مقهوره وابيكم تساعدوني مليت من حياتي بهالشكل

1. اهلين بالحلوين

اهلين بالحلوين

ابدخل لكم بموضوعي علطول انا متزوجه لي 7 سنوات زوجي انسان عصبي وانا متربيه على الهدوء والدلع يعني فرق وللاسف لسانه متبري منه هو دايم الصح وانا الغلط هو الذكي وانا الغبيه ومع هذا كله يقول احبك بعد سنه من زواجي جبت ولد وللاسف تربى على العصبيه وحدة المزاج مشكلتي انو مالي اهل زوج مثل العالم والبشر ابو زوجي ميت من زمان وامه من تزوجت وهي فيها زهايمر وخواته مايدرون عن زوجي هو ميت والا حي بس علاقته باخوانه 2 يشوفهم كل جمعه انا مقهوره كل بنات خالاتي وبنات عماتي عندهم اهل زواج يكرموهم ويسالو عنهم وجمعات وعزايم وانا ولا شي يعني انا الوحيده من بنات العاىله كذا مع اني كنت مدلعه بالنسبه لجدتي ام ابوي وام امي وابو ابوي وابو امي ودايم افكر في عيالي كيف لما يكبرو مالهم جد وجده من ناحية ابوهم. زعلت عند اهلي شهرين من زوجي وتصورو ماحد دق من اهله ولا كنو ولدهم عندو زوجه وخواته قويات مع انهم 2 بس قويات ويهم شر لااجتماعات ولا حتى يسالو عن ولد اخوهم لو يصير مايصير مع انهم يقربو لنا بس من بعيد ولا كنا نعرف طبعهم دايما اندم اني تزوجت وامي تهديني تقول مدام زوجك مقتدر ماعليكي من احد مع انو انا بكر امي وامي نفس الشي تنقهر من هالشي تتمنى انو عندي اهل زوجي يهتمو فيي وفي عيالي بس المسكينه تهديني . امه ساكنه بيت اخوه اروح لها الشهر مره اسلم ساعه ساعتين واطلع زوجة اخوه طيبه .بس اشوف جدتي امي امي كيف تدلع عيال خوالي وتعزم زوجات خوالي مع انهم مايستاهلون واغار وتهتم بعيالهم وتقول ماغلى من الولد الا ولد الولد انا احزن واغار ارحم ولدي والي جاي ببطني هل الموضوع يستاهل احزن بليز ارشدوني هل قهري بمكانو والله احس قليل زيي
مع العلم ماينقصني شي جمال ودلع على سنع واكره شوفة النفس متواضعه وانيقه وذكيه وهاديه واهلي ناس طيبين مااخفي عليكم احيانا بيني وبين نفسي اقول ودي اصير مغروره واتطلق بس اذا تذكرت ولدي اخاف اتراجع دايما احس حياتي مافيها استقرار قبل كم يوم زوجي زعلني بكلامه المشكله ممن اتفهه الاسباب مايبيني اغلط يبيني ملاك كلمت امي قلت بعد النفاس ماراح ارجع له وانا لسى لي شهرين راجعه بيتي جلست عند اهلي شهرين زعلانه ولاحد داري عني من اهله يحقروني الله يحقرهم
حسبي الله عليهم وحسبي الله على الي حسدني اللهم امين اللهم رد كيدهم في نحورهم
مع العلم انو جاني منهم مشاكل بس تعبت وانا اكتب ان شاء الله كلامي مفهوم متوتره شوي اعذروني بس بليز ارشدوني انا مشكلتي مشكله والا انا مكبرتها من لاشي ؟؟؟