مغتربة ساعدوني

ana nana

22-10-2022 - 12:47 am

السلام عليكم ورحمة الله وبركاته
كيفكم يا حلوين
اشتقتلكم من زمان عنكم
حبايبي انا مره محتاجة ارشادكم لي .. واللي عدت بنفس حالتي تساعدني ياريت
انا مغتربة مع زوجي . وزوجي بيدرس طب .. ولدت الحمدلله وجبت بنوته ربي يخليها لي
المشكله اول سنه من زواجي درست وكنا مخططين انا وزوجي انو ما اخلف الين اخلص دراستي
بس ربنا قدر وكتبلي حملت بعد 8 شهور وجبت بنوته
دحين ليا والدة شهر ونص . يعني خلصت الااربعين اخدت فترة امومة في الجامعه .. ودحين بداءت الحوسه لانها خلصت الفترة
.. واختبارتي بعد شهر وانا مني داريه شي عن المنهج ... وابغى اجل ترم يقولي زوجي لو اجلتي محستناكي ..
هوا حياخد الامتياز في البلد اللي احنا فيها دحين عشاني يعني هوا يكون امتياز وانا اكون سنة رابع تخرج ان شاء الله
وهوا يقولي انا محستناكي كفايه حاخد الامتياز هنا عشانك ....
والله محتارة وحايسه وخصوصا انو برضع بنتي طبيعي ومو راضيه تتقبل ولا رضاعه صناعي
جبتلها كل الانواع .. وغير كدة بنتي مره تبكي كتير تبغاني طول الوقت اشيلها
وما ترضى تسكت مع احد حتى مع ابوها
لا تقلولي خلي امك تجيكي لان امي حرمة كبيرة وتعبانه عامله عمليه قبل شهرين يعني مهي خلق اطفال
والله حموت ... وبعدين زوجي شايل هم لو انا اجلت ترم البعثه حتوقف الصرف عليا .. واحنا مالنا الا صرف البعثه بس يعني زوجي محد بيساعدو من اهلو
بدي طريقة وحل ايش اقدر اسوي مع بنتي وزوجي . ودراستي اللي مرت بنفس ضروفي تفيدني

التعليقات (9)

*حـــ حمودي ــبي *

22-10-2022 - 04:20 am

طيب اذا الجامعه فيها حضانه خذيها معاك ورضعيها بين المحاضرات
والله يكن بعونك

روهــــــــادا

22-10-2022 - 05:21 am

آلحمدلله عَ سلآمتك
ومبرؤؤؤؤك آلبنوته وربي يخليهآلك وتفرحين فيهآعرؤؤسه
لو عندك جآره قريبه آشفطي من حليبك وحطيه ب آلرضآعه وخليهآترضع بنتك منه
ولو في حضآنه قريبه من جآمعتك حطيهآفيهآوآطلعيلهآبين آلمحآضرآت ورضعيهآ
وربي ييسرلك آلخير

زهور البنفسج

22-10-2022 - 06:22 am

عزيزتي وضعي زي وضعك تماما.
انتي في اي بلد؟؟
اول شي تسويه روحي سجلي في حضانه الجامعه طبعا حيكون في ويتنج ليست طوويل وخلي زوجك يسجل كمان،،
وبعدين دوري حضانات قريبه من الجامعه حتكون شويه غاليه بس مو مشكله.
و شوي شوي عوديها عالحليب الصتاعي جربي معاها كل الانواع اذا انتي في بريطانيا في نوع اسمه كو عند جيت مره ممتاز.
ولا تخافي عليها ترا مره عنايه واهتمام في الحضانه فوق ماتتخيلي واي سوال لا تتردي راسليني عالخاص ،،
والله يطمنك عليهاا

غيــــوض..

22-10-2022 - 07:23 am

طيب ياقلبي حاولي ماتكثري من شيل البنت كذا تتعود على الشيل الكثير ويكثر صياحها لما تنزلوها وتسيبوها لانها تعودت على الشيل والهز وكذا
حاولي ماتشيلوها كثير الاوقت الحاجه .....
استخدمي اللهايه او المصاصه تفك لك ازمه يمكن تمسكها بفمها وترضى وبكذا ترتاحوا من الصياح
لاتنسي بهالعمر يكثر المغص عندهم فحاولي تحطيها على بطنها على رجولك عشان ترتاح وتطلع الغازات وشربيها يانسون محلى بسكر نبات بيخفف الالم...
وحاولي تشوفي مراكز الحضانه حراام تضيعي سنه
والاختبار حاولي تجيبي اللي ناقصك لو زوجك يجبهم لك من الجامعه والدكاتره وكل ماحصلتي فرااغ اقري
ربنا يسهل امرك يارب هي كلها سنه اضغطوا على انفسكم شوي...

ana nana

22-10-2022 - 08:24 am

معقوله عدد المشاركات 133 ومحد ساعدني الا 4 بنات .. الله يجزاكم الجنه يارب
والله حبايبي لو على الحضانة مو مشكلة ... بس المشكلة ان زوجي تعرفو دكتور ومرة معزبني من دي الناحية ما يحب اكل برة ... ويبغى اكل صحي ... ويبغى البيت مرتب ونظيف ويموت بنظافة ...
يعني من دي الناحية مره يدقق على كل كبيرة وصغيرة والكوي تخيلو اكوي حتى ملابسو الداخليه ... يمكن عشان انا عودتو على كدة ودحين والله ندمانة ... من جد الرجال ما يمشي معاهم الدلع
حبيبتي انا في امريكا ...
وبنتي والله لمن تبكي تحزني لانها مسكينه مريضه مع الجو تعرفو تلوج وامطار .... ومني عارفة ايش اسوي معاها
بفكر اجل ترم عشانها لانها صغيرة ويبغالها عنايه لو بس تبداء تعتمد على نفسها وتبداء تاكل سيرلاك والاكل المعلب على الاقل اطمن ويسير ارضعها قليل واوديها حضانة
ابغى تجاربكم ايش كنتو تعملو في دراستكم وبيتكم ....
ادعولي الله يفرج همي الله يخليكم

ana nana

22-10-2022 - 09:25 am

زهور البنفسج حبيبتي تسلمي يارب الله يسعدك ويديكي اللي في بالك ويهون علينا الغربه
اانا عدد مشاركاتي قليلة ما اقدر ارسلك
اه والله مكتئبة ومضايقة والدنيا كلها سودة حوليا ... والناس اللي اتعرفت عليهم للاسف كلهم حقون مصلحة وقت الونسه وهما طفشانين يدورو عليكي ... ولمن تحتاجيهم محد يرد عليكي ...
للاسف اللي شفتو في الغربه ما شفتو في حياتي كلها عند اهلي وبين ناسي ما شفوتها
بجد الغربه تعلم الواحد كيف يفرق بين الناس

زوجة ملاك

22-10-2022 - 10:26 am

الله يكون بعونك حبيبتي سهليها بتسهل معاكي عقديهاا بتتعقد
خدي الامور ببساطه وراحه وتوكلي على الله واعزمي النيه بتوكل عليه سبحانه
والله ياقلبي ربي ما بيضيعك انصحك بدي الكلمات ردديهاا بعد صلاتك وعند نومك
راح تحسي براحه وراح تحسي بامورك تمشي باذن الله
سبحان الله والحمدالله ولا اله الا الله والله اكبر
وربي يوفقك ويكون بعونك

ana nana

22-10-2022 - 11:27 am

الله يسلمك يارب ويكثر من امثالك شكرا

زهور البنفسج

22-10-2022 - 12:28 pm

أنا زيك وحاسه بيكي والله ربنا يهون عليكي وتلاقي ناس كويسين.
بس لازم تعرفي انو في أشياء كتير حتتغير في حياتك،، أنا مااقول حتقصري بس بتنظيم الوقت كل شي حيكون تمام بس تحتاجي وقت.
افضل شي انك تاجلي اختباراتك دور تاني،، أنا كدا سويت لما ولدت وجبت تقرير من المستشفي والبحوث اعطوني اكستنشن وقت زياده،،
انتي حطي اهم شي دحين تدوري علي حضانه كويسه،، وربنا ييسرلك ولا تشيلي هم تتيسر ،، ادعي بالتيسير والبركة في الوقت،،
قبل ماتنامي قولي مره الحمد لله و سبحان الله الله اكبر،، صدقيني حتحسي فرق في الوقت
وادعي اللهم يسرنا لليسري وجنبنا العسري واغفر لنا في الآخرة والاولي،، دعواتك

شوفوا وش سوى شايب متزوج أربع حريم و←
اناقة الزوجة المرضع→