مقهوورة مرة من حياتي ساعدوني تكفوون

اهلين خواتي الفراشات
بحكيلكم قصتي واتمنى منكم تشورون علي وتنصحوني
انا متزوجة لي ست سنوات ولي طفل عمررة ثمان شهوور
ام زوجي متسلطة ومتدخلة بحياتي بشكل كبير من اول شهر من زواجي وهي حابة
تفرض علي قوانينها في طلعتي ودخلتي وعلى ولدي بعد احس انها تبي تاخذة مني لدرجة انها تقول
لو ابوة يعطيني الاوكي لاخذة ولا عاد تاخذينة مني مع العلم اني ساكنة فوقها ماتحبني اخذ ولدي
معي عند اهلي او خالاتي او اي مكان تحب انة يكون عندها هي حتى لو كانت هي معزومة في نفس
المكان اللي بروح لة تبي ولدي يجلس في بيتها صح تحبة ما انكر هالشي بس مو لدرجة انها تقول
لزوجي لا تخليها تاخذة تحب تتملك الشي تحب زوجي ينفذ اللي تقولة بالحرف الواحد اهم شي انة
يكسر خشمي اذا شافتني انا وياة بنروح مكان او بيوديني لاهلي رمت كلام علي انت كل شوي
توديها كل شوي وهي تروح لاهلها تبي تستفز زوجي عشان يحلف ما اطلع مكان
لدرجة بيتي ما يقفل بابة عشان امة تدخل وتاخذ اللي تبي من الثلاجة او اي شي تفاهمت انا وياة
كذا مرة عن سالفة امة بس مايعطيني فرصة اشكي لة او افتح فمي لدرجة قلت لة لاتخلي بيتي
مفتوح قفل الباب اذا انا مو فية رفض اذا طلعت مثلن اليوم مكان وجاء بكرة مناسبة جيت بطلع قالي لا
امس رايحة بس عشان يرضي امة
واخو زوجي عندة ولد عمرة ست سنوات يغار من ولدي مرة يضربة على وجهه او يقرص اذنة او خشمة
وانا جالسة يسوي هالحركات واذا شافوني اهاوشة اقول ياويلك تسوي لة هالشي قامو خواتة
يتلفظوون انتي وش دخلك هاذا ولد اخووي انتي مالك دخل واذا رديت ردو علي بكلام يرفع الظغط
واليوم اخذت عفشي ورحت بيت اهلي
هل اللي سويتة صح او لا
مع العلم اني صبرت لما فية الكفاية حاولت افهمة باي طريقة مو راضي يفهم
اتمنى يكوون شرحي واضح