جوانح متوسطة السمك
1ملعقة صغيرة ثوم مطحون ناعم
2/1 كوب زيت زيتون
4/1 كوب مرق سلق الدجاج ( حسب إستخدامك للحشو )
تشكيلة التوابل:
2/1 ملعقة كبيرة قرفة مطحونة ( دارسين )
1 ملعقة كبيرة كزبرة ناشفة
1 ملعقة كبيرة فلفل أحمر ( بابريكا )
1 ملعقة صغيرة كمون
1 ملعقة صغيرة بهارات مشكلة ( السبع بهارات )
4/1 ملعقة صغيرة هال مطحون ( إختياري )
3 ملعقة كبيرة سماق
4/1 كوب تقريبا عصير ليمون ( يعتمد على رغبتك )
ملح حسب اللزوم
4/1 كوب تقريبا عصير ليمون ( يعتمد على رغبتك )
الطريقة
أسلقي الدجاج و بعد إزالة الزفرة ( الريم ) حطي المطيبات واتركيها حتى تستوي تماما بآخر 10 دقائق من السلق حطي الملح حسب رغبتك
صفي الدجاج من الماء و اتركيه يبرد قليلا و لا ترمي ماء السلق
لما يبرد افصلي اللحم عن العظم و قطعي اللحم بطريقة التنسيل يعني مو فرم لأ تنسيل و تكون القطع صغيرة نوعا ما
بطنجرة حطي زيت الزيتون وعليه البصل و اتركيه على نار هادية إلى أن يصير البصل طري بس بدون ما يحمر لونه و هاي النقطة كتير مهمة
لما يطرى البصل حطي عليه الثوم و حركيه دقيقة وحدة بس و بعدها حطي كمية التوابل كلها و قلبي شي دقيقتين ( رح تشمي ريحة روعة )
اطفي النار وحطي الدجاج المنسل و عصير الليمون
إذا إذا إذا كنتي رح تستخدميها للسندويشات حطي شوي من مرق السلق أما إذا للسنبوسك و المعجنات ما في داعي وهلق رح أتركك مع باقي الصور
هون عملتها بسندويش صمن وع مخلل اللفت و القرنبيط و الملفوف طبعا ممكن تحميص السندويش بحماصة الخبز بتكون روعة و مقرمشة
هون استخدمت رقائق الميل فوي الجاهزة و عملت منها فطاير التاج
و هون عملتها فطيرة و استخدمت طبق خاص بالفرن حطيت الطبقة الأولى عجينة المبل فويو بعدها حشوة الدجاج و بعدها طبقة عجين و زينت بقصاصات العجين دهنت السطع بيض و شويتها و شوفو كيف طلعت