معلمات المتوسط ساعدوني تورطت

شوفي حبيبتي خلي نظراتك حاده عليهم وبدون ابتسامات يعني اللي تتكلم وتضحك طالعيها بحرارة
بدون ما تتكلمين واستمري عليها لين تسكت و لابد من الهواش بس مو دايم و الله انا عصبيه ما
عطي احد وجه واكيد طريقتي ما تجوز للمديرة اللي مثل مديرتكم تجوز للمديرة العصبيه مثلي
ودي اقولك هاوشي بقوة بس المشكلة المديرة باين عليها باردة ما تساعد ......... والله هالبنات
صراحه ما ينعطون وجه ما تتأدب البنت الا بالهواش وانا مجربه اشوف عندي يصيرون م}دبين ياخفون
وعند معلمه باردة هبال واستفزاز و الخ
الله يعينك ويصبرك

الله يسامحكم يابنات وحده بس الله يوفقها ويحقق لها مطالبها جاوبتني ياحبي لها
ابقولكم شكرا صرت ادرس ابتدائي الحمد لله والشكر ارتحت معهم يجننون عند المتوسط

خ
الله يوفقك ان شاالله
لهادرجه متوسط ما ينقربون؟!!....
حرام. وش ذنبي؟..

هلا حبيبتي مشكلتك والله سهله بس شكلك انتي شخصيتك هاديه وما تحبين الازعاج وتتلبكين لمن تشوفين الطالبات ما يعرونك اهتمام بقلك بعض النصائح الي مريت فيها يمكن تفيدك
اول شي لازم تتناسن موضوع الطابات واعتبري انه مافيه احد بالفصل
حضري درسك زين ولا يكون همك الا شرح الدرس بس وكوني هاديه على طبيعتك
طبعا قبل لا تدخلين الفصل اذا شفتي احد برى او وحده موجالسه في مكانها لا تصارخين او تتكلمين خليكي ساكته وواقفه عند الباب من غير ما تتلفتين الى احد او تنتضرين احد اذا جلسوا مكانهم اطلبي من اقرب طالبه بمسح الصبوره اذا كانت مشخبطه وانتي انشغلي بمراجعة درسك استعدادا للشرح لازم تكوني حازمه وما تتبسمي او تخاصمي اذا وحده منهم ضحكت او تبسمت او تكلمت ركزي النضر عليها من غير ما تشيلين نضرك عنها الين تهداء خذي دفتر الدرجات ولازم تكون هذي عادتك دفتر الدرجات معاك يوميا اختبار لمده خمس دقايق فيما سبق وشرحتيه قبل بداية الدرس كوني هادئه واختاري عشوائيا اسم طالبه واساليها اذا جاوبت جلسيها واذا ما عرفت خليها واقفه واختاري اسم غيرها طريقه الاختبار اليومي قبل الدرس تخليهم قبل حصتك مستعدات ومتخوفات منك وهادئات راح تلاحضين انهم قبل الحصه كل وحده في مكانها تراجع الدروس واذا يوم لقيتي قبل حصتك طالبه برى قبلك خليها توقف عند الباب الين ما يتم مسح الصبوره والاستعداد للدرس اطلبي منها صك الباب والوقوف امام الصبوره بهدوء وكاالعاده طلعي دفتر الدرجات واساليها عن اسمها واختبريها اذا جاوبت رجعيها مكانها بس خليها واقفه من غير ما تذكرين السبب ليش خليتيها واقفه.
بعد ما تخلصن اختبارك اليومي راح يكون الفصل كله هادي مثلك نزلي الدفتر وتجاهلي الطالبات وسمي بالله وابدئي الشرح راح تحسين نفسك جدا مرتاحه ونفسيتك متزنه وواثقه من نفسها اذا لاحضتي حركه في الفصل اثناء شرحك ولمحتي الي احدثتها اشري عليها بيده بالوقوف وكملي شرحك اذا كان فيه صوت او حركه بسيطه سمعتيها غيرصوتك بالفصل وما لمحتي احد احدثها اسكتي الين تهداء الحركه من غير ما تصارخين وخليكي حازمه .
اذا انهيتي الدرس اطلبي من الطالبات الي ما جاوبوا على الاختبار بالجلوس الا الطالبه الي احدثت ازعاج. حطي علامع على اسماء الواقفات وفي اليوم الثاني قبل ماتبدئين الامتحان اطلبي منهم الوقوف وفتشي على واجبهم المنزلي او اطلبي دفاترهم واجلسيهم واختبري غيرهم.
بها الطريقه تكوني مرتاحه وتقتدرين تضبطينهم وهدوؤك ينتقل لهم و يكونوا هادئات مثلك وتكون شخصيتك قدامهم شخصيه المعلمة الحازمه الي ما تعرف غير الجد وقت الدرس ولازم ابتسامتك ما يشوفوها الا وقت حصص الفراغ او برى اذا حصل موقف بسيط في الفصل يعني في غير حصصك الاساسيه في حصص فراغ خليهم على راحتهم يتكلموا ويلعبوا وانتي انشغلي باي شي عندك بس بهدوء .
ان شاء الله اكون افدتك وتحياتي اختك دينا

أختي دينا
مشاء الله والله نصايحك مره حلوه يعطيك العافيه
ودي أقرأ مواضيع كثيره زي كذا يعني تجارب شخصيه من واقع مدارسنا خصوصا في الرياض اللي بناته يكرهون في التدريس وأنا واحده هاديه ومره تعبانه من البنات
ياليت تزوديني بنصائح أكثر في التعامل مع الطالبات اللاتي يتعمدن إستفزاز المعلمه ..
وش برايك أحسن المتوسط ولا الثانوي ؟؟
أسفه على كثرة الأسئله

فوق