معقوله الرجال يجوون كذاوحنا نتعب انفسنا بالمقدمات

السلام عليكم ورحمة الله وبركاته
انا اول مره انزل موضوع في هذا القسم دائما اكون متابعه فقط
المهم
شفت مواضيع كثيره في هذا القسم تتكلم عن حركات وليالي تسوونها لازواجكم ..
واذا خلصتو تطلبون الطلب الي تبونه منهم
يعني تكون هذي الحركات مقدمه للطلبات الي تطلبونها
فجا في بالي كلام مدرسه تقول انها كانت اذا بغت من زوجها شي لازم مقدمات وكلام حلو ....الخ
واحيانا تضبط واحيانا لاء...
فمره ما اتذكر بالضبط وش كانت تبي منه اتوقع تبي فلوس يعني مبلغ كبير وكانت تبدا بالمقدمات
بس على طول تخاف يرفض وتوقف وتقول بنفسها اخليها وقت الثاني
المهم انو مره جا رجال لزوجها كان متسلف منه فلوس
وجاي يرجعها فلما قالها زوجها سوي الشاهي والقهوه بيجيني رجال وقالها السالفه قالت هذا انسب وقت
فلما جا ياخذ الشاي بعد ما جاه الرجال على طول قالت له في وجهه محتاجه مبلغ (.....)
وهي مغمضه عيونها تنتظر وش بيجيها
قام زوجها طلع المبلغ قدامها واعطاها المبلغ ..
قالت انا لي فتره قاعد احسن اسلوبي ومقدمات وخرابيط ما توقعتك بتعطيني المبلغ كذا؟؟؟؟؟؟؟!!!!!!!!!!!!
زبدة الموضوع <== اخيرا
انها تقول اذا بغيتي شي من اي رجال سواء اخوك ابوك زوجك
لا تقعدين تقولين مقدمات وخرابيط وسوالف خلاص اطلبي طلبك وبس ..
لان الرجال ما يحبوون المقدمات
انا ما تزوجت بس الاحظ مع ابوي اذا بغيت شي سواء قعدت اقدم او قلت طلبي على طول
الاجابه وحده يا ايه يا لاء
وبس
ابي اشوف وش رايكم تتوقعون كلا مها صح؟؟
والسلام خير الختام .......