مفآجأة للعروسة ف بيتها

مافهمت قصدك تبغين شي دائم والا اول ماتدخل البيت ترحيب يعني
اذا حركة ترحيب جيبي كيك وعصير وشوكلاته وشموع وورد وهديه صغيرة وضبطي جلسه خياليه من ترتيبك اذا عندك بعد الشلال"مويه" يجنن صوته مع فواحة ريحتها حلوه جيبي الكاسات وزينيها زعصير نفس اللون وكذا يعني صدقيني بتيقى في ذاكرتها الحركة هذي حتى ريحة العطر اللي بتحطينه اتمنى اكون افدتك وان شاء الله البنات يعطونك افكار اكثر بعد تقبلي مروري

أملوamalلة
ايواا حركة ترحيبية
هيا راح تدخل البيت عالفجر بعد ماتخلص زفتها
يعني دايخة من الزواج .
وماراح تآكل أكيد .
وماعندنا شلال
حركة الجلسة حلوة ..
الله يوفقك ويسعدك يا عسل

في نوافير صغيرة يبعونها في محلات الاثاث مثل ستي بلازا هوم سنتر المحلات هاذي مو شرط شلاشل كبير
وكمان قطعي ورد جوري وصفيها على شكل قلب وحرفها وحرفه فوق السرير
واذا كان فيه روب الحمام
ولاتنسين تحطين كرت حلو متناسق مع الوان الورد فيه دعاء او كلام او تهنئه فوق الوسائد مربوط بورده كامله
وممكن تحطين بالونات حمراء من جرير عندهم بالونات غريبه وحلوة
ولاتنسين تعطرين المفارش وتكون نظيفه مرره والشمووع جنان في البيت كله اشتري من ايكيا
وفواحة بالريحة اللي يحبونها ولاتنسين البخور من الماجد مع الفواحة تطلع ريحة جنان
وبعد حطي سلة فيها حلويات وتشبس وحركات زي الفنادق صحيح ماراح يأكلون بس بيأكلون منها والعصير والكيك وسلة الفواكة
والحمام لاتنسين تحطين فيه الرغوة والصابون والشور جل والشامبو في سلة مرتبه حولها ورد وشموع
اتمنى اكون عطيتك افكار تفيدك
موفقين ان شاء الله

هلا اختى الف مبروك جبت لك هذه الافكاراتمنا تفيدك ومنها:
الالوان
الاضاءه
الورد
الاكسسوارات
العطور
وبنتكلم عن كل نقطه بالتفصيل
الالوان
الالوان الشائعه اللي تستخدمها العروس للتزيين
الابيض
الاوف وايت(السكري) بتدرجاته الى البيج والذهبي
الاحمر وتدرجاته.. الماروني والعنابي
والفضي والذهبي اللي ممكن ندخلهم على لون التزيين الاساسي مثلا فضي وابيض او ذهبي واحمر
فالبدايه يجب على العروس اختيار لون معين او تدرجات لون مثلا (الاحمر والماروني والعنابي)
وتتبع كل شي حسب هاللون من اختيار لون المفرش ولون الورد والخ..
الاضاءه
لها تأثير كبير يغفل عنه الكثيرين
اضاءه الغرفه لازم تكون هاديه وخافته تعتمد بالدرجه الاولى على الاباجورات والشموع
بحيث تتوزع الاباجورات في السويت في اماكن مختلفه ومتباعده شوي(الاباجورات بتكون موجوده فالسويت من الاساس)
الشموع
لها تأثير رومنسي وتضفي جو حالم وشاعري على المكان وانا شخصيا احب اخلط بين تدرجات لون معين في الشموع وماشتري لون واحد
نوزع الشموع في اماكن مختلفه ويفضل تكون من احجام مختلفه لكن توزع بطريقه فنيه حلوه
ممكن نوزعها عند الكوميدينو والتسريحه والطاولات وانسب شي للطاولات الشموع الطافيه
الورد
بلمسه بسيطه من الورد نقدر نخلق جو ثاني فالمكان
ناخذ ورد طبيعي وننثر اوراق الورد على الكوميدينو قدام الشموع
وممكن على السرير على شكل قلب
او ننثره بشكل خفيف على ارضية الغرفه
وماننسى نوزعه على الطاولات الموجوده
ولو حبت العروس توزع باقات ورد في المكان بشكل منسق وجميل او ممكن تستعين ب فازات
(مزهريات) وتوزعها في السويت وتحط داخل كل فازا كذا ورده بيعطون شكل حلو للمكان
الاكسسوارات
الفازات
سبق وتكلمنا عنها
الثرو
يعطي شكل جميل جدا وراقي ويوحي بالفخامه تلقونهم في محلات الاثاث
والاكسسوارات مثل لايف ستايل هوم سنتر ودبنهامز
ناخذ الثرو ونحطه بشكل عشوائي شوي على طرف السرير او الصوفا او الطاوله
ونلقى الثرو بخامات متعدده ومختلفه ولو مالقيتوا بكل بساطه ناخذ قطعة اورجانزا شيفون او مخمل او القماش اللي تشوفينه مرتب ونرميه على طرف السرير مثلا (وممكن نخلي الخياط يخيط اطرافه)
ولو هذا كله ماتوفر ممكن نشتري كميه من قماش التور مثلا 6 امتار ونقطعه مثلا متر لكل كوميدينو
ونعفسه بطريقه حلوه كأن فيه تعرجات ونحط فوقه الشموع وبعدين ننثر اوراق الورد
المخدات..الكوشنز..الخداديات
وجودها مو ضروري بس مش غلط ممكن نوزعها بشكل مرتب على الصوفا مع الثرو
اللماع او الترتر اوالكريستالات
تلقونهم في محلات الخياطه واللماع موجود في المكتبات ناخذه ونرش منه على اوراق الورد او الشموع بشكل خفيف جدا
وممكن ننثر منه شوي على التور او نوزع الكريستالات بشكل خفيف بتعطي لمعه حلوه
الستاره
واقصد فيها اللي تتعلق على السرير وتكون نازله بهالشكل (طبعا مو شرط بس مجرد اقتراح)
المفرش
في عرايس يحبون ياخذون طقمهم الخاص ويحطونه في الفندق وهالنقطه برايي تغني عن التزيين الزايد لان المفرش بروحه بيعطي فخامه للغرفه وبعض العرايس يستغنون عنه ويكتفون بمفرش الفندق
واللي مو حابه تاخذ مفرشها الخاص افضل انها تركز على تزيين السرير بس بشكل ناعم وانيق عشان يعطي شكل حلو ويغني عن المفرش الخاص
العطور
من اهم واشهر العطور لغرفة العروسين (الخله)
عباره عن مشموم وماي ورد اضافه الى عطور عربيه اخرى تخلط وتوضع في سله ونتركها فالغرفه تقريبا يوم
ونسكر الباب عليها ونشغل المكيف عشان الريحه الحلوه تنتشر والخله معروفه عندنا الحريم الكبار يسوونها
بالاضافه للخله معطر الفراش شي اساسي ومهم لازم لازم العروس تعطر الفراش والغرفه كامله بنوع
من عطور الفراش والبخور او العود وطبعا بيكون من النوع الفاخر وايضا ممكن نمسح على المفرش
والمخدات بشكل خفيف من دهن العود او المسك(فكره اختياريه)
وفي انواع خاصه للعرايس اغلبها يسوونها الحريم وعندنا الانواع العاديه اللي تنباع في المحلات
مثل ليلة خميس من اجمل واكوا كوثر و اكوا زينة الفراش من الرصاصي ورهيف ودانتيل من الشايع
هذي بعض الانواع اللي انا جربتها وعجبتني وحبيت اذكرها لكم على سبيل المثال لا الحصر
تزيين الحمام بشكل بسيط وناعم
وزعي شموع على اطراف البانيو وانثري اوراق الورد
وطبعا عطري طقم الفوط بدهن العود وبخريهم بالبخور وخليهم على جنب في سله

ام
ؤذكرتيني بنت خالتي لها 4 شهور متجوزه تقول اول يوم في الجواز لمن رحنا لبيت الزوجيه
زوجها قلها جبت لكي هديه ودسيتها في محل دوري عليها وخذيها وقلها عشان مااتعبك ماهي في غرفه النوم وليومكم دا مالقيتها 4 شهور تقول لمن جوا اهلي عندي خليت اختي تدور معايا بس برضوا مالقينها

موزه فوشيه
هههاي ي

ؤذكرتيني بنت خالتي لها 4 شهور متجوزه تقول اول يوم في الجواز لمن رحنا لبيت الزوجيه
زوجها قلها جبت لكي هديه ودسيتها في محل دوري عليها وخذيها وقلها عشان مااتعبك ماهي في غرفه النوم وليومكم دا مالقيتها 4 شهور تقول لمن جوا اهلي عندي خليت اختي تدور معايا بس برضوا مالقينها
ملكع هذا شكله ماجاب لها شي ههه
شوفي عندي فكره مدري تعجبك ولا لا
جيبي بالونات الهليوم واربطي علي كل حبل نازل منها ورده خلي البيت كله ورد طائر و جيبي هدية اخوكي نفس الشي واربطيها بالونات كثيره عشان تصير طائره وممكن تجبين علب صغيره ووبوسط كل علبة كلام يكتب ابو الشباب وتعلقينها مع بالونه والورد
بس هذا اللي طلع معي
بالتوفيق لخوكي ومرته والله يسعدهم

ذكرتوني بيوم زواجي.انا اجيت لبيتي لقيت مفاجات بالبيت. اول شي بالمدخل اصيص زريعه و فيه ورد حلو بفتح النفس. وبغرفة النوم اشكال تحف كلها مليانه ورد و البانيو فيه مية وورد مجفف و شموع صغيرة على شكل نجوم .
و عالمغسلة متل الكاسة بس مو للشرب فيها وردات و حتى المغسلة مسكرة وفيها ورد و مي...........حركة حلوة
بغرفة النوم كمان فيه نافورة صغيرة بتنحط عالطاولة.
بالحمامات كلها اصيصات زريعة بس النبته عبارة عن ورد. حلو بالحمام. و بارضية الحمام تحفة على شكل وعاء كلها ورد مجفف و شموع. طبعا انسي الروائح الحلوة من الورد و المعطرات.
هاد اللي عندي اتمتى يفيدك

حركتات حلوة