مكواة الشعر السراميك

ياليت الفراشات يفيدونك
وكمان أفضل ماركه وياليت الي تعرف أفضل اله للتسحيب والتكسير
أتمنى نلقى الاجابه
مشكوره أختي على الموضوع

شوفي أنا ماانصحكِ بصراحه اولاً السعر غآلي
ثآنياً ماتدرين كذبهم من صدقهم
ثالثاً اصلاً المكوااة مضره للشعر
رابعاً موفقه خيتو : ))

شكرا اخواتي على المرور

حبيبتي فيه بروان فيه بالمنتدى بنات يمدحونه
ماحبيت ادخل وماارد

مرحبا
بالنسبة لمواة الشعر نصيحة لا تشترينها منهم
شوفي بدلك على محلات اذا انتي فالرياض روحي
واشتريها من محلات تجهيز المشاغل او اللي تشتري من عندهم الاستشوار وهو بالمره حلوو وحتى استخدامه سهل ويسحب الشعر صح يخليه حرير
انا علمتني عليه صاحبة مشغل سويت عندها
وناوية اروح اشتريه اتوقع قالت سعرة بس مايتعدى 200 ريال ...
انتي اذا لك احد في الرياض او اذا تنزلين الرياض
والا عندكم بالمحلات اللي ذكرتها .
ترى لونه اسود وفيه شوي احمر ومن جوا مو لونه فضي
لونه على ابيض كانه بلاستيك ..
معليش طولت عليك ان شاء الله افدتك ..
لاتنسين ادعيلي ربي ينولني اللي في بالي ويشفيني ..
تحياتي

احسن مكواة شعر هو بيبي ليس لونه اسود وفيه درجات حراره مختلفة وب200 ريال والله يخلي الشعر جنان علما ان شعري مو خشن ولكن كشاش وفيه طعجات وكثيف والله انه ريحني كثير واستغنيت عن الأستشوار اللي كنت ما استغنى عنه
وشكرا

ياليت يانونه تدليني على المحل بالضبط وين بالرياض وشو اسم المحل عشان اشتريه

اختي الغاليه انا استخدم مكواه السيراميك
ونوعها براون روعه وخفيفه اخذتها تقريبا ب190 ريال
لونها اسود
بس حبيبتي انتي عارفه انك ما تستخدمينها الا وانتي مستشوره شعرك؟؟
بس وربي اذا استشورت شعري وسويت بها يطلع له لمعه روعه ويخليه ناعم
موفقه ان شاء الله اكون افدتك دعواتك يالغلا

احسن شي براون ممتزه جداا بس نسيت والله سعرها لاتاخذين الجديده لمطورهن خذي اللي قبلها