مفاجأة لاخوي في يوم زواجه

حطيله كيكه من ذوقك وخلي صورته اهو وخطيبته مع بعض اذا ماعندهم صور مع بعضهم سويها انتي بالكمبيوتر وادمجيها صدقيني راح يتفاجأ اكثر

هو ايش اكثرشي يحبه عان نقدر نساعدك

رقصي له رقصه خاصه ..
وانتي ترقصين نزلي العروس من الكوشه وخليها ترقص له على اغنيه كلماتها حلوه وتكون الاغنيه مع الرقصه اهداء
و مبروك على اخوك و انشالله تعجبك الفكره

زهرة المايا
فكرة الكيكة سويتها له في تخرجه ^_^
نورة وكمان نورة
مايحب شيء محدد المهم فكرة يستانس عليها ^_^
الاسطورية
ماعرف ارقص ههه
والعروس عيب ترقص
بغيت حركة وهو نازل من فوق الاصنصير للكوشة

اختي شجونه الحلوه
الف مبروك على زواج اخووج
وحبيت اوضلج شغله احنى عندنا بالكويت العروس بالعرس لازم ترقص عله اغنيه وتكون خاصه لها والمعرس ينزلها من الكوشه وتنزل الصاله وترقصله
بس بالامارات ليش عيب اهيا حلاله
؟؟
وعن المفاجأه الي تبينها
ممكن تيبين ريال وحريم هنوود يدشون على اغنيه هنديه اريايل يشيلون صناديق شكلها قديمه شوي
والحريم يمشون جدامهم ويرقصون هندي او حتى يسوون استعراض بسيط
والصناديق مبطله وتقدرين تزينينها بالورد وتحطيله فيها دهن عود وبخور وممكن ساعه يعني مجموعةهدايا والصندوق الثني لهاا
ممكن دراعه هنديه وعطورات لها وجنطه حلوه وكسسوارات
ويحطونهم جدامهم ويطلعون والاغنيه شغاله ويقولون اهداء من اخت المعرس للمعاريس
وانشالله الفكره عجبتج
او ممكن بنفس الطريقه بس بنوتات صغار تلبسينهم نفس الشي
وتشترين العربانه الي تقدم عليها الجاي عرفتيها الي بالبيت يحطونها وفيها ريول تمشي
خلي البنات يسحبونها وفيها الصناديق ويقدمونها لهم
تحياتي
كويتيه

ليش ما تتجمعون انتي وخواتج وامج ويعني اول ما ينزل يشوفكم انتوا وخلي احد ينقع الورق اللي شرات الشلق من ورى
وتمشون وراى المعرس .................

مشكورة أحلى كويتية على الفكرة الحلوة ^_^
وبالنسبة لسؤالج .... هذي العادات والتقاليد اللي تقول عيب حتى لو كانت حلاله ما ترقص العروس جدام الناس لكن اذا روحها مع ريلها تسوي اللي تباه ^_^
ام خليفة تسلمين حبيبتي على الفكرة وسويناها بعرس بنت عمي ^_^ بس كنا شالين ورد مزين بالكريستال

احلى شي
قدمي له باقه ورد رايقه
هديه له ولعرروسته اذا نزل من الاسنصير

اختي اعتقد بيكون فرحان بالعروس اكثر من الهديه
بس ايش رايك تسوين توزيعات عليها شعر فيه وتكتبين انها اهداء منك