مفاجأه وغير كل المفاجأت للعرايس فقط لايفوتكم

مرحبا للجميع
ان شاء الله تكونون بالف صحه
والله يابنات جبت لكم مفاجأة ماتحلمون فيها
المهم
انا زواجي بعد فترة
وكنت شايله هم اعدادات الزواج ومتى وكيف وشلون
المهم لما رحت للفندق اللي بسوي زواجي فيه
عطتني وحده كرت محل قالت بيساعدك
انا مااهتميت فيه
لكن بعد فترة قاالت لي وحده على محل يمسك لك الزواج من الباب للباب واي شي تبينه يسويه
قلت يالله ورحت له
انا بس اخترت الكوشه والصبابات 3 وطاولة بعد العشاء وشي بعد نسيته والله
قام يحسب لي المبلغ
قالي بشكل مبدأي 60 الف انا لو كنت مسويه كل شي اوكي بس ماسويت شي قلت له اوكي طلعت منه
وشفت الكرت قلت خليني اروح
رحت للمحل والله يابنات
يجنن يجنن
كل شي عنده ابداع ويوريك صوربالكمبيوتر وكتلوجات
تصوروا:-
سويت الكوشه رومانيه
والممرات سويت فيها اعمدة طويلة
والمصعد فيه بالقاعه للزفه
والمسكه
والطالولة بعد العشاء
والحمامات وانتم بكرامة
ودفتر ذكريات
وطاولات الزواج نفسها حطيت عليها تصميم يجنن من الورد وجاب لي ورقتين كبار يلفهم بشكل اقماع ويحط فيهم وحدة شوكلاته ووحده فطاير وهو اللي يوفرهم من اوبرا
وبعد يجيب لي القهوجيات
مع المعاميل
وكاسات العروسه
بنات تخيلوا كل شي احتاجه والحمد لله
يعني انتي ترتاحين وهم يسون كل شي عنك
والمفاجاة الصح ..
يسوون لك بروفة للطاولات وللممرات وكل شي تبينه ماعدا الكوشه لانها صعبة
تتفقين معهم على يوم وتروحين ويسون لك وتعدلين اللي تبين
انا خليت الستايل العام لزواجي ان شاء الله طاؤؤس
بيدخل لي في كل شي ريش طاؤوس
ماشاء الله بيطلع زواجي يارب يجنن
والكيد المبلغ انتم تستنونه
تخيلوا كل هذا 20 الف ريال بس
لا وقالي اقدر انزله لك لحد 14 الف بس بكذا يقل الورد بشكل بسيط
بس انا مابغيت ودي الورد كثير
بس والله يابنات كل شي حسب الامكانيات
وانا حبيت افيدكم وبالتوفيق للجميع روحوا وماراح تضر الزيارة
اللي تبي رقمهم تراسلني ...
لاتنسوني من دعوة بظهر الغيب بالهداية